Jirimaya 51:11 - DAWAN BÎLA AISKA

¹¹ Dawan Babilon slingbaia lukisa bara witin ai lukanka ba ni Media kingka nani ba tukbisa. Baha sika Dawan mita pana muni ba warkka ba, witin nani Dawan tempelka ra diara daukan ba tâwan. ¡Man nani trisbaikam ba pliki bris! ¡Kainam kahbaika nani ba dims!

Jirimaya 51:11 ပူးပေါင်းရင်းမြစ်များ

1 King Nani 11:14

Bara Dawan bui Salaman waihla kum bukan, Hadad, Edom wina ba king kiamka wina kan, witin ba sin Edom uplika kan.

1 King Nani 11:23

Gâd bui Salaman mapara waihla kumi bukan, baha ba Rezón Eliadá luhpia waitna ba; witinka ai dawanka Hadad-ézer wina plapan kan, Sobá kingka ba wina.

1 Kronikas 5:26

Baha ba tâwan Israel Dawanka ba bui Pul ra kupia tuskan, witinka lika Asiria kingka, wibia sa kaka, Tiglat-piléser ra, witin bui Ruben bara Gad uplika nani ra bara baku sin Manasés kiamka bakriki kan ba sut alki brih wan ba: bara Halah, Habor, Hará bara Gozán awalka ba kat baha nani brih wan, bamna bahara banhwisa naiwa yua ba kat.

2 Kronikas 36:22

Ciro king aimakan pas mani alkan ba ra, Persia kingka ba, Dawan bîla Jirimaya aisinka ba aimakbia dukiara, Dawan ba Ciro ra tâ baikan, king tasbaya aiska ra ulbi lakaia naha lâka nani ba:

Esdras 1:1

Ciro Persia kingka witin nan king aimakan ba manka ra, Dawan bui Jirimaya ra aisan ba yaka aimakaia dukiara, Dawan mita Ciro spiritka ba tatukbi bukan Dawan bîla ba yaka tasba aiska ra bara ai kingka lâka bri ba ra tasbaya ra sin maisa pakbia ai bîla aisanka ni, baku sin wauhkataya ra ulbi naha lâka ba yan:

Aiseya 10:26

Dawan, karnika sut ba mita witin nani ra klala yabia Oreb ra walpa tara bara Madián uplika nani ra bataki pura luan ba baku, Asiria mapara ai karnika ba marikbia. Idsip ra ai karnika marikan ba baku.

Aiseya 21:2

Diara aihka saura karna pali kan Dawan mairikan ba pât ra dadingkra ba, upla pât dingkisa, sauhki tatikra ba sauhki tikisa. ¡Elam, bus! ¡Media uplika nani, dimi alks! ¡Brukwi ba kau walan ai daukras!

Aiseya 21:5

Witin nani tibil ba pat bri sal mangkisa, diara maman dukia nani ba ni palkisa; bara pi, di banhwisa. ¡Kiaptin nani, man nani bus, war aiklabaika dukia kainam kahbaika ba lipni dauks!

Aiseya 41:25

“Yang daukri waitna kum lalma ra takaia; witin nina kat mâki winri, bara yahbra tanik aula. Tawan wihtka nani ba slaubla ra baku ai mina ra taibisa; sumi papaskra baku ai mina ni slaubla ba akbisa.

Aiseya 45:1

Dawan mita Ciro ra batana laikan, king baku, mihta wina alkan bara yan nisan nani ra taibaia lâka, bara king nani war aiklabia dukia sut bri ba mihta dakbia. Dawan ba daukan baku takaia, Ciro kainara tawan getka ba param kabia upla kumi sin sip prakras kabia. Bara nanara wisa:

Aiseya 45:5

Yang sika Dawan, bara kau wala âpu sa, yang tnaiya ra Gâd wala âpu sa. Yang ridi mai daukri aiklabaia dukiara, man kau ai kakaira apia sma sakuna,

Aiseya 46:11

Lalma tasbaya ba wina yang waitna kum paiwri, witin yakal baku balbia bara tasba laih pali wina yang aisari ba baku witin daukbia, yang daukaia luki kaikri ba baku sin daukamni.

Jirimaya 25:25

Zimrí kingka nani ra, Elam bara Media kingka nani ra sin yabri:

Jirimaya 46:3

“¡Kainam kahbaika nani ba ridi dauks! ¡Man nani aiklabaia taki was!

Jirimaya 46:4

¡Aras nani satilka ba mangks! ¡Âiulra nani, uls! ¡Lamla prakaika nani praks bara man nani lainkam ra bus! ¡Langsa nani ba mala dauks! ¡Man nani lamam prakaika ba dims!

Jirimaya 46:9

“¡Aras nani ba yas taki wabia! ¡Wagin nani ba yas plapbia! ¡Aiklaklabra nani ba mahka wapbia: suldiar nani Etiopía wina Libia wina, ai kaina kahbaika nani dimisa; Lidia wina suldiar nani, pantamangka lalulkra nani ba!

Jirimaya 50:25

Dawan bui witin war aiklabaia dukia nani bri kan durka ba sakan, ai kupia baiwan ra aiklabaia dukia ba sakan, kan Dawan, karnika sut bri ba, wark kum aiska daukaia brisa Caldea uplika nani nisanka ba wal.

Jirimaya 50:3

Yahbra wina nisan kum witin mapara kitwi aula bara kuntrika ba diara âpu bîla man daukbia. Upla nani, daiwan nani, diara kumi sin bahara takaski kabia apia, sakuna sut plapi laihura wabia.”

Jirimaya 50:45

Man nani wals, yang Dawan, Babilon mapara dîa daukaia ridi takri ba; dîa Caldea uplika nani mapara daukaia luki kaikri ba: Sîp kau sirpi nani ba sin brih wabia, twi langnika nani ba sin sauhkan kabia.

Jirimaya 50:9

Yang daukaisna upla karna dakni kum yahbra wina balaia baha nani sin baha piua ra bal Babilon wal aiklabia. Witin nani ai yabalka pain wapni dauki bal aiklabi pura lubia. Aiklaklabra âuya mâira nani, witin nani trisba kumi sin bahki ra lulkras.

Jirimaya 51:12

¡Man nani Babilon kutban ba slingbaia tukinka ba yas! ¡Aihwawakra kau ailal bris! ¡Tawer ra aihwawakra nani swis! ¡Man nani yabal ra aihwaks! Dawan ridi takan bara witin Babilon mapara dîa daukaia maisa pakan ba witin baha sut daukan.

Jirimaya 51:24

“Man nani pali kaikma Babilon, Caldea uplika nani mita Saion ra saura munan ba tâwan witin nani klala briaia klalka ba, yang yabamna. Yang, Dawan, kasak aisisni.

Jirimaya 51:36

Dawan aisisa: “Kasakka lâka ba yang dauki maikamni, waihlam nani ba ra pana munamna. Babilon ra awala nani bara lî kârma nani ba sut pali lâkamna.

Daniel 5:30

Baha sim tihmika ra, Caldea uplika nani kingka bui Belsasar ba ikan

Joel 3:10

Tasba tukbaika nani ba ni, sord nani paski bris, mâ klakaia sord nani ba sin, langsa nani dauki bris, bara swapni ba witin aisabia: “¡Nanara yang karna sna!”

Joel 3:9

Man nani naha dahra na nisan nani sut ra maisa paks: ¡War holikira ba mahka dauks! ¡Kupia karna nani ba paiws balbia! Bali banhbia bara war aiklaklabra nani ba ai tâura wabia.

Libait Lâka 26:25

Man nani puramra war bri balamna pana mai munaia lâka ba, yawan wal lâ daukan lâka ba krikisma bamna. Man nani plapi banhma yukuwaia pliska ra tawankam nani ra, sakuna yang siknis nani blikuna bara man nani waihlam mihta ra kauhma.

Sakaraya 14:12

Sakuna Jerusalem mapara aiklaban ba nisanka nani mapara, Dawan mita klala karna pali yabia: uplika nani kau raya tauki bara wîna ba pat sukwi kabia; nakra nani ba sin sukwi kabia, twisa ba sin bîla kat sukwi lubia.

Sakaraya 14:2

Baha yua, Dawan mita nisan nani sut ba asla daukbia, Jerusalem mapara aiklabaia. Witin nani tawan tara ba pura lubia, watla wina diara sut saki bribia, mairin nani ra sin alki saura muni, tawanka bakriki uplika nani ba alba briaia brih wabia. Bakriki baman Jerusalem ra takaskbia.