Jirimaya 50:46 - DAWAN BÎLA AISKA

⁴⁶ Babilon kauhanka ba bin tara takbia, tasba ba tatatbia, winanka ba nisan nani sut walbia.”

Jirimaya 50:46 ပူးပေါင်းရင်းမြစ်များ

Aiseya 15:5

Yang kupi ba Moab pura mata hilp makabia; ai tawanka wina plapi ban, Sóar kat wabia, ban sin Eglat-selisiya kat. Luhit ilka tnaya witnika bâk ini uli wabia; sauhki tikan lâka ba dukiara, karna ini Horonaim yabalka bâk impaki wabia.

Aiseya 5:7

Dawan karnika sut pali bri ba wainka nasla ba, witin ai brinka pali kan mangkaia ba, Israel tawanka uplika nani, Juda uplika nani ba. Dawan ai lâka ba kulkbia bîla kaiki kan, sakuna kaiks upla ikaia lâka baman sakan; kasakka lâka daukbia bîla kaiki kan, bara kaiks inanka baman sa.

Jirimaya 10:10

Dawan sika Gâd pali ba, Gâd ai rayaka bri ba, king ban ba. Witin ai kupia baiki ba ra tasba nikwisa; ai kupia baiwi ba mapara nisan nani sip bapi buras.

Jirimaya 46:12

Nisan nani ba pat walan man nani swiram daukan ba, tasba bani ra inankam ba walisa; aiklaklabra nani pana pana wal prukisa, sut tasba ra kauhi karwisa.”

Jirimaya 49:19

Yang kakalni balamni, Jordan awala ra unta tila wina layan kum taki aula ba baku, witin bal taki auya inta wahia pâwi ba tasbaya kat, Edom uplika nani ba munrika baha wina plapbia, ban sakuna uplika ba yarka bahara wihta aimakbia. Bamna, ¿ya yang wal prakaia sip sma? ¿Ya bal yang, maiwanra buaia sip sa? ¿Ani sepadka ba yang maiwanra bal bapi buaia sip sa?

Jirimaya 49:21

Edom kauhanka ba bin tara takbia, tasba ba tatatbia; hilp makabi wini kabia, inanka binka ba Kabu Pauni kat wali kabia.

Jirimaya 51:29

Tasba ba nikwisa, lalaubisa, Dawan dîa daukaia win ba dauki bamna, Babilon ba upla iwras tasbaya saura kum daukisa.

Jirimaya 51:54

Laih Babilon wina sari ini winanka ba walisa, Caldea uplika nani kuntrika wina bin tara kum takisa.

Isikiel 26:18

Nanara man kauhram bamna, kabu kuntrika nani sut ba sibrin mita tatatwan. Nanara âpu takram bamna, kabu kî dakura nani ba sirang iwan.’

Isikiel 27:28

Duri tara ra wark taki nani kisbanka wal, ripka nani ba tatatbia.

Isikiel 31:16

Yang yabrika prura kingka tasbaya ra iwbia pruan nani bâra ba wal asla prawaia; witin kauhan binka ba wali tasba ra nisan nani ba tatatbia bara baha tasbaika ra tasba munhtara Eden dusa nani ba maisa nihkra brin kabia; kau painkira bara kau pain lî ni laiki lâkan nani ba sin Líbano ilka ra.

Isikiel 32:10

Man tamka, sibrin lâka yabamni tawan manis ra; ai kingka tâ iwan tara pali kabia, sordki mawanra sakamna ba ra. Kauhma ba ra, witin sibrin mita tatatbia klauna ai rayaka dukiara.