Jirimaya 50:37 - DAWAN BÎLA AISKA

³⁷ ¡War ba suldiar nani purara sa: sibrin mita tatatwaia! ¡War ba araska nani purara sa, waginka nani purara sin! ¡War ba mana aibapan suldiar nani purara sa: witin nani mairin baku swapni lakaia! ¡War ba diara nani bri ba purara sa: wala nani bal implikaia!

Jirimaya 50:37 ပူးပေါင်းရင်းမြစ်များ

Lawana Nani 46:9

Witin war nani âpu daukan, tasba aiska ra; witin pantamangka nani kata sut krikan, langsa nani kata ba kriki, yuya man daukan; ¡war waginka nani kata ba angki âpu daukan!

Lawana Nani 76:6

War wagin bara araska nani sin yan aiawi banhras sa, man, Jekob Gâdka, witin ra saura munisma ba ra.

Aiseya 19:16

Baha yua ra Idsip uplika nani ba, mairin sibrinkira nani baku kabia; witin nani sirang iwi, sibrin man kabia, karnika sut bri Dawanka, ai mihta purara bukan kabia ba, witin nani ai mapara.

Aiseya 45:3

Dukia kukan yukukan nani ba man ra maikamni, yuyaka yukuwan ra main kaiki bri ba sin, baku man kaikaia sip kama yang sika Dawan sna, Israel Gâdka, ninam mâki mai win ba.

Jirimaya 25:20

bara upla wala nani masraka sât sât nani bâra ba nani ra sin; Us tasbaya kingka nani sut ra, filisteo nani tasbaya aiska ra: Ascalón, Gaza, Ecrón, Asdod ra takaski nani ba sin;

Jirimaya 25:24

Arabia kingka nani sut ra yabri; nisan sât sât iwi kingka nani sut ra upla iwras tasbaya ra iwi nani ra;

Jirimaya 48:41

Tawan tara nani bara kan kahbaika pliska nani sin waihla nani bal bribia. Baha yua Moab ra aiklaklabra nani ba mairin luhpa baiki tatatwi ba baku kabia.

Jirimaya 50:10

Caldea uplika nani dukia ba sut dakbi bribia; witin nani baha dukia nani ba ailal bribia ba kat. Yang, Dawan, kasak aisisna.

Jirimaya 50:26

¡Tnaya bani wina bal aiklas! ¡Pata watla nani durka ba param sâks! ¡Upla sut bal dihbi bri sauhki tiks! ¡Upla kumi sin raya kabiara!

Jirimaya 51:21

Man ni aras nani âiulra nani ba, wagin nani ba, aras un kiwka alki nani ba, sut yuya man daukamna.

Jirimaya 51:22

Man ni waitna nani, mairin nani, almuk nani, wahma bara tiara nani ba krikamni, wahma sirpi, tiara sirpi nani ba krikamni.

Jirimaya 51:30

Babilon aiklaklabra nani ba aiklabras takaskan, ai kan kahbaika pliska nani ra diman; aiklabaia karnika âpu takan, mairin nani baku takan. Tawanka nani ba bal brin watla nani ba pauta ni angkan.

Jirimaya 51:4

Kuntrika aiska ra Caldea uplika nani ba yabal nani ra prui prawi kabia,

Isikiel 30:5

Baku sin kauhan kabia war ra, Etiopía bara Libia suldiarka nani ba, Lidia wina, Arabia aiska wina, Cub wina bara tawan wala nani ba wina sin; bara kuntri wala nani aikuki asla takan ba sin.

Isikiel 39:20

Plun tara ridi daukamni aras wîna wal; bara aras âiulra, suldiar bara war aiklaklabra sâtka ba sut ba, plun pih aibanhbia ba kat. Yang, Dawan, kasak aisisna.

Nahum 2:13

Dawan karnika sut bri ba kasak aisisa: “Kaiks, yang Dawan, man nani mampara buisna. War aiklabaia waginka nani brisma ba, yang mita angki kiasma man daukaisna; layankam luhpia nani sut ikamna; tasbayam ra implikan lâka nani bâra ba âpu daukamna, bara kau dahra twatwilkra bîla baikra ba wali kama apia.”

Nahum 3:13

War aiklaklabra nani man brisma ba mairin baku man sa; tawankam kutbanka durka nani ba, waihlam nani mawanra param sakan sa, bara pauta klauhan mita, getka prakaika nani sut ba angki tikan sa.

Hageo 2:22

tasba kingka lâka karnika nani iwaika ba sauhki mâyara batakamni; witin nani war waginka nani ra uli ba makupamna, araska nani bara âiulrika nani ba sut sin prubia, kumi bani ai muihni sordka ra.