Jirimaya 50:33 - DAWAN BÎLA AISKA

³³ Dawan karnika sut bri ba aisisa: “Israel luhpia nani ba bara Juda uplika nani ba sin, rausasauhkra nani mita saura muni pâtka ba wahwisa. Witin nani ba silak ra mangkan sa bara sakaia want apia sa.

Jirimaya 50:33 ပူးပေါင်းရင်းမြစ်များ

Impakan Sturka 5:2

Sakuna king fero aisi pana win: —¿Bara ‘Dawan ba’ yamna? ¿Bara dîa muni yang bui witin ai bîla wali Israel luhpia nani ba swirka taki wabia? Baha purkara, yang sin Dawan ba kakaira apia. Bamna Israel luhpia nani ba swirka taki wabia apia.

Impakan Sturka 8:2

Man bui witin nani ba swirka taki waras kabia kaka, pikpik nani ni klala maikamni.

Aiseya 14:17

tasba na, twi saura upla iwras tasbaya kum baku daukan, tawanka tara nani ba sut bîla man swin kan ba, silak ra mangkan nani ba sin durka sakras kan ba?’

Aiseya 47:6

Yang upliki nani mapara kupi baiwan kan, bahki lâka mihta ra mangkri nisanki nani pali ra bara swiri man karnikam munhtara kauhan, man bui witin nani ra umpira kaikras kapram bara almukkam nani pahpaya ra wirhika nani sunram.

Aiseya 51:23

Baha nani sarkam papaskra nani ba mihta ra kapka ba mangkamni, witin nani bui man nani ra mai win: ‘Tasba ra prawi kama bara yang nani lika man puramku wapi luamna’; bara man wînam tara ba baku, tasba ra prawram bara witin nani mai taiban.”

Aiseya 58:6

Baha apia sika. Kaiki plun wahwi tânka yang yamni kaikisna ba sika naha: kasak apia lâka ra silak ra priskan ba wina kriki sakisma ba, lal wilkaika dusa ra taibi wilkan ba wina lanhkisma ba; taiban uplika nani pri sakisma ba. Baku sin man tataibra nani ba âpu daukisma ba sika.

Jirimaya 30:20

Israel luhpia nani ba kli blasi kata ba baku kabia; tawan ba yang maiwanra wapni pali kabia, witin ra tataibra nani ba yang bui klala yabamna.

Jirimaya 50:7

Waihla nani ba witin nani wal prawan bara pin, ningkara aisin: ‘Yang nani pât apia, kan witin nani ai Dawanka mapara saura daukan, ai pata piaia bri kan ai damika nani bîla kaikanka ba.’