Jirimaya 50:29 - DAWAN BÎLA AISKA

²⁹ “¡Pantamangka lalukra nani sut paiws, witin nani Babilon wal aiklabaia! ¡Tawan tara ba kir kutbi banhs, upla kumi sin plapi takaia apia! ¡Witin nani ra aibaps ai mana dîa briaia ba! ¡Witin nani dîa daukan ba baku witin ra dauks! Witin bui yang ra ai kulkras aisin, Dawan ra, Israel Gâdka holikira ba.

Jirimaya 50:29 ပူးပေါင်းရင်းမြစ်များ

Impakan Sturka 10:3

Moses bara Eran wal king fero kaikaia wan, bara witin ra win: —Dawan Hibru nani Gâdka ba naku wisa: ‘¿Man ahkia kat yang ra ban ai wi kaisma, yang bui man ra bawaia apia? Upliki nani ba swis taki wabia bara yang ra nini mayunbia.

Aiseya 37:23

¿Ya ninara saura aisi lawaska kikram? ¿Baku sin ya mapara bîlam karna saki aisaram bara Israel sunukira Gâdka mapara namkra nani ba pura kat bukram?

Aiseya 47:10

Kan man watawikam lâka ra lukankam mangki briram bamna, man wiram: ‘Upla ai kaikras sa.’ Man sinskam lâka ba, man diara tânka kaikaia lâka brisma ba mita kunin mai munan. Bara kupiam ra wiram: ‘Yang baman, kau wala âpu sa yang wina.’

Jirimaya 25:14

Nisan tara nani bara king nani karnika tara bri ba, witin nani sin mina ra kauhbia. Bara baku witin nani dîa daukan ba mana briaia aitani ni mana aibapamna.’ ”

Jirimaya 48:26

Man nani Moab ba yas bla takbia, kan Dawan mapara buan ba tâwan. Baku bamna Moab ba witin aikabi baha ra karwi kabia bara upla sut witin ai lawaska kikbia.

Jirimaya 49:16

Kupiam prautka mita kunin mai munan, upla ra sirang tara ikaia daukisma. Walpa tara nani untika ra dimisma, il nani bahna ra sin bâra sma. Yakal tara baku wamtla bahara mâki kama sin, baha wina mâyara mai batakamna. Yang, Dawan, kasak aisisna.

Jirimaya 50:24

Babilon, man sika klauna minam alkaika ba paskram, bara damra walras kli bahara kauhram, daiwan ra alki baku mai alkan, kan man Dawan mapara buram bamna.

Jirimaya 50:26

¡Tnaya bani wina bal aiklas! ¡Pata watla nani durka ba param sâks! ¡Upla sut bal dihbi bri sauhki tiks! ¡Upla kumi sin raya kabiara!

Jirimaya 50:32

Maipara saura aisasara nisanka, minam pruki kauhma, mai alki mai bukaia upla âpu kabia. Tawan nani ba sut angkamna, baha pata klauhan ba ni tawan wala lamara nani ba sin sut angkbia.”

Jirimaya 50:9

Yang daukaisna upla karna dakni kum yahbra wina balaia baha nani sin baha piua ra bal Babilon wal aiklabia. Witin nani ai yabalka pain wapni dauki bal aiklabi pura lubia. Aiklaklabra âuya mâira nani, witin nani trisba kumi sin bahki ra lulkras.

Jirimaya 51:24

“Man nani pali kaikma Babilon, Caldea uplika nani mita Saion ra saura munan ba tâwan witin nani klala briaia klalka ba, yang yabamna. Yang, Dawan, kasak aisisni.

Jirimaya 51:3

¡Pantamangka awa nani ba man nani wilks! ¡Lama prakaika nani dims! ¡Wahma nani Babilon ra bâra ba umpira kaikpara; aiklaklabra nani ba sauhki âpu pali dauks!

Jirimaya 51:49

Âu, Babilon ba kauhaia sa, witin daukan ba tâka Israel luhpia nani ailal pruan, witin tâka tasba aiska ra upla ailal pruan ba mita.”

Jirimaya 51:56

Witin nani Babilon sauhki tikaia balan; aiklaklabra nani ba alki priskan, pantamangka nani bri ban ba kriki âpu tikan. Dawan sika Gâd upla bani dîa ai mana briaia ba kat yabisa.

Inanka Nani 1:9

Witin ai kwalka aiska ba tâski ni banhwan sa; baha wina pâtka tara aula ba dukiara lukras kan. Sip kasak lukras nahki muni kauhan sapa; upla kumi sin âpu sa witin ra ai maisa nihkaia. ¡Dawan, kaiks, yang umpirki na, bara waihli nani prautka lâka ba sin!

Inanka Nani 3:64

Witin nani ra dîa aibapaia ba kat yas, Dawan, witin nani ai mihta ni dîa daukan ba praiska kat yas.

Daniel 11:36

‘Yahbra tani kingka diara sut ba daukbia, witin ai brinka ba kat. Baha ba aimayunanka saura witin lukisa ba gâd nani sut purkara sa, Gâd kasakkira ba mapara saura pali ba aisabia, bara diara sut ba ai mapara yamni takbia, Gâd mita klala blîkbia ba kat; kan Gâd lika dîa daukaia luki ba kat daukbia sa.

Daniel 4:37

“Bara nanara, yang Nabucodonosor, mayunra yabisna, tara kulkisna bara mayunra kulkan yabisni kasbrika purara ba kingka ra, kan witin diara sut dauki ba wapni bara kasakka lâka kat sa, bara baha nani tara sa luki ba, mâyara batakaia sip pali sa.”

Daniel 5:23

Kau ni mapara sma, man king, Gâd Laih Purara iwi ba lawaska kikram sa, tibilkam ra brih balbia paiwram baha kapka sirpi nani bara tara nani Dawan watla ra bri kan ba; bara paiwram uplika nani wal bahara wain laiki dih banhram dawankam nani ra mayunra yaram baha nani gul, silbar, bras, ayan, dus bara walpa ni paskan ba, baha gâd nani sip kaikras, sip walras, bara diara sin tânka briras pali ba. Man mayunras kapram, baha Gâd mihta ra rayakam ba bâra sa, witin mihta ra sa man yabalkam nani sut ba sin.

Abdías 1:15

Upla wala nani ra dîa daukram ba, man sin baku mai daukbia. ¡Dîa daukram ba mana kulki maikan kabia! “Dawan ai warkka nisan nani sut mapara daukaia yua pat baila sa.

2 Tesalonaika 1:6

Baku bamna, dîa aitani ba kat Gâd daukbia, man nani ra maikan pât wahwisma uplika nani ra, witin yaka pât wauhbia,

2 Tesalonaika 2:4

Naha sika waihla kum, diara sut Gâd nina bri ba mapara bûi ba, baku sin pura suni mayunaia tânka bri ba mapara buisa. Bara ban sin Gâd tempelka ra dimi iwisa, Gâd kan baku, bara witin pali ba Gâd wisa.

Param Marikanka 16:6

Kan witin nani sika Gâd uplika nani tâlia, bara prapit nani tâlia sin laikan, bara nanara man ba witin nani ra tala yabram diaia. Witin nani dîa briaia aitani kan ba nanara brisa.”

Param Marikanka 18:6

Upla wala nani ra dîa yaban ba baku, witin ra sin yas, bara dîa daukan ba mana wâl prais aibaps. Ai kapka upla wala nani ra diaia dukia abalki yan ba, witin ra aima wâl prais kau karna abalki yas.