Jirimaya 50:26 - DAWAN BÎLA AISKA

²⁶ ¡Tnaya bani wina bal aiklas! ¡Pata watla nani durka ba param sâks! ¡Upla sut bal dihbi bri sauhki tiks! ¡Upla kumi sin raya kabiara!

Jirimaya 50:26 ပူးပေါင်းရင်းမြစ်များ

Aiseya 10:6

Tawan kum Dawan ra lukras ba mapara aiklabaia witin ba blikisna, nisan kum ra kupi baiki ba, dukia nani ba impliki sut mihta dakbaia dukiara, witin nani ba alki taibaia slaubla yabal ra wan mina ra taibi ba baku.

Aiseya 14:23

Yang mita swamp baman daukamna, istapla nani pliska daukamni, kaina kutbanka ba wih, sauhki tatikra brumka ba wal pahbamni.” Baha sika Dawan karnika sut bri ba aisisa.

Aiseya 25:10

Dawan mita Saion ilka ba kaina kahbi kabia, sakuna Moab lika ai mina ra taiban kabia, dipasta lulkan wan mina ra taiban ba baku.

Aiseya 45:3

Dukia kukan yukukan nani ba man ra maikamni, yuyaka yukuwan ra main kaiki bri ba sin, baku man kaikaia sip kama yang sika Dawan sna, Israel Gâdka, ninam mâki mai win ba.

Aiseya 5:26

Dawan ba plakin kum bukisa bara wasbi ni kuntri kum laihura ba ra winisa, kau tasba laihura wina upla ba yan balisa, aihni pali aula, istikira ni.

Jirimaya 50:10

Caldea uplika nani dukia ba sut dakbi bribia; witin nani baha dukia nani ba ailal bribia ba kat. Yang, Dawan, kasak aisisna.

Jirimaya 50:13

Yang kupi baikamna bara upla kumi sin bâra swimna apia, upla bahara iwras pali tasbaya takbia. Upla nani bahak lui kabia ba tâ iwan tara taki kabia baku klala brin ba kaiki.

Jirimaya 50:15

¡Man nani tnaya bani ra war aiklabaia winanka ba dauks! ¡Babilon ai waihla mihta ra pat aimakuya! Tawer nani ba kauhan, tawanka kutbanka nani ba sasakban. ¡Baha sika yang pana munaisna ba: man nani sin pana muns! ¡Witin ra pana muns witin nani mita munan ba baku!

Jirimaya 50:23

¡Babilon ba, tasba aiska amarka kan, nanara lika kriwan, yuya lupia baman takan! ¡Babilon ra baku takan ba nisan nani mita aihka saura kaikisa!

Jirimaya 50:41

“Laih pali yahbra tani tasbaya nani wina, nisan karna pali kum king nani ailal balaia ridi takisa.

Jirimaya 51:44

“Bel, Babilon gâdka ba, klala yabamna, langkan yaba munrika aikabia, nisan nani witin ra kli plapbia apia. ¡Babilon kutbanka nani ba pat kauhan!

Jirimaya 51:64

bara wis: ‘Babilon ba baku rungwaia sa, Dawan mita sauhki tikaia blikuya ba wina kli bubia apia.’ ” Naha kat Jirimaya aisin ba takaskisa.

Miqueas 7:10

Yang waihli baha ba kaikbia bara ai swira lukbia; witin bui yang ra ai wi kata ba: “¿Dawan Gâdkam ba anira sa?” Sakuna yang naikra ni witin nani ba kaikamna, nahki yabal ra, slaubla wan mina ni taibi ba baku taiban kabia ba ra.

Matiu 6:26

Daiwan tnawira nani purara pâli ba ra kaiks: witin nani plun mâ mangkras bara dâkras, pata mâ ba sin plun auhbaika watla ra sunras; sakuna man nani kasbrika purara ba mita plun dakakisa. ¿Man nani ba daiwan tnawira nani ba wal kau tara apia?

Param Marikanka 14:19

Bara insal ba ai isparka mala pali ba tasba purara lulkan, bamna tasba wainka mâ nani ba wahbi, wain taibaia watlika tara kum ra auhban; baha sika Gâd kupia baiwanka tara ba.

Param Marikanka 19:15

Ai bîla wina sord mala kum taki kan, baha ni upla sât sât pura luaia dukiara. Witin baha nani purara wihta aimakbia ayan klalka ni, bara witin nani lâka daukbia upla kum ai mina ni wain mâ taibi laya saki ba baku, bara Gâd witinka karnika sut bri ba kupia baiwanka tara wainka ba, baha nani ra yaka dibia.