Jirimaya 50:24 - DAWAN BÎLA AISKA

²⁴ Babilon, man sika klauna minam alkaika ba paskram, bara damra walras kli bahara kauhram, daiwan ra alki baku mai alkan, kan man Dawan mapara buram bamna.

Jirimaya 50:24 ပူးပေါင်းရင်းမြစ်များ

Job 15:25

Gâd mapara ai mihta buki uplika nani mapara baku takisa, ya ai kupia lukras kira Gâd karnakira ba mapara buisa kaka.

Job 40:2

Man sika yang maipara lâ aisanka kum brisma wiram, ¿Gâd karnika sut bri ba mapara, kau ban ai aisaia lukisma ki?

Job 40:9

¿Dîa man ba yang baku karnakira sma ki? ¿Man bîlam baikra ba, yang bîli baikra alwani ba baku sa ki?

Job 9:4

Gâd ba tara pali sa karna kaia lâka mapa ra, bara sins lâka mapa ra sin, ¿bamna ya sip sa witin mapara aiklabi pura lui si pri kaia?

Impakan Sturka 10:3

Moses bara Eran wal king fero kaikaia wan, bara witin ra win: —Dawan Hibru nani Gâdka ba naku wisa: ‘¿Man ahkia kat yang ra ban ai wi kaisma, yang bui man ra bawaia apia? Upliki nani ba swis taki wabia bara yang ra nini mayunbia.

Smasmalkra 9:12

Tani wala ra, upla kumi sin ai dahra walras, ahkia pali ba ai piua kabia; baku sin inska nani ba ilis ra aimaki sip takras, bara piawira nani ba sin ai dara walras daiwan alkaika ra diman sip takras ba, baku sin upla ba bîla kaikras kan pat pât ra dimisa.

Aiseya 13:11

Dawan aisisa: “Tasba ai watawika lâka ba tâwan klala yabamna, saurakira nani, witin nani bui upla iki ba tâwan; prautkira nani kalwi ba takaskamna, karnakira nani upla wala ra kulkras ba, yârika mâyara bawbia.

Aiseya 45:9

Slaubla sumika, sin sumi wala nani ba wal baku sa, ya mita paskan ba mapara slaubla ba sip aisaras: “¿Man dîa daukisma?” Witin mita paskan ba sin sip wiras: “¿Man wark takaia lan âpu?”

Jirimaya 48:43

Baha mita, yang, Dawan ba, kasak aisisna: Antin tatakra nani daiwan nani nina bliki baku Moab uplika nani nina bliki kabia, apia kaka unta ra kauhaia, apia kra ai mina alkaika pâtka ra dimaia.

Jirimaya 48:44

Antin tatakra nani mita alkras kabia ba unta ra kauhbia, unta wina bal takbia ba mina alkaika ra mina alkbia, Moab uplika nani ra klala yabaia piua ba yang bri balamna. Yang, Dawan, kasak aisisna.

Jirimaya 51:57

King, Dawan karnika sut bri ba, kasak aisisa: “Babilon wihta nani ba yarka bla takbia, sinskira nani bâra ba, wihta tara nani ba, suldiar wihtka nani ba, suldiarka nani ba sin. Baku witin nani yapbia ba kli bubia apia bara kli sin kupia krawbia apia.

Jirimaya 51:8

Sakuna wan dara walras kan Babilon pat kauhan, yuya sirpi man takan. ¡Man nani lika witin pura mata ins! Sîka nani bri bal insauhkan ba yukaia, rawbia sapa kaikaia.”

2 Tesalonaika 2:4

Naha sika waihla kum, diara sut Gâd nina bri ba mapara bûi ba, baku sin pura suni mayunaia tânka bri ba mapara buisa. Bara ban sin Gâd tempelka ra dimi iwisa, Gâd kan baku, bara witin pali ba Gâd wisa.