Jirimaya 50:17 - DAWAN BÎLA AISKA

¹⁷ “Israel ba sîp tiwan kum baku sa, layan nani mita nina blikisa. Asiria kingka pas bal alki pin; baha wina, Nabucodonosor Babilon kingka ba mita alki pin bara dusa nani ba arban.

Jirimaya 50:17 ပူးပေါင်းရင်းမြစ်များ

2 King Nani 15:19

Witin yua nani ra, Pul, Asiria kingka ba, tasbaya ra aiklabaia balan, bara Menahem ba ai kingka lâka ra ban swika iwi kabia wisi, silbar 33,000 kilo aibapan ai kingka lâka ra karnika yabaia dukiara.

2 King Nani 15:29

Pécah Israel kingka kan piua ra, Tiglat-piléser Asiria kingka ba balan, bara Iión, Abel-bet-maacá, Janóah, Quedes, Hasor, Galaad, Galili, bara Neftalí tasbaya aiska ba dakbi brin, bara uplika nani ba Asiria ra alki alba lâka ra brih wan.

2 King Nani 24:1

Bara Joaquim king aimaki kan piua ra, Babilon kingka Nabucodonosor ba ai uplika nani kira balan bara tawan dahra walras kutbi alkan, bara Joaquim ba witin ai albika takan mani yumhpa praiska. Sakuna tisku kan witin mita Nabucodonosor mapara buan.

2 King Nani 24:10

Baha piua ra, Nabucodonosor aiklaklabrika dakni nani ba Jerusalem mapara balan, bara kir kutbi brin aiklabaia.

2 King Nani 25:1

Sedequías king aimakan pat 9 mani bara kati matawalsip piua ra, ai aiklaklabrika daknika tara pali ba aikuki Jerusalem mapara aiklabaia bal, tawanka aiska ba kutban, bara ai tnaya kir ba laih wina kaiki aiklabaia watla nani paski bri kan.

2 Kronikas 28:20

Tiglat-piléser, Asiria kingka ba, Ahaz mapara wan, bara tâ baikaia watlika ra, kau ni pât dingkan.

2 Kronikas 33:11

Baha mita Dawan bui witin nani ra brih balan, Asiria kingka war wihtka nani, bara baha nani mita Manasés ra kiulh wal alki, bara bras sînka nani wal wilkan bara Babilon ra brih wan.

Aiseya 15:9

Dibón ra lî nani sut ba tala man kabia, Dibón purara saurka kau tara nani ba yang bri balamna; Moab wina plapi swak takbia nani ba purara layan bal takbia, tasba ra pruras swak takan nani ba purara sin.

Aiseya 47:6

Yang upliki nani mapara kupi baiwan kan, bahki lâka mihta ra mangkri nisanki nani pali ra bara swiri man karnikam munhtara kauhan, man bui witin nani ra umpira kaikras kapram bara almukkam nani pahpaya ra wirhika nani sunram.

Jirimaya 10:25

Man lawankam ba nisan wala nani purara laiks, witin nani mai kakaira apia ba, man ra mamyunras uplika nani ba purara, witin nani sika Jekob kiamka nani kata ba sut langki pin, sut pali sauhki tikan, bara kuntri ba sut sauhki swin.

Jirimaya 2:15

¿Dîa muni witin nani layan ihbi baku, karna ihbi bal alki ba? Kuntrika ba witin nani bal sauhki swin ba; tawanka nani sut angkan, uplika nani sin âpu daukan.

Jirimaya 21:7

Baha ningkara Sedequías, Juda kingka ba Nabucodonosor mihta ra mangkamna, ai waihla upla âikra nani ba mihta ra, wihtka tara nani ba daknika nani ba sin mihta ra mangkamna, war lubia bara siknis saura ba sanglang ba sut lubia ningkara kau pruras raya uplika nani ba. Baha yang daukamna, kuna pruras swakwan nani ba sin sord ni ikaia kupia pihni lâka âpu umpira kaikan lâka luha ikbia. Yang, Dawan, kasak aisisna.

Jirimaya 4:7

Layan ba ai watla wina pat takan, nisan nani sauhki tiki ba pat yabal ra aula; ai tasbaya wina taki aula man kuntrikam ba sauhki tikaia, tawanka tara nani ba slingbi, pura paski bîla man swiaia.

Jirimaya 49:19

Yang kakalni balamni, Jordan awala ra unta tila wina layan kum taki aula ba baku, witin bal taki auya inta wahia pâwi ba tasbaya kat, Edom uplika nani ba munrika baha wina plapbia, ban sakuna uplika ba yarka bahara wihta aimakbia. Bamna, ¿ya yang wal prakaia sip sma? ¿Ya bal yang, maiwanra buaia sip sa? ¿Ani sepadka ba yang maiwanra bal bapi buaia sip sa?

Jirimaya 5:17

Namsla dâkisma patam mâ ba witin nani pibia, luhpiam waitna nani luhpiam mairin nani ba sin pih âpu daukbia. Sîpkam nani ba, bîpkam nani ba, wain nasla nani, kwah damni dusa nani brisma ba pibia. Aiklabaia dukia nani bri ba ni tawankam karna nani kutbanka ba bahara kasak lukisma ba sut sauhki tikbia.”

Jirimaya 5:6

Baha tâka mita layan nani taki bal witin nani ba ikbia, upla iwras tasbaya wina yul wail nani bal drusbia, bara limi bulni nani mita sin ai tawanka bîla kat dimi witin nani takbia bara alki aubi kalkbia; witin nani sika saurka ailal pali daukan bamna, aima ailal upla pât ra lakan.

Jirimaya 50:6

Yang upliki nani ba sîp nani tiwan baku kan, sepadka nani mita saura tapahkan, swin il nani ra wih aimawahkaia. Il kum wina il wala ra wan, ai klarka nani kata ba sin ban âuya tiwan.

Jirimaya 51:38

Babilon uplika nani ba layan ihbi baku, layan luhpia nani lawi baku kabia.

Jirimaya 52:1

Sedequías 21 mani bri kan king lâka ba brin, witin 11 mani Jerusalem ra king kan. Yaptika nina Hamutal, Jirimaya luhpia mairin, Libná tawanka wina kan.

Isikiel 34:12

Sepad kum ai sîpka nani dukiara uya luki ba baku yakabrira piua ra, baku yang sîpki nani dukiara lukamni; swaki sakamni baha pliska tihmu bara lâ tara yua kum ra yakabrira takan ba wina.

Daniel 6:24

Baha ningkara, king bui win Daniel dahra kwahkan waitnika nani ba wih brih balbia, ai maya nani, ai luhpia nani aikuki layan nani watla ra lulkan, baha nani ba kau tasba ra iwras kan taim, layan nani ba mita alki drusbi pin.

Joel 3:2

Nisan nani ba sut asla kukamna, bara Josafat ilka bîla ra brih wamna; bara yang bui witin nani lâka daukamna, witin nani, yang upliki Israel luhpia nani ra munan ba tâwan. Witin nani mita, Israel luhpia nani ba munan, ai tasbaya wina taki tasba wala nani ra plapan, bara tasbaya ba witin ai mânka taki yui ai dukia brin.

1 Pita 2:25

Kan man nani pas piua sîp aimawahkan nani baku tauki kapram, sakuna nanara kli Kraist ra tawi balram, bara witinka sika sepad baku tâm brisa bara sulkam nani sin main kaikisa.