Jirimaya 50:15 - DAWAN BÎLA AISKA

¹⁵ ¡Man nani tnaya bani ra war aiklabaia winanka ba dauks! ¡Babilon ai waihla mihta ra pat aimakuya! Tawer nani ba kauhan, tawanka kutbanka nani ba sasakban. ¡Baha sika yang pana munaisna ba: man nani sin pana muns! ¡Witin ra pana muns witin nani mita munan ba baku!

Jirimaya 50:15 ပူးပေါင်းရင်းမြစ်များ

1 Kronikas 29:24

Bara tâ uplika nani, war aiklaklabra nani bara Debit luhpia nani sut bui witin ra tâ baikan.

2 Kronikas 30:8

Baku bamna, man nani kiamam karna kapara, damikam nani kan baku; mihtam buks Dawan ra kli lâ nani ba raya daukaia dukiara, bara bal Dawan wal aisaia watla ra, witin holikira ban sa piu bani. Dawan Gâdkam dukia dauks bara witin ai kupia lawanka ba takaskbia man nani wina.

Lawana Nani 149:7

gâdkas nani ra pana munaia yabia, kan nisan nani ra klala yaia dukiara,

Lawana Nani 94:1

¡Mariks Dawan, man ba Gâd pana mamunra sma ba!

Aiseya 59:17

Dawan ai kasakka lâka ba ni ai lama prakaika kum baku diman. Ai lal ra sin swaki sakan sumurka ba bapan; pana munaia kwalka ba brih bara ai prâka baku diman. Bara ai kupia baiwaia lâka ni ai pura prâka tara baku diman.

Aiseya 59:18

Dawan mita upla kumi bani ra dîa daukan ba praiska kat mana aibapbia; ai waihla nani ra klala yabia; witin ra misbara kaiki nani ba mana dîa briaia ba kat yabia; kabu un ra iwi kuntrika nani ba ra sin.

Aiseya 61:2

Dawan yamni kaiki manka ba smalkaia, yawan wan Gâdka ba mita wan waihla nani ra pana munbia yua ba. Sari bri nani ba sut sin maisa nihkaia ai blikan.

Aiseya 63:4

Yang luki kaikri yua kum bâra kabia kasak lâka ba daukaia; yang upliki ba atki sakaia piua ba sin aimakan sa.

Jirimaya 46:10

Naha yua na Dawan karnika sut bri ba yua, witin ai waihla nani ra pana munaia yua. Sord nani biara banhbia ba kat, tala di bla takbia ba kat. Dawan karnika sut bri ba daukbia upla iki yakabaia yahbra tani tasbaya ra, Éufrates lamara.

Jirimaya 50:14

“¡Pantamangka lalulkra nani, Babilon kir kutbi lulkaia ridi taks! ¡Trisbaya nani ba sut witin mapara lulks, maipara saura daukan, Dawan mapara!

Jirimaya 50:25

Dawan bui witin war aiklabaia dukia nani bri kan durka ba sakan, ai kupia baiwan ra aiklabaia dukia ba sakan, kan Dawan, karnika sut bri ba, wark kum aiska daukaia brisa Caldea uplika nani nisanka ba wal.

Jirimaya 50:44

“Yang kakalni balamni, Jordan awala unta tila wina layan kum taki aula ba baku, witin bal taki auya twi kura sangni baman pâwi ba tasbaya kat, Babilon uplika nani ba munrika baha wina plapbia, bara yang bâk sakuna uplika ba yarka, bahara wihta aimakbia. Bamna, ¿ya yang wal ai prakaia sip sa? ¿Ya bal yang maiwanra buaia sip sa? ¿Ani sepadka ba yang maiwanra bal bapi buaia sip sa?

Jirimaya 51:11

Dawan Babilon slingbaia lukisa bara witin ai lukanka ba ni Media kingka nani ba tukbisa. Baha sika Dawan mita pana muni ba warkka ba, witin nani Dawan tempelka ra diara daukan ba tâwan. ¡Man nani trisbaikam ba pliki bris! ¡Kainam kahbaika nani ba dims!

Jirimaya 51:14

Dawan karnika sut bri ba ai rayaka ni swer taki aisin: “¡Man waihlam nani ailal tristrisia nani baku bri balaisna, bara man nani puram luan lawana ba aiwanbia!”

Jirimaya 51:24

“Man nani pali kaikma Babilon, Caldea uplika nani mita Saion ra saura munan ba tâwan witin nani klala briaia klalka ba, yang yabamna. Yang, Dawan, kasak aisisni.

Jirimaya 51:25

Man sauhki tatikra ilka takram, yang lika man mampara sna, tasba aiska sauhkisma ba. Yang, Dawan, kasak aisisna. Klala maikaia mihti bukamna, walpa tara nani pura wina karwi bal iwma, il tara kum pauta mita aman ba baku mai daukamna.

Jirimaya 51:30

Babilon aiklaklabra nani ba aiklabras takaskan, ai kan kahbaika pliska nani ra diman; aiklabaia karnika âpu takan, mairin nani baku takan. Tawanka nani ba bal brin watla nani ba pauta ni angkan.

Jirimaya 51:36

Dawan aisisa: “Kasakka lâka ba yang dauki maikamni, waihlam nani ba ra pana munamna. Babilon ra awala nani bara lî kârma nani ba sut pali lâkamna.

Jirimaya 51:44

“Bel, Babilon gâdka ba, klala yabamna, langkan yaba munrika aikabia, nisan nani witin ra kli plapbia apia. ¡Babilon kutbanka nani ba pat kauhan!

Jirimaya 51:58

Yang, Dawan karnika sut brisna bara aisisna: Babilon kutbanka bîla tara ba aiska pali dringban kabia, getka tarka tara nani ba angkbia. Nisan nani wark takan ba sut bahki takbia, ai laptika saki wark takan ba ami lubia.”

Jirimaya 51:6

“¡Man nani Babilon wina taki plaps! ¡Ya ya swakwaia sip sma ba swakwi taks! ¡Witin saura daukan ba tâka man nani sin prupara! Nanara yang mita pana witin nani ra munaia yua aimakan bara aibapamni nahki praiska kat yabaia ba.

Jirimaya 51:64

bara wis: ‘Babilon ba baku rungwaia sa, Dawan mita sauhki tikaia blikuya ba wina kli bubia apia.’ ” Naha kat Jirimaya aisin ba takaskisa.

Inanka Nani 5:6

Yang nani mihti nani sakbisni Idsip uplika nani ra, Asiria uplika nani ra sin, plun piaia aikbia dukiara.

Isikiel 17:18

kan witin pramis daukan ba lawaska kikan bamna, wal lâ daukan kata ba kat daukras kan; pramis takan kuna sut daukras kan, bamna rayaka wal swak takbia apia.

Isikiel 21:22

Mihta aihkika wina trisba ba takan, Jerusalem tani ra marikisa, bara baha tânka, dahra wal kutbi alkaia dukia ni dimi iki tikaia sa, war aiklabia pura wini kira, durka nani ba yuski munbia, uli aiklabaika kum daukbia, bara aiska pali kutbia.

Nahum 1:2

Dawan ba tâwan lalawra Gâdka sa, bara sin pana mamunra sa; ai lâka mapara nani ra, witin pana saura munisa. Bamna ai waihla nani mapara ai kupia sauhkisa.

Matiu 7:2

Man nani upla wala nani lâka aisi daukisma ba baku, witin lâmka aisi daukbia, bara uplikam ra dîa kulkaika ni kulkisma ba, baha sim kulkaika ba ni Gâd mita mai kulkan kabia.

Luk 21:22

Baha piua ba lika pât wahwaia piua nani kabia, bamna Ulbanka nani dîa aisi ba sut aimakaia sa.

Roman 12:19

Muihki laitwankira nani, saura mai munan ba tâwan upla ra pana saura munpara, sakuna swis Gâd mita uplika ba ra klala yabia, kan Ulbanka ba wisa: “Yang mita lika klala yaia sna; bahamna Dawan bila: Swis yang baha ba kasakka lâka ra aibapamna.”

Roman 3:5

Sakuna wan saurka lâka ba mita Gâd ba kasakkira sa tânka marikisa kaka, ¿yawan dîa sip sa ki aisaia? ¿Gâd ba saurakira sa ki, witin mita klala wanki ba mita? (Naha na upla natka kat yang aisisna.)

Kli Smalkanka 32:35

yang pana munaia yua dukiara ai mana ba aibapi yamni, sauhki tikan kaia yua ba pat baila sa. ¡Awarka ba sin pat lamara sa!

Kli Smalkanka 32:41

yang sordki glas baku lipi ba mala daukamni bâra kasakka lâka daukaia ba tâ krikbia, waihli nani ra pana munamni. Misbara ai kaiki nani ra ai mana aibapi yabamni.

Kli Smalkanka 32:43

“¡Nisan nani, Gâd uplika aikuki lilia bas! ¡Witin pana muni ikbia ai albika nani tnata mana pana munaia lâka bal bribia ai waihla nani dukiara bara ai kuntrika uplika ra pâtka ban swih tikbia!”

2 Tesalonaika 1:8

Witin balbia, Gâd ra kakaira apia nani ra, bara wan Dawan Jisas Kraist swaki wan sakan sturka yamni bîla wali daukras nani ra klala yabaia.

Jems 2:13

Kan ya ya ai uplika ra umpira kaikras kaka, witin ra sin umpira kaikras kira ai lâka daukan kabia; sakuna ani uplika umpira kaikan lâka bri kan kaka, lâ daukbia yua ra witin mita pura lubia.

Jasua 6:20

Upla nani ai pura winan bara trumpit nani sin puhban. Israel luhpia nani sut pali trumpit puhban bin daukan walan ba ra, witin nani ai kârma kalki karna winan, bara tawan kutbanka kata ba bal kauhan. Bara witin nani aihni plapi dimi tawan ba alki brin,

Jasua 6:5

Man nani wali kama trumpit puhbi binka ba bin sât aihka kum puhbia, bara upla sut sin ai karnika aiska ni karna ai pura winbia, bara man nani kaikma tawan kutbanka ba sasakwi kauhbia. Bâra mika man nani aihni plapi tawan ra dimma.”

Param Marikanka 16:6

Kan witin nani sika Gâd uplika nani tâlia, bara prapit nani tâlia sin laikan, bara nanara man ba witin nani ra tala yabram diaia. Witin nani dîa briaia aitani kan ba nanara brisa.”

Param Marikanka 18:6

Upla wala nani ra dîa yaban ba baku, witin ra sin yas, bara dîa daukan ba mana wâl prais aibaps. Ai kapka upla wala nani ra diaia dukia abalki yan ba, witin ra aima wâl prais kau karna abalki yas.

Param Marikanka 19:2

Kan witin lâ dauki ba wapni bara kasakka lâka kat sa; rug mairin tara kata ba pât ra lakan sa, ai rugka lâka dauki tasba sauhki kata ba; Gâd bui witin ra pana munan sa, ai dukia dadaukra nani ra ikan bamna.”

1 Samuil 15:33

Sakuna Samuil witin ra win: —Man sordkam ni mairin ailal ra luhpias swiram sa. Bamna naiwa man mamikam sin luhpias takbia. Kau diara aisaras, Guilgal kat Dawan mawanra Agag ba klaki pîs pîs daukan.