Jirimaya 50:14 - DAWAN BÎLA AISKA

¹⁴ “¡Pantamangka lalulkra nani, Babilon kir kutbi lulkaia ridi taks! ¡Trisbaya nani ba sut witin mapara lulks, maipara saura daukan, Dawan mapara!

Jirimaya 50:14 ပူးပေါင်းရင်းမြစ်များ

2 Samuil 10:9

Joab ai dara walan baha daknika wâl ba witin ra pura lubia, bamna Israel wina suldiar nani kau aiklaklabra pain nani ba bâk sakan, Siria uplika wal aiklabaia dukiara.

Lawana Nani 51:4

Man mampara sika yang saura daukri ba, Dawan, man mampara baman saura daukisna ba, man mapara sma ba. Baha mita man lâmka daukisma ba kasak sa; upla kumi sin âpu sa, baha mapara buaia.

Aiseya 13:4

Kwâra tara winanka walisa, il nani tilara; upla ailal bâra baku sa. Nisan nani kârma binka ba walisa upla ailal aidrubi asla takan nani ba wina, karnika sut bri Dawanka kli laki kaikisa ai dakni ba aiklabaia ridi takan ba.

Aiseya 5:28

Ai trisbaika nani ba, mala pali kabia, pantamangkika nani ba sin pamni bulkan kabia, Araska sûska nani ba karna walpa baku kabia, waginka nani ba wilwaika wilwi tawisa, pâsa pulaika baku;

Jirimaya 46:9

“¡Aras nani ba yas taki wabia! ¡Wagin nani ba yas plapbia! ¡Aiklaklabra nani ba mahka wapbia: suldiar nani Etiopía wina Libia wina, ai kaina kahbaika nani dimisa; Lidia wina suldiar nani, pantamangka lalulkra nani ba!

Jirimaya 49:14

Maisi pakanka kum Dawan wina yang ra balan; maisa papakra ba nisan nani tilara aisi taukisa: “¡Man nani asla taks, Edom mapara wapi was! ¡Man nani aiklabaia ridi taks!

Jirimaya 49:35

“Yang, Dawan karnika sut brisna, kasak aisisni: Elam uplika nani pantamangka bri ba krikaisna, baha pali ba ni sika aiklabi ba.

Jirimaya 50:11

“Caldea uplika nani, man nani bal yang upliki nani diara bri kan ba sut briram ba, ¡bara liliam dauks, pi, di, dimi! ¡Bîp mairin twi kura ra pih srutwi baku srutwi banhs! ¡Aras nani srutwi ihbi baku dauks!

Jirimaya 50:29

“¡Pantamangka lalukra nani sut paiws, witin nani Babilon wal aiklabaia! ¡Tawan tara ba kir kutbi banhs, upla kumi sin plapi takaia apia! ¡Witin nani ra aibaps ai mana dîa briaia ba! ¡Witin nani dîa daukan ba baku witin ra dauks! Witin bui yang ra ai kulkras aisin, Dawan ra, Israel Gâdka holikira ba.

Jirimaya 50:42

Trisbaya nani langsa nani brisa; upla krakraka nani, upla ra umpira kaikras, winanka nani ba baku bin tara dauki baku sa, aras nani ra uli impakisa. Witin nani ridi pali sa Babilon mapara aiklabaia.

Jirimaya 50:7

Waihla nani ba witin nani wal prawan bara pin, ningkara aisin: ‘Yang nani pât apia, kan witin nani ai Dawanka mapara saura daukan, ai pata piaia bri kan ai damika nani bîla kaikanka ba.’

Jirimaya 50:9

Yang daukaisna upla karna dakni kum yahbra wina balaia baha nani sin baha piua ra bal Babilon wal aiklabia. Witin nani ai yabalka pain wapni dauki bal aiklabi pura lubia. Aiklaklabra âuya mâira nani, witin nani trisba kumi sin bahki ra lulkras.

Jirimaya 51:2

Yang daukaisna waihla nani bal Babilon ba plawar taya pâsa ra buki baku bukaia; daukaisna tasbaya ra upla kumi sin swiaia apia. Diara saura takaia yua balbia ba ra, tnaya bani wina witin mapara bal aiklabia.

Jirimaya 51:27

“¡War aiklabaia tukinka kuntri aiska ra yas! ¡Trumpit ba puhs, nisan nani ba ridi dauks Babilon mapara aiklabaia! ¡Ararat kingka uplika nani, Miní kingka uplika nani, Asquenaz uplika nani sin! ¡War wihtka kum sâks aiklabaia tâ bribia! ¡Aras ra uli prautkira nani ba tristrisia nani baku brih dims!

Jirimaya 51:3

¡Pantamangka awa nani ba man nani wilks! ¡Lama prakaika nani dims! ¡Wahma nani Babilon ra bâra ba umpira kaikpara; aiklaklabra nani ba sauhki âpu pali dauks!

Abakuk 2:17

Líbano ilka ra saura munram saurka ba, kli man mampara tawi balbia; bara man sirang tara iwma ai daiwra nani ikram tâwan. Upla nani sin ikram, lâ krikanka nani daukram kuntri bara tawan nani mapara; baha tâka mita naha pâtka nani man puramra balbia.

Abakuk 2:8

Nisan nani ba asla taki mampara bubia, bara taibi mai muni dukiam nani ba sut impliki bribia, man mita munram ba baku pana sin mai munbia. Upla ikram, lâ nani krikram, kuntri nani mapara buram, tawan tara nani slingbram, upla nani sin diara daukram ba, baha sut mana mai munka aibapma.

Param Marikanka 17:5

Ai lal purara sin dahra prakan nina kum ulbi bri kan: “Babilon tara ba, mairin rugkira nani yaptika bara tasba ra misbara lâka nani ba sut yaptika sin kan.”

1 Samuil 17:20

Yapra wala titan pali, Debit buan bara upla wala mihta ra sîp nani ba swin, plun nani ai aisa wina yan ba brih mahka taki wapan. Kiamp ra wan bara kaikan aiklaklabra nani ba pat ridi taki ai pura wini kan aiklabaia waia.