Jirimaya 50:13 - DAWAN BÎLA AISKA

¹³ Yang kupi baikamna bara upla kumi sin bâra swimna apia, upla bahara iwras pali tasbaya takbia. Upla nani bahak lui kabia ba tâ iwan tara taki kabia baku klala brin ba kaiki.

Jirimaya 50:13 ပူးပေါင်းရင်းမြစ်များ

Job 27:23

Bara pâsa ba mita ai nina blîkbia, bin tara bara warbanka wal.

Jirimaya 18:16

Baku witin nani ai kuntrika ba upla iwras tasbaya daukan, piu sut sirang wan iki pliska takan. Upla bahak lui auya ba sut sirang iwi ai lal wauhisa.

Jirimaya 19:8

Naha tawanka tara na upla iwras tasbaya daukamna, sirang wan iki kaia bahmuna tânka baman bâra kabia. Ya sut bahak bal lui kabia ba sirang iwi tâ iwan ra baha sut sauhkan ba kaiki kabia.

Jirimaya 25:12

Bara 70 mani ba alkbia ningkara, Babilon kingka ra makabamna nisanka ra sin, witin nani saura daukan ba wapnika daukaia, bara Caldea uplika nani kuntrika ba, sauhki tikamna ban kaia ra. Yang, Dawan, kasak aisisna.

Jirimaya 34:22

Witin nani ba blikaisna naha tawanka na mapara bal aiklabaia, tawanka na bribia bara pauta ni angkbia. Juda tawanka wala nani ba sin upla iwras tasbaya daukamna. Yang, Dawan, baha kasak aisisna.”

Jirimaya 49:17

“Edom sauhkanka ba tara pali kabia, baha wina sirang wan ikaia takbia. Upla nani sut bahak lui kabia ba witin nani klala brin ba kaiki sirang iwi kabia,

Jirimaya 50:3

Yahbra wina nisan kum witin mapara kitwi aula bara kuntrika ba diara âpu bîla man daukbia. Upla nani, daiwan nani, diara kumi sin bahara takaski kabia apia, sakuna sut plapi laihura wabia.”

Jirimaya 51:26

Man mai slingbamna walpaya ba aisawan kabia, baha ni kli utla nani mâkbia apia. Upla iwras tasbaya bâra ban kama. Yang, Dawan, kasak aisisna.

Jirimaya 51:29

Tasba ba nikwisa, lalaubisa, Dawan dîa daukaia win ba dauki bamna, Babilon ba upla iwras tasbaya saura kum daukisa.

Jirimaya 51:37

Bara utla slingwan almuk upla dimras baman bâra kabia, suksuk tara nani watla takbia, lasa nani upla nani sut ra sirang iki tasbaya, upla sip bâra iwras tasbaya takbia.

Jirimaya 51:62

Sakuna tâura puram suns: ‘Dawan, man aisaram naha tawanka na sauhkaia, upla nani kli nâra takaski kabia apia, daiwan nani sin âpu kabia, man mita upla bâra iwras kaia tasbaya kum daukma.’

Isikiel 27:36

Kuntri wala wina diara âiatkra nani ba, sirang iwan mai kaikan. Bara aihka pali ra tawram ban kaia ra âpu takram.’ ”

Sofonías 2:15

Baha tawanka sika aimayunan lâka ni pura luan sa, kan witin nani baman sa luki kan. Naha tasba ra, witin nani ai tasbaya uplika nani baku upla wala âpu sa luki kan. ¡Nahki upla âpu yakan pali swin ba, daiwan wail nani watla takan ba! Ansa piua ra witin lamak lui wabia ba ra, wasbi bara saura kulkan lâka wal ailal mariki kabia.

Sakaraya 1:15

Baha tâwan kupi kasak baiwan, baha lukras uplika kiamka nani ba mapara, kan yang na wiria man kupi baikri ba ra, baha nani mita saurka ba kau tara daukan.

Kli Smalkanka 29:22

Man nani ninamra kiamkam wala nani yauhka balbia ba, bara tringsar nani kuntri wihka wina balbia ba, baha nani kaikbia Dawan mita siknis yula saura nani bara siknis sâtka nani naha tasbaya purara blîkbia ba;