Jirimaya 5:7 - DAWAN BÎLA AISKA

⁷ Dawan naku aisisa: “¿Naha pâtka nani sut na nahki ban swih tikamna? Man luhpiam nani ba lulki ai swin, bara gâd apia nani ba mayunisa. Yang bui witin nani ra plun ailal pali yabri, sakuna witin nani lika yang wal wapni apia kan, witin nani sut aiska ba ur tatakra takan.

Jirimaya 5:7 ပူးပေါင်းရင်းမြစ်များ

2 Kronikas 13:9

¿Bara Eran kiamka Libait Dawan prîs nani ba sin man nani mita kangbram wan apia, bara man nani mita idan prîs nani ba mangkram apia aidul nisan wala nani dauki baku? ¡Ani uplika kabia bal bîp wainhka kum sîp 7 bri ai gâdka nani ba prîs mangki pura sunaia!

Job 31:12

Sauhki tatikra pâta klauhanka kum baku kabia, dîa brisna ba sut sauhki tikan kabia.

Lawana Nani 50:18

Man âimplikra nani ra lika yamni bri banhwisma; marit lâka sasauhkra nani wal sin asla takisma.

Jirimaya 12:16

Witin nani mita saki yang upliki nani ba Baal ra swer takaia smalkan ba, sakuna nanara upliki nani tilara iwaia sip kabia, upliki nani nini mâki maiyuni ba witin nani sin aitani lukbia bara nini bri swer taki aisabia: ‘Dawan raya ba mita.’

Jirimaya 13:27

Yang mai kaikri man nahki rug lâka dauki ailihki kapram ba, swiram dauki ur taki saura taukram ba, daukankam saura kaikan ai daukras ba dauki kiuhsi nani ra insla nani ra taukram. ¡Jerusalem, sarkam pali ai daukisa!, ¿ahkia kat man tâski ban kaisma?”

Jirimaya 16:11

Bara man bui witin nani ra wis: ‘Dawan kasak aisisa: Damikam nani ba yang ai swin bara gâd wala nani ninara wan, baha nani ra ai pura suni mayunan, baha mita sika baku taki ba; ai lulkan, witin nani diara daukaia smalkri ba sin daukras.

Jirimaya 16:20

¿Upla ba sip sa ki witin mita ai gâdka nani paski briaia? ¡Ban kaka, baha nani ba gâd kasakkira apia sa!”

Jirimaya 2:11

idan nisanka kum ai gâdka swi si gâd wala brisa kaka. ¡Baha nani ban gâd bahki nani sa! Sakuna yang upliki nani ai swin, yang lika witin prana ban sna, sakuna aidul nani diara bahki ba briaia tâwan.

Jirimaya 2:31

(Man nani sin, naiwa uplika nani, Dawan aisin bîla na wals.) Israel, ¿yang na man nani ra upla iwras tasbaya kum takri sa ki?, ¿tasba kum ingni âpu? Upliki nani, ¿dîa muni naku aisisma: ‘Yang nani pri sna; yang nani sip kli man ra tawi wamna apia’?

Jirimaya 23:10

Kuntrika na ra maya lâka sasauhkra waitnika nani banhwan, diara saura daukaia plapi tauki uplika nani, karnika yan ba ni saura ba daukisa. Baha tâwan Dawan mita tasbaya ba lahtubisa, bara tasba ba lâwan, twi nani sin upla iwras tasbaya ra kan ba aman.

Jirimaya 3:19

“Israel, luki kaikri man ba luhpi waitna baku mai briaia bara tasba pain pali kum maikaia, tasba ra kuntri kum kau pranakira ba. Yang lukri ba man ai wima yang lika man aisikam bara yang laima wima kli taki wama apia.

Jirimaya 3:8

baku sin witin kaikan Israel maipara babura takan lâika sauhkan bara lulki swisatna ba, yang wal mayi lâika ba krikan tâwan dakwi takri. Sakuna Juda, Israel muihnika mairin rugkira ba, sibrin daukras kan, witin sin wan bara ur takan.

Jirimaya 7:9

Man nani implikisma, ikisma, upla maya lâka sauhkisma, swer taki kunin aisisma, Baal ra diara kîa pain angki yabisma, gâd wala man nani wal diara daukaia briras sma ba baha nani ra mayunisma,

Jirimaya 9:1

¡Aitani lukaina naikra nani ba lî kârma kum baku kata, naikra laya ba tingni lî aubi ba baku kaia, bamna kakna ra bara tihmia ra ini kaia yang upliki nani pruan ba pura mata!

Jirimaya 9:2

¡Aitani lukaina upla iwras tasbaya ra iwaia pliska kum sakri kaka, upliki nani tila wina laihura waia! Kan witin nani sut ba kasak lukras nani takan sa; upla wala pât ra lalulkra daknika atia takan.

Inanka Nani 3:42

Yang nani saura yâri, mampara sin buri, bara man bui wan saurka nani swih tikras kapram.

Isikiel 22:11

Upla kum kum bâra sa, ai uplika maya wal marit lâka sauhkisa, apia kaka, ai luhpia waitna maya wal swira lâka briaia dukia daukisa wisa, apia kaka saura taiban lâka munisa ai lakra, ai aisa apia ai yapti luhpia ra.

Oseas 11:8

“Efraín, ¿yang nahki man mai swimna ki? Israel, ¿yang nahki man mai lulki mai swimna ki? ¿Adma tawanka tara sauhkri ba baku, mai sauhkamna ki, apia kaka Seboím ra daukri ba baku, mai munamna ki? ¡Yang kupi na wirha pali takisa, latwan pali mai kaikisna ba mita!

Oseas 13:6

“Sakuna man nani plun puram lui briram ba ra, kupiam lukra ba aibanhwan uba tara takan bara âmya ai tikram.

Oseas 4:2

Sakuna kunin aisi swer taki aisaia lâka lika banhwan, upla ikaia, implikaia, upla maya yapaia, lâ nani ba krikaia lâka lika, pura luisa. Upla iki ba takaskras ban sa.

Oseas 7:4

Witin nani sut ba ai maya lâka krakrikra atia: brit angkaika kubuska baku sa, pauta muki swin ba ra, pauta mamukra ba, krauhni puskaia bîla kaiki ba baku sa.

Libait Lâka 20:10

“Israel uplika kum ai uplika maya wal yapbia kaka, wâlsut ba ikan kabia.

Emus 8:14

Baha nani, Sameria uplika gâdka bahki nani ra luki tniwi swer taki aisi nani ba, witin nani wisa: ‘Dan gâdka ba kau raya sa’, bara: ‘Beerseba gâdka nani sin kau raya sa’. Baku aisi nani ba sut kauhbia, bara kli sin bubia apia.”

Sofonías 1:5

Utla nani bahna ra uli, slilma nani ra ai pura suni ba, ai gâdka Milcom mawanra ai lula kriki ai pura suni ba bara yang nini ra sin swer taki ba sut sauhki tikamni.

Malaquía 3:5

Karnika sut bri Dawanka ba aisisa: “Yang balamni man nani mampara lâmka ba param aisi daukaia. Sukia baku upla ra kunin munisma, upla maya lâka sauhki banhwisma ba, swer taki kunin aisi nani ba, upla warkka taki nani ra tataibra nani ba, piarka nani ra, rau nani ra, nisankam apia nani ra saura munisma ba, bara yang ra sin ai kulkras sma ba.

1 Korint 6:9

¿Man nani kaikras sma ki, taniskira nani ba, Gâd king aimaki ba lâka ra ai dukia bribia apia? ¡Baku bamna, man nani aimawahkpara! Kan ai maya takras tâski lâka dauki ba, aidul nani ra ai pura suni mayuni banhwi ba, marit lâka sasauhkra nani ba, waitna nani ai tahkia wal tâski lâka dauki nani ba, âimplikra nani ba, gridikira nani ba, bla tatakra nani ba, upla dusa kakuhbra nani ba, upla dukia dadakbra nani ba sut sin, Gâd king aimaki ba lâka ra ai dukia bribia apia.

1 Korint 8:4

Baku bamna, aidul nani ra sakripais dauki yan pata ba piaia, yawan kaikisa aidul ba naha tasba ra diara bahki pali sa, bara Gâd kumi baman sa, wala âpu.

Galesha 4:8

Kaina piua ra, Gâd kakaira apia katma ba ra, man nani lika gâd apia nani albika nani katma.

Kli Smalkanka 32:15

“Sakuna Jesurún batanwan, bara ai mina wauhan (batanwan mita lipi kan), bara Gâd, witin ra papaskra ba, lulki swin; ai kaina kakahbra bara ai sasakra ba bahki kulkan.

Kli Smalkanka 32:21

Yang traiki kaikan gâd kum gâd apia ba wal, ai gâdka kuninkira ba yang ra baku kulki ba; ¡bara yang sin traika kaikamni nisan kum nisan apia ba wal, nisan kum ai tânka briras ba yarka ai kupia sauhkbia!

Hibru Nani 13:4

Upla sut mita marit lâka ba pain pali kulki kabia, bara marit waitna nani ba ai maya mairin wal sunu kasak kaia sa. Marit takras si tâski lâka dauki nani ba bara marit lâka sasauhkra nani ba sin, Gâd mita lâka daukbia.

Jems 4:4

¡Alai upla sip kasak lukras sma nani ba! ¿Man nani kaikras sma ki, tasba ra latwan kaikaia lâka ba lika, Gâd wal waihla takaia lâka ba? Ya ya tasba ra latwan kaikisa kaka, Gâd wal waihla takisa.

Jasua 23:7

Aiblakpara upla wala nani man nani tilamra nâra iwi nani ba wal, baha nani gâdka ra mayunpara, baha nani bîla wali sin daukpara. Baha nani gâdka nina sin mâkpara, gâdka bahki ba nina mâki sin aisapara, swer sin takpara.