Jirimaya 5:28 - DAWAN BÎLA AISKA

²⁸ witin nani plun pain pîsa ba mita batana sa. Ba mita watawika lâka nani dauki ba takaskras: rau nani ra raitka yaras, umpira nani ra sin raitka yaras.

Jirimaya 5:28 ပူးပေါင်းရင်းမြစ်များ

Job 12:6

Tahplu nani ba ai watla ra ai âuyapah sa; Gâd mapara uplika nani ba ai âuyapah iwisa ai watla nani ra, kan witin nani lukisa, Gâd ba witin ai mihta bilara alki brisa.

Lawana Nani 119:70

Witin nani ai sinska ba sriman, sakuna yang lika lâmka smalkanka ba wal lilia takisna.

Lawana Nani 72:4

King ba mita kasakka lâka daukbia, umpira nani ra. ¡Diara luha luhpia nani ra sin swaki sâkbia, upla tataibra nani ba ai mina ra taibia!

Lawana Nani 73:12

¡Kaiks, naha watawikira nani na! Witin nani ai âuyapah kira, yuyaka tara dauki auya.

Lawana Nani 73:4

Witin nani ba pruaia lukras kata, ai wîna tara ba pain sa bamna;

Sins Lâka 15:25

Dawan bui prautkira nani watla ba sauhki tikbia. Kuna piarka tasbaya piarkika ba dutki bapbia.

Aiseya 1:23

Wihta nani brisma ba, mapara babura nani sa, bara âimplikra nani pânika banhwisa. Witin nani sut ba lalah mana ai wîna atkisa, witin nani prisant pliki taukisa. Rau nani lâka kasak ba sin yaras. piarka mairin nani lâka sin daukras.

Jirimaya 12:1

Dawan, yang na man wal aisi blahwamna kaka, man piu bani aisisma ba sut ba rait baman sa; ban sakuna, yang diara mamkabi walaia brin ai daukisa diara kum kum ra tânka bâra sa. ¿Dîa muni watawikira nani dauki ba sut yamni man taki ba? ¿Dîa muni upla âiatkra nani ai âuyapah iwi ba?

Jirimaya 2:33

“¡Latwan mai kakaira nani ba nahki pliki sakaia yabalka ba kakaira pali sa! ¡Man ba skul smasmalkra sma saura daukaia mapa ra!

Jirimaya 22:3

‘Kasak lâka bara wapni lâka ba man nani naha tasbaya ra dauks, man nani tataibra nani ba mihta wina taiban uplika nani ba pri sâks, tringsar nani ba mâyara kulkpara bara sin rausauhkpara, rau nani ba bara piarka mairin nani ba sin. Upla pâtkas nani ba sin ikpara.

Jirimaya 7:6

tringsar nani diara bri ba mihta dakbras kama kaka, rau nani bara piarka nani ba sin baku saura munras kama kaka, naha tasbaya ra sin upla pâtkas nani ba ikras kama kaka, gâd wala nani ba sin mayunras kama kaka, baha dukia nani brisma ba tâka mita sika kli pât ra tawisma ba,

Emus 4:1

Sameria mairka nani, Basán bîpka mairin batanira nani, naha dahra aisin bîla na wals, upla umpira nani ra raitka yabras taibi munisma, bara upla diara nitka bri nani ra saura pali munisma ba, mayam waitna nani ra adar yabisma wain laya diaia bri sal maikbia.

Sakaraya 7:10

Piarka nani ra, rau nani ra, tasba wala uplika nani tilamra ba, upla umpira nani ra, lâ wirhika witin nani purara kahbiara. Pana pana walkam ra sin saura munaia lukpara.”

1 Korint 5:1

Bara nanara sturkam takan sa, man nani tilamra waitna kum bâra sa, witin ba ai aisika maya pali wal brisa. Naha lika rug lâka tara pali sa, bara nahmuna lâka na Gâd ra kakaira apia nani tilara sin yan sip daukras sa.

Kli Smalkanka 32:15

“Sakuna Jesurún batanwan, bara ai mina wauhan (batanwan mita lipi kan), bara Gâd, witin ra papaskra ba, lulki swin; ai kaina kakahbra bara ai sasakra ba bahki kulkan.