Jirimaya 5:22 - DAWAN BÎLA AISKA

²² Yang Dawan sna ba, naku wisni: ¿Dîa man nani bui yang ra sip si briras sma ki? ¿Dîa man nani maiwanra sip tatatras sma ki? Kabu un kir tawan ba baku sika yang mita kabu piarkika ba mangkri, ripka tara nani karna âpu tilwisa bara bin tara daukisa, sakuna piarkika ba wina luras sa.

Jirimaya 5:22 ပူးပေါင်းရင်းမြစ်များ

Blasi Sturka 1:9

Bamna Gâd bila: “Kasbrika purara ba munhtara lî nani bâra ba, watla kumi ra asla prawbia, bara tasba lâwan nani bal takbia.” Bara baku takan.

1 King Nani 13:28

Bara prapit almuk ba taki wan, bara wîna tara ba yabal ra prawi kan sakan, biriku bara layan nani ba sin lamara kan, layan ba bui wîna tara ba piras kan, baku sin biriku ba ra sin watawi munras kan.

Job 26:10

kasbrika kabu wal prawi ba kat, ingni tihmia wal prawi lainka sa.

Job 37:24

Baha mita upla nani mita witin ra sibrin brisa, sinskira nani ba witin ai mapa ra diara apia sa.

Job 38:8

Kabu ba tasba klukia munhta wina takan piua ra, ¿ya mita dur nani mangkan ki alki takaskaia dukiara?

Lawana Nani 104:9

tasba piarkika luaia apia adarka yabatma, tasba ba kli lî bui bikbia apia dukiara.

Lawana Nani 119:120

Wîni aiska ba tatatwisa, man mamwanra; lâka aisi daukram adarka ba mamyunisni.

Lawana Nani 33:7

Witin kabu tihuka laya nani ba, asla dauki auhbi brisa ai pliska kat.

Lawana Nani 46:3

ban sin kabu ba karna taki, ai ripka nani karna takbia, il nani sin tatatwi kabia kra man lawankam tara wal.

Lawana Nani 99:1

¡Dawan ba king sa! ¡Witin ai iwaika ba kirubin nani purara brisa! Nisan nani ba tatatwi kabia, tasba aiska ba sin.

Sins Lâka 8:29

witin kabu laya nani ra adar yabi mangkan, lî nani ba ai markka mangkan ba wina luaia apia, witin tasba playka nani ba, bapi mangki kan kata,

Aiseya 50:2

Yang balri piua, ¿dîa muni upla kumi sin âpu kan ba? ¿Yang bal winri bara dîa muni upla kum sin uni kahbras kan ba? ¿Dîa witin nani lukan yang na sip apia sna witin nani pât ra ba wina pri sakaia? ¿Dîa witin nani lukan yang na witin nani ra pri sakaia sip apia sna? Aitani sa yang aisinki kumi ni, kabu ba lâwaia bara awala nani ba tasba lâwan takaia; bara inska nani ba diran bla pruaia bara lî âpu ba mita sukwaia.

Aiseya 64:2

pauta klauhan kiaya ami ba baku, apia kaka, lî ba yan lukwisa. Baha ningkara man waihlam nani ba, kakaira takbia, bara nisan nani sut man mamwanra tatatwi kabia.

Aiseya 66:5

Dawan dîa aisi ba man nani wals, man nani bui witin ai bîla kulkisma ba: “Muihkam nani tila misbara mai kaiki ba, rau mai sauhki ba yang ra puram sunisma ba tâwan, witin nani aisisa: ‘Nanara Dawan ba wan marikbia ai mayunra ba; witin nani ba lilia kaka kaikaia want sna.’ Sakuna baha nani ba swira lâka ra takaskbia.

Jirimaya 10:7

Nisan nani sut kingka man, ¿ya man ra sibrin lukras kabia? Man ra sibrin lukaia kulkanka ba sika man briaia sma ba. Tasba ra sinskira nani king nani ba sut tilara, man baku wala kum âpu sa.

Jirimaya 2:19

Watawikam daukram ba mita klala maikbia, kasak lukras sma lâka ba mita pât ra mai lakan kabia. Luki kaiks diara saura tahpla daukram ba ai lulki ai swiram ba tâka kaikma. Bara man bui yang ra yamni ai kulkras sma ba, yang sika dawan Gâdkam. Yang, Dawan, karnika sut brisna, kasak aisisna.

Jirimaya 31:35

Dawan ba, lapta mangkan sa ingni daukaia kakna ra bara kati slilma nani ba tihmia ra ingni daukaia mangkan, kabu ra taibi munan bara ai binka tara ni praut takisa, nina kum brisa Dawan karnakira ba, baku wisa:

Daniel 6:26

bara lâ mangki maisa pakisna, yang kingki tasbaya ra upla nani sut Daniel Gâdka ra bawan kabia, bara kulkan kabia sin. “Kan witin lika Gâd rayakira sa, bara witin ba ban kaia ra sa, ai king lâka ba sauhki tikan kabia apia, ai karnika ba sin tnata âpu sa.

Emus 4:12

“Bahamna Israel, man nani wals: baha nani ra klala yabri ba baku, yang, man nani wal sin daukaisna. ¡Bamna man nani ridi taks, Gâdkam aula ba wal prawaia!”

Emus 9:6

Dawan ai watla ba kasbrika purara brisa, bara kasbrika ba naha tasba na purara mangkan; witin aisi wisa bara kabu laya ba, tasba purara laiwisa. Dawan, baha sika ai nina ba.

Jona 1:16

Duri wawakra nani ba baha kaikan bara Dawan ra kulkanka tara yaban bara sakripais dauki ai pura suni pramis nani daukan.

Nahum 1:4

Kabu ra lawi dauki aisi ba ra, laya ba mahka lâwisa, awala nani ba sut sin yan lâwisa. Basán tasbaya tnaya nani ba bara Carmelo ilka ba srawisa; bara Líbano ra dus tangnika nani sin sut srawisa.

Matiu 10:28

Man nani ra mai ikaia sip nani ba ra sibrin lukpara, witin nani karnika âpu sa rayakam ban kaia ra man nani ra mai ikaia bara hil pauta ra mai sauhkaia ban kaia ra, bahara sibrin luks.

Mark 4:39

Bara Jisas bui pâsa ra lawi dauki, kabu ra sin win: —¡Sâp bas! ¡Mahka lamni taks! Bara pâsa ba sâp takan, witin nani sin âuyapah takan.

Luk 12:5

Sakuna yang mai wimna yaura lika sibrin briaia ba: Wînam tara ikan ba ningkara sulkam ba sin hil pauta ra lulkaia karnika bri ba ra lika, sibrin luks. Âu, witin ra sibrin luki bas.

Kli Smalkanka 28:58

“Naha wauhkataya ra ulban na sut man nani daukras kama kaka, bara Dawan Gâdkam nina pranakira ba kulkaia wirhika puramra kahban na kulkras kama kaka,

Param Marikanka 15:4

Dawan, ¿ya man ra sîam briras kabia? ¿Ya sin man ra mamyunras kabia? Kan man baman sika holikira, bara nisan nani sut bal man ra ai pura suni mamyunbia, daukankam kasak nani ba upla sut mita kaikan bamna.”