Jirimaya 5:19 - DAWAN BÎLA AISKA

¹⁹ Witin nani man ra mamkabi walbia: ‘Dawan wan Gâdka ba, ¿dîa muni naku pali wan daukan?’, bara man bui witin nani ra pana wis: ‘Man nani kakaira apia gâdka nani ra mayunram ba, baha baku tasbayam ra apia, sakuna upla wala tasbaya ra baha nani warkka takma.’

Jirimaya 5:19 ပူးပေါင်းရင်းမြစ်များ

Jirimaya 13:22

Bara man makabi walma kaka, tânka briaia sma kau diara saura pali daukram ba tâka mita sika; ¡baha mita witin nani susu mai dauki bara saura mai munan!

Jirimaya 16:13

Baha tâwan, naha kuntrika wina man nani mai saki kuntri wala ra mai lulkaisna, man nani damikam nani sin kakaira apia kan ba tasbaya ra, bahara Gâd wala nani warkka dauki kama, yang bui man nani ra kupi swapni brimna apia.’

Jirimaya 17:4

Man prapatikam baku tasba maikri ba tasbaya ba man lulki swiaia sma, waihlam nani ba albika takaia mai daukamna man kakaira apia sma ba tasbaya ra, kan yang kupi baiwanka buki klauhan pauta klauhi ba baku, mai angki âpu mai daukbia.”

Jirimaya 2:13

“Yang upliki nani aima wâl saura daukan: ai lulki ai swin, yang rayaka laya kârma ra ai briras, witin nani lî watla paskan, laya watla nani ba iswisa sip lî alki takaskras ba.

Jirimaya 2:14

“Israel ba alba kum apia sa; witin alba lâka ra aisubi takras. ¿Bamna dîa muni dukia nani ba mihta dakbisa?

Jirimaya 2:35

Sakuna man baha sut dauki si bara aisisma: ‘Yang lika pâtkas. Gâd kupia baiwanka maipara âpu sa.’ Bamna aitani, man pat aisisma man saura daukras, sakuna lâ daukaia piua kum mangkaisna.

Jirimaya 5:18

Dawan ba kasak aisisa: “Ban sakuna, baha yua, witin nani sut ba âpu pali daukamna apia.

Jirimaya 5:20

“Israel, Juda wal kingka tasbaya uplika nani ra maisa paki wis:

Jirimaya 9:12

¿Ya ba ban aitani sinskira pali sa baha tânka briaia? ¿Yaura Dawan baha tânka nani ba briaia marikan, bara witin tawi upla wala ra baha tânka wiaia? ¿Dîa muni kuntrika ba diara slingwan baku ba, lâwan upla iwras tasbaya baku ba, bahak sin upla impakras ba?

Jirimaya 9:13

Dawan pana aisisa: “Baha sut baku takan kan Israel ra smalki diara nani daukaia wîri ba, baha wîri nani lulki swin ba tâka; witin nani ba yang bîli wali briras, warkka ba sin daukras.

Inanka Nani 5:8

Nanara yang nani, alba nani mita wan taibi brisa, bara upla âpu sa baha nani mihta wina wan dakbi sakaia.