Jirimaya 5:12 - DAWAN BÎLA AISKA

¹² Israel Juda wal Dawan ba ai Dawanka briaia apia win; witin nani aisin: “Gâd ra baha tâwan wan kulkbia apia win. Bamna diara saura wan mapara takbia apia, war bara plun wahwan sin yawan ra balbia apia.”

Jirimaya 5:12 ပူးပေါင်းရင်းမြစ်များ

2 Kronikas 36:16

Sakuna Gâd blikan uplika nani ra lawaska kikan, maisa papakra nani ra sin kulkras kan, prapit nani ra lawaska kikan, Dawan kupia baiwanka balan kat ai uplika nani mapara, bara diara wala daukaia âpu kan.

Lawana Nani 10:6

Ai kupia ra lukisa, upla kum witin ra batakaia âpu sa, witin pât nani wal prawbia apia.

Lawana Nani 14:1

Pûlkira ba lukisa, Gâd âpu: witin nani sut warha takan; witin nani diara saura nani daukan; ¡kumi sin âpu sa yamni ba daukaia!

Sins Lâka 30:9

Kan yang brinki ba pura lui brimna kaka, bara mai kulkras naku mai wimna: “¿Dawan ba ya sa ki?” Apia kra diara luha kamna kaka, upla dukia alkamna bara alkamna ra; Dawanki, ninam sin lahtubi aisamnara sîa.

Jirimaya 14:22

¿Idan nani aidulka nani ba tila wina bâra sa ki yaka lî auhaia? ¿Kasbrika yakan ban bâra ba wina bara krawi lî auhaia sip sa ki? ¡Apia, Dawan wan Gâdka! Man mita sika baha nani ba blikisma ba, man sika baha warkka sut daukisma; ¡baha mita yang nani lika man bîlam kaikisna!

Jirimaya 2:6

Witin nani lika yang ai plikaia trabil taki lukras kan, Idsip wina yang bui witin nani sakri ba, upla iwras tasbaya bâk tapahki ba, tasba lâwan albangka nani bâk luan ba, lî âpu tasbaya bâk, pât nani pali man taukan ba, upla sin bahara iwras, bahara sin impakras yabalka ra taukan ba sut.

Jirimaya 28:4

Yang sin daukamna Jeconías, Joaquim luhpia waitna ba sin naha pliska ra kli balbia, Juda kingka ba, Juda wina upla wala nani Babilon ra brih wan nani ba sin. Âu, yang Babilon kingka karnika ba krikamna. Yang, Dawan, kasak aisisna.’

Jirimaya 4:10

Bara yang wîri: “¡Alai, Dawan, nahki man Jerusalem uplika nani ra baku kunin munram! Kupia kumi lâka man bui witin nani ra yabaia wiram, sakuna witin nani skiru kum lika ai nana ra mangkan sa.”

Jirimaya 43:1

Dawan, witin nani ai Gâdka, dîa witin nani ra wiaia win ba Jirimaya baha sut witin nani ra win ningkara,

Jirimaya 5:31

¡Prapit nani aisi ba lika kunin baman; prîs nani ba ai brinka kat lâ nani daukisa, bara yang upliki nani ba baha lâka ba want sa! Sakuna, ¿baha piua ba lubia bara man nani dîa daukma ki?’ ”

Jirimaya 6:14

Upliki nani insauhkanka nani ba taya purara ba baman kaikisa; aisisa diara sut ba pain baman sa, kuna kasakka ba sut saura man sa.

Isikiel 13:6

Witin nani diara kaiki ba kunin baman, dahra aisi ba sin kunin. Witin nani wisa Dawan aisi ba yang nani aisisna, sakuna yang, witin nani ba blikras. ¡Baku ban witin nani dîa aisin ba baku takbia bîla kaikisa!

Miqueas 2:11

Kunin aisasara kum, upla nani ra kunin muni dahra aisi wibia: “Yang lika wain laya bara laya tahpla dukiara aisi wisna”, baha sât prapitka sika naha uplika nani na brin daukisa.

Miqueas 3:11

Lâ wihtka nani ra, lalah aibapi ai lâka pliki ba baman ra raitka yabisa, tawan wihtka nani ba, prîs nani ba sin, ai mana briaia dukiara baman smalkisa, bara prapit nani ba lalah mana baman dahra aisisa, ai raitka briaia dukiara blahwi aisisa, Dawan bui witin ra ai tâ baikisa, bara naku wisa: “Diara saura yawan ra balbia apia, kan Dawan yawan wal sa.”

Kli Smalkanka 29:19

“Bara naha swer taki aisin bîla na walan ba ningkara, man nani tilamra lukisa witin ba uba yamni sa, bara lukbia: ‘Diara sut yang ra pain takbia, yang dîa brin ai dauki ba kat luki daukamna ba.’ Bara diara saura taki aisawbia ba, baha uplika ba tâka kabia.

1 Jan 5:10

Ya Gâd Luhpia ra kasak luki ba, witin naha witniska bîla na ai kupia ra ban brisa; ya Gâd ra kasak lukras ba mita, Gâd ba kuninkira sakisa, kan Gâd mita ai Luhpia dukiara witnis aisin ba, witin kasak lukras pali sa.

1 Samuil 6:9

Sakuna naha kaiki bas: bîp nani ba Bet-semes yabalka ra wabia sapa, ai tasbaya mata, baha tânka ba wan marikisa Gâd wina wan purara ai lawanka ba blikan. Sakuna baku waras kabia kaka, baha tânka ba wan marikisa, Israel Gâdka wina klala ba wankras kan, sakuna klala ban baku bîla kaikras kan wan purara balan.