Jirimaya 5:11 - DAWAN BÎLA AISKA

¹¹ ¡Israel Juda wal yang maipara buan! Yang, Dawan, kasak aisisna.”

Jirimaya 5:11 ပူးပေါင်းရင်းမြစ်များ

Aiseya 24:16

Tasba tâ wala wina aiwananka nani yawan walan: “¡Kasakkira ba mayunra kabia!” Bara yang wîri: ¡Ay, dîa kan uba umpira uba umpira sa! Upla kuninkira nani ba kunin lâka ra ai uplika ra atkisa.

Aiseya 48:8

Âu, man naha tânka kau walras kapram, man sin kau baha kakaira apia kapram; kan piu bani ra, kiamam prakan bara ilingkras bri katma. Yang kaiki katna man na kasak apia sma ba bara bîla walras lulki swiram kan ba, baha mita ninam mâkri man ba mapara babura, kau mai baikras kan ba wina.

Jirimaya 12:1

Dawan, yang na man wal aisi blahwamna kaka, man piu bani aisisma ba sut ba rait baman sa; ban sakuna, yang diara mamkabi walaia brin ai daukisa diara kum kum ra tânka bâra sa. ¿Dîa muni watawikira nani dauki ba sut yamni man taki ba? ¿Dîa muni upla âiatkra nani ai âuyapah iwi ba?

Jirimaya 3:20

Sakuna mairin kum ai maya nakra baiki ba baku, man nani sin baku yang maipara wapni apia sma. Yang, Dawan, kasak aisisna.

Jirimaya 5:10

¡Bamna ai waihla nani ba bal nasla ra dimi wain kiwka nani ba palkbia, sut pali sauhki tikras kabia kra! ¡Tnawa nani ba krikbia, kan yang wainki nasla apia takan bamna!

Jirimaya 9:2

¡Aitani lukaina upla iwras tasbaya ra iwaia pliska kum sakri kaka, upliki nani tila wina laihura waia! Kan witin nani sut ba kasak lukras nani takan sa; upla wala pât ra lalulkra daknika atia takan.

Oseas 5:7

Witin nani lika Dawan mapara saura pali daukan, witin nani waitna wala luhpia nani baiki brisa. Witin nani saura pali daukan ba tâka mita, kati kumi bilka ra, ai tasbaya ba sut sauhkan kabia.

Oseas 6:7

“Sakuna yang upliki nani, Adam wal baku sa, lâika witin nani wal daukri ba krikan, bara maipara saura pali daukan.