Jirimaya 5:1 - DAWAN BÎLA AISKA

¹ Dawan ba naku aisisa: “Man nani Jerusalem yabalka aiska plapi taws, pulaia pliska nani ba ra pliki pain laki kaiks, upla kasakka lâka kat dauki ba kum man nani wal prawma sapa, witin kunin luha kaia luki ba. Man nani ba witin wal prawma kaka, yang bui Jerusalem pâtka ban swih tikamna.

Jirimaya 5:1 ပူးပေါင်းရင်းမြစ်များ

1 King Nani 19:10

Witin pana win: “Dawan, daihra walri, Dawan karnika sut alki brisma ba tâwan uya pali lawri sa, kan Israel luhpia nani man lâmka ba swin, bara altarkam nani sut batakan, bara prapit nani sut sin ikan sord ni. Bara yang baman takaskri, bara ai plikisa rayaki na sakaia dukiara.”

2 Kronikas 16:9

Kan Dawan kasak pali kaikisa naha tasba ra dîa taki nani ba, bara sin witin ra bîla kaikanka bri nani ra, tâ baikisa ai kupia aiska ni. Naha kat man saura daukram sinskas baku, baha mita naiwa wina ai kainara war kau karna brima.”

Lawana Nani 12:1

Dawan, yang nani ra swaki ai sâks, lalukra nani kasakkira nani, upla kunin luha nani ba âpu sa.

Lawana Nani 14:2

Dawan kasbrika pura wina upla nani ra kaikisa, baha nani tilara diara tânka bri ba kum kaikaia, upla kum Gâd plikisa sapa.

Lawana Nani 14:3

Sakuna witin nani sut yabal saura ra man wan, witin nani sin sut aikuki baku warha takan. ¡Yamni dauki ba kumi sin âpu! ¡Âpu, kumi sin âpu!

Lawana Nani 94:16

¿Ya bui tâi baikaia kan, baha watawikira, bara saura dadaukra nani mihta wina?

Sins Lâka 20:6

Upla ailal bâra sa kumi bani witin ai painka dahra man aisisa; sakuna yaura kasak lukaia ba sip sakras sa.

Sins Lâka 23:23

Kasak tânka ba bara sins lâka ba atki bris, smalkanka bara diara tânka alkaia ba, ¡atkrika wabiara!

Sins Lâka 8:3

Get lamara kat witin bîla baikra tara saki winisa, tawan ra dimaia ba kat:

Yamni Kulki Lawana 3:2

Bara mahka buri, tawan ba kir taukri; yabal bîla nani ra, bara utla latka bîla tara nani ra sin, yang sulki latwan kaiki uplika ba plikri. Witin ba plikri, sakuna sip sakras kapri.

Aiseya 59:4

Kasakka lâka dukiara wini ba kumi sin âpu, wapni lâka dauki lâ ba sin âpu sa; bahki lâka ra baman kupiam mangki brisatma, bara kunin lâka ra kau lukisma bara sturi bahki nani ra sin; watawika lâka nani ra, kwihra tiwisma bara saurka lâka luhpia baikisma.

Jirimaya 2:29

¿Man nani dîa maipara aisi blahwisma, man nani sut maipara babura man takram ba? Yang, Dawan, kasak aisisna.

Jirimaya 44:15

Bara waitna nani bâra kan, witin nani kaiki kan ai maya nani ba gâd wala nani ra diara kîa pain nani angki yabi kan ba, mairin nani ba bâra kan, witin nani ba pat upla ailal asla takan kan, Ju nani sin Idsip tasbaya waupasa tani ra iwi kan ba, baha nani sut Jirimaya ra win:

Jirimaya 8:6

Kiaima pri tniki aman pali wali katna, sakuna upla kumi sin watawika lâka dauki ba wina ai kupia laki rait ba aisaras, bara wiras: ¿Yang dîa daukatna ki? Sakuna kumi bani dîa saura dauki kan yabalka ba kat ban wan, war ra aiklabi araska ai tâ kat karna plapi auya ba baku.

Jirimaya 9:2

¡Aitani lukaina upla iwras tasbaya ra iwaia pliska kum sakri kaka, upliki nani tila wina laihura waia! Kan witin nani sut ba kasak lukras nani takan sa; upla wala pât ra lalulkra daknika atia takan.

Jirimaya 9:7

Ba mita yang, Dawan, karnika sut brisna ba, mai wisna: ¿Kau dîa wala yang upliki nani ba wal daukaia sip sna? ¡Pauta ra kiski tâski âpu daukaia sna!

Isikiel 22:30

Yang baha uplika nani tilara plikri, upla kum bâra kabia sapa tawan dukiara luki ba, bara yang ra tawan ba aisabia diara sauhki tikamna apia dukiara; ban kuna yang sakras.

Isikiel 9:9

Dawan ba pana yang ra ai win: “Israel bara Juda uplika nani saurka ba tara pali sa. Kuntrika ba upla ikan lâka ni banhwan sa; bara tawan ba tanis lâka ni banhki takan sa; witin nani lukisa yang kuntrika ba lulki swiri bara yang ba kaikras sna witin nani dîa dauki ba.

Daniel 12:4

‘Sakuna, man Daniel, naha wauhkataya diara nani na yukuki bara sîl mangks, piua balbia ba kat. Upla ailal lika nahara bukra tauki kabia, ai sinska lâka kau briaia wisi.’

Joel 2:9

Witin nani bui tawan ba dahra walras alkisa; kutbanka nani pura bâk uli plapisa, utla nani ra sin ulisa, âimplikra baku windar nani bâk bilara dimisa.

Emus 8:12

Upla nani ba kabu kum wina kabu wala kat, yahbra wina lalma kat, Dawan bîla smalkanka walaia pliki, tanis baman watauki kabia; sakuna pliki sâkbia apia.

Sakaraya 2:4

bara witin ra naku aisin: “Plaps, kulki kaikaia kiwka brih auya wahmika ra wis: ‘Jerusalem ra upla nani kli wih iwaia sa, bara upla ailal, daiwan sin ailal pali bahara kabia bamna, tawan ba walpa kutbanka nani bilara kabia apia.

Luk 14:21

Alba ba kli tawi bal, ai dawanka ra diara nani ba sut wisata. Dawanka ba kupia baiwan, bara ai albika ra wisata: ‘Aihni taki was yabal nani ra, tawan yabal dimi nani ra sin, bara nahara paiwi bri bal upla umpira nani, mina dakwan nani, blain nani bara skahwa nani sin.’

2 Tesalonaika 2:10

Bara watawi lâka sât sât daukbia, sauhki tikan lâka ra auya nani ba, kunin munaia dukiara; kan baha nani kasakka lâka ba alki briaia bara latwan kaikaia want apia kan, ai swaki sakanka alkaia dukiara.