Jirimaya 49:37 - DAWAN BÎLA AISKA

³⁷ Yang daukaisna Elam uplika nani ba witin nani ra ikaia aula ba mapara tatatwi kaia, witin nani ra sauhki tikaia blikamna, witin nani ra war blikamna bara sauhki âpu daukamni. Yang, Dawan, kasak aisisna.

Jirimaya 49:37 ပူးပေါင်းရင်းမြစ်များ

Jirimaya 30:24

Dawan kupia baiwanka ba takaskbia apia witin dîa daukaia lukan ba daukbia ba kat. Piua balbia ba ra man nani baha tânka brima.

Jirimaya 48:2

Moab prana ba sut âpu daukan. Waihla nani ba Hesbón ra aisi kaikan nahki daukaia, Moab nisanka ba tikaia. Madmén, man sin mai sauhkbia aiklabanka ba ninam bliki ban kabia.

Jirimaya 48:39

¡Man nani Moab pura mata ini banhs! ¡Sibrin tara daukisa! Swira tara takan ai nina tawi wan ai lamara iwi nani ba sut nakra ya pain apia, saura kaikisa.

Jirimaya 49:22

Waihla ba Bosrá mapara yakal tara ai tnawa ilingki aula ba baku balbia, baha yua Edom aiklaklabra nani ba mairin luhpa baikaia tatatwi ba baku tatatwi kabia.”

Jirimaya 49:24

Damaskus, pat karnika âpu takan, plapaia ridi sa. Sibrin mita witin ra taiban, kupia wirha takan, pât nani taiban, mairin luhpa baikaia ba baku sa.

Jirimaya 49:29

Watla nani ba bris bara daiwra nani ba sin, kwala nani paman ba diara watla nani ba sin. Kiamilka ba bris bara puram wins: ‘¡Sibrin tara tnamya kir bâra sa!’

Jirimaya 49:38

Yang iwaiki ba Elam ra kabia, bara ai kingka nani wihta nani ba sut pruaia daukamna. Yang, Dawan, kasak aisisna.

Jirimaya 49:5

Baha aitani, bamna tnamya bani wina sirang tara puramra blikamna. Yang, Dawan karnika sut brisna, kasak aisisni. Man nani kumi bani swakwaia yakan plapma, upla kumi sin âpu kabia kli asla mai daukaia.

Jirimaya 50:36

¡War ba diara kakaira nani purara sa: witin nani tanis takaia!

Jirimaya 6:19

Tasba, wals: Naha uplika nani ra sauhkaia ba bri balaisna watawika nani daukaia luki daukan ba mana; yang bîli nani aisin ba witin nani baha walras, yang smalkanki nani ba witin kau saura ni kulkan.

Jirimaya 9:15

Baha mita, yang Dawan, karnika sut brisna ba, Israel Gâdka ba, aisisna: Baha nani ra diara tahpla pali kum diaia yabaisna ba puisin laya.

Jirimaya 9:16

Witin nani kakaira apia, aisika nani sin kakaira apia nisanka nani tilara yakabi swimna; yang daukamna baha nani sord ai mihta ra bri naha nani nina bliki kaia, witin nani sut pali âpu takbia ba kat.”

Isikiel 12:14

Bara yakabi lakamna tasba mapa walhwal ra, suldiar nani wan kutbi kir wan kaina kahbi ba sin, war aiklaklabra kwâra tara wala ba baku, bara nina bliki yakabamni mihti ra sord kum wal.

Isikiel 32:23

Biki banhwan sa raiti pakni ra. Ai suldiarka nani ba sirang tara ikan kau raya nani ra; sakuna war ra pruan nani ba nanara Asiria raitika ba kir brisa.

Isikiel 5:12

Man nani wina dakni kum ba, siknis mita bara plun wahwan tâka prubia man nani tilamra; dakni wala kum ba sord ra kauhan kabia, ai lahma nani ai lama kir bâra ba mita; bara daknika yumhpika ba lika tasba aiska ra yakabi lakamna, pâsa mapa walhwal ra. Bara witin nani nina ra sordki mihti ra brih wamna.

Isikiel 5:2

Tawan ba sauhki lubia ba ra, tâmwa mânka kum ba tawan lila kat angks; ba ningkara skiru kum bris tâmwa mânka wala ba klaki dauki tawan aiska ra yakabi swis, bara wala mânka yumhpa lika pâsa ra lulks. Bara yang lika upla nani ninara tawan ra wamni, mihti ra sord kum brih ki.

Libait Lâka 26:33

Man nani ra yakabrira mai daukamni, nisan wala nani tilara, sord ba taya wina saki ninam blikamni; tawankam ba upla iwras tasbaya daukamni, bara tawankam nani ba kriwi tiwan kabia.