Jirimaya 49:28 - DAWAN BÎLA AISKA

²⁸ Quedar kiamka nani ra Hasor ra wihta nani ra wiaia Dawan aisin bîla nani ba, baha uplika nani ba sika Babilon kingka Nabucodonosor mita aiklaban ra pura luan ba: “¡Kainamra waps, Quedar nani wal aiklas! ¡Lalma tani ra iwi kiamka nani ba rausauhks!

Jirimaya 49:28 ပူးပေါင်းရင်းမြစ်များ

Blasi Sturka 25:13

kumi bani nina tawahkia wina kau sirpika ba kat ulban sa: tawahkia nina ba Nebaiot, baha wina Quedar, Adbeel, Mibsam,

Blasi Sturka 25:6

Mairin wala wina witin ai luhpia waitna nani bri kan ba, witin kau raya kan bara baha nani ra prisantka nani baman yaban, bara baha ningkara baha nani ba Aisak wal dakbi sakan, lalma tani tasbaya ra blikan witin nani bahara wih iwaia.

1 Kronikas 1:29

Ai kiamka nani ba naha nani kata: Nebaiot, Ismael luhpia tawahkia, Quedar, Abdeel, Mibsam,

Job 1:3

Bara witin sîp 7,000, kiamil 3,000, wark bîpka nani 500, biriku mairin 500 bri kan, alba nani sin ailal pali bri kan. Lalma tasbaya ra witin baman kau upla yuyakira kan.

Lawana Nani 120:5

¡Yang umpira, Mésec ra tringsar baku iwisna bamna, Quedar tintka watla nani tilara waitla brisna!

Yamni Kulki Lawana 1:5

Jerusalem mairka nani, yang taiya siksa sa, sakuna mairin painkira sna; Quedar kiamka nani baku siksa mairin sna, Salaman watla un nani ra kwala paman ba baku painkira pali sna.

Aiseya 11:14

Witin nani wâlsut ba muna tani bâk filisteo nani ra wabia, nina tani tawi ba ra; mapara aiklabia, asla lalma tani tawanka nani dukia kukan ba dakbia. Ai karnika ba Edom, Moab bara Amón uplika nani ra taibi bribia.

Aiseya 21:13

Upla iwras ba tasbaya ra dahra aisi ba: Dedán wina uplika kwâra ailal upla iwras tasbaya ra srikra nani tilara tihmia lalawisa,

Aiseya 42:11

Upla iwras tasbaya nani tawanka tara nani sin, man nani lilia bas, Quedar kiamka nani sin. Selá ra iwi uplika nani sin lilia mita aiwans, il nani bahna wina bîlam baikra binka tara dauks.

Jirimaya 2:10

Man nani muna tani kî dakura ra was bara bahara kaiks; man nani upla kum Quedar ra blîks witin pain pali laki kaikbia diara ba takan sapa,

Jirimaya 25:23

Dedán kiamka nani ra, Temá ra, Buz ra, bara upla nani ai tâwa irbi banhwi ba ra sin;

Jirimaya 25:24

Arabia kingka nani sut ra yabri; nisan sât sât iwi kingka nani sut ra upla iwras tasbaya ra iwi nani ra;

Jirimaya 49:14

Maisi pakanka kum Dawan wina yang ra balan; maisa papakra ba nisan nani tilara aisi taukisa: “¡Man nani asla taks, Edom mapara wapi was! ¡Man nani aiklabaia ridi taks!

Jirimaya 49:33

Hasor ra kli upla iwbia apia, suksuk tara nani watla takbia. Upla kli bahara takaskbia apia, bahak sin wapi lui kabia apia.”

Isikiel 27:21

Arabia bara Quedar lalka nani sut man wina baman diara atki kan: mai aibapi kan sîp luhpia nani, sîp tara nani bara guts nani ni.

Wihta Nani 6:3

Piua bani Israel luhpia nani ai nasla dauki mangki bri kan ba, mâ nani ba Madián uplika nani bara Amalec uplika nani lalma tani ra iwi kan ba bal, pura lui bri kan.