Jirimaya 49:19 - DAWAN BÎLA AISKA

¹⁹ Yang kakalni balamni, Jordan awala ra unta tila wina layan kum taki aula ba baku, witin bal taki auya inta wahia pâwi ba tasbaya kat, Edom uplika nani ba munrika baha wina plapbia, ban sakuna uplika ba yarka bahara wihta aimakbia. Bamna, ¿ya yang wal prakaia sip sma? ¿Ya bal yang, maiwanra buaia sip sa? ¿Ani sepadka ba yang maiwanra bal bapi buaia sip sa?

Jirimaya 49:19 ပူးပေါင်းရင်းမြစ်များ

1 Kronikas 12:15

Naha nani sika mani pas katka ra, Jordan ba puswi luan, awala ba un kat pupuhkan kan piua ra; bara twi ra banhwi kan ba sut munan plapi banhwan, lalma bara muna tani ra.

2 Kronikas 20:6

bamna naku winan: “Dawan, wan damika nani Gâdka, man sika kasbrika purara ba Gâdka, man nisan nani tâ brih wapisma, man mihtam ra sa karnika ba, upla kumi sin man mampara buras.

Job 41:10

Ya kra kum mita tuski munbia kaka, ai kupia sauhkisa, upla kumi sin sip ai mawanra bubia apia.

Job 9:19

¿Karnika lâka bri ba plikaia? Witin ba kau karnika brisa ¿Lâ ra balaia paiwaia? ¿Bara ya mita munka bal lâ mawanra bubia?

Job 9:21

Yang na pâtkas sna kra, ¿sakuna baha ba dîa sa? Yang pat swapri pali sna raya kaia.

Lawana Nani 143:2

Man nampakan ra diara walaia paiwpara, kan man mamwanra upla kumi sin pâtkas ba âpu sa.

Lawana Nani 76:7

¡Man ra upla sut si brisa! ¿Ya sip sa man mamwanra bûi kaia man kupiam sauhkisma bara?

Lawana Nani 76:8

Kasbrika purara ba wina, man lâmka nani kaikaia marikisma; tasba ba sibrin daukisa bara sâp takisa.

Lawana Nani 89:6

Dawan, man wal mai prakaia gâdka kumi sin âpu sa, tasba ra kasbrika purara sin âpu.

Lawana Nani 89:8

Dawan Gâd, karnika sut brisma ba, karnika sut ba man dukiam, bara kasakka lâka ni kir mai kutbi brisa; ¡man baku wala âpu sa!

Impakan Sturka 15:11

Dawanki, ¡gâd wala âpu sa man wal mai prakaia! ¡Kumi sin âpu sa man baku tara, saurka lâka âpu ba! ¡Diara aihka painkira nani daukisma, diara sibrinkira nani sin! ¡Man mamyunra briaia ba aitani pali sma!

Aiseya 40:25

Holikira Gâdka ba makabi walisa: “¿Man nani bui yang na dîa wal tailia ai daukaia plikisma? ¿Apia kaka, dîa wal baku ai praki ai kaikaisma ki?”

Aiseya 46:9

man nani kupiam krauki bas, blasi pali piua wina pat taki lui wan ba. Yang sika Gâd, bara wala kumi sin âpu sa; yang sika Gâd, yang wal baku wala âpu.

Jirimaya 12:5

“Upla nani wapi auya ba mapara plapi baku pali swapram kaka, ¿upla nani aras ra uli auya ba mapara nahki karna ki? Tasba langni ra man âmyapah damra walisma, ¿sakuna Jordan awala un ra sisikra nani ba tilara nahki plapma ki?

Jirimaya 25:9

Nabucodonosor yang warkki dadaukra Babilon kingka ba, yahbra tani uplika nani ba sut balaia paiwisna, witin nani bal naha kuntrika ra upla nani sut iwi ba, nisan nani sut lamara ba wal iwi nani ba mapara sin. Witin nani ba sauhki âpu pali aiklabaia daukaisna. Baha nani ba sut sauhki âpu daukaisna. Baku sauhkan ban kaia swiaisna, sirang wan iki bara sibrin wan dingki kaia.

Jirimaya 30:21

Witin nani ai tila wina wihta sâkbia: wihta tara kum witin nani tila wina bal takbia. Yang laima kat balaia daukamni, bamna, ¿ya kupias taki laimara balaia sip sa? Witin nani ba yang upliki nani kabia, yang sin witin nani ai Gâdka kamna. Yang, Dawan, kasak aisisna.”

Jirimaya 4:7

Layan ba ai watla wina pat takan, nisan nani sauhki tiki ba pat yabal ra aula; ai tasbaya wina taki aula man kuntrikam ba sauhki tikaia, tawanka tara nani ba slingbi, pura paski bîla man swiaia.

Daniel 7:4

Pas ba layan baku kan, sakuna ai tnawa nani bri kan yakal baku. Kau ban kaiki kapri ba ra, ai tnawa nani ba daikan, bara ban tasba wina yan buan; mina tani ba upla baku kan, bara kupia lukra ba upla baku kata.

Nahum 1:6

¿Witin ai kupia baiki lawi ba mapara ya sip sa ki bapi buaia? Ai kupia baikuya laptika ba, pauta klauhan baku laiwisa, bamna walpa tara nani ba baiwi lilak wal taki, witin ai mawanra, walpa tara nani ba lilak pîs wâl ra baiwisa.

Sakaraya 11:3

Sepad nani ba karna inisa, kan twi nani prana kata ba sut sauhki tikan bamna. Layan ihbi ba walisa Jordan lamara ai watla bri kan ba sut sauhki tikan sa bamna.

Kulki Kaikanka 16:5

bara Coré nina blablikra nani ra sin win: —Yauhka titan ra Dawan mita mamrikbia yamna witin ai uplika sa bara yamna sin sunukira sakan ba, witin nani ai lukanka yamni diara bri sal yabaia. Yamna witin mita bâk sakan ba kaikma, baha nani baman ai mawanra balbia altar ra.

Param Marikanka 6:17

Kan lawanka tara yua ba balan sa, ¿bara ya baha mapara ban buaia sip kabia ki?”