Jirimaya 48:37 - DAWAN BÎLA AISKA

³⁷ Tâwa nani sut irban, unmaya sin klakan; mihta nani ba sut insauhkan bara krukus prâka nani dimisa.

Jirimaya 48:37 ပူးပေါင်းရင်းမြစ်များ

Blasi Sturka 37:29

Ruben ba bâra âpu kan. Baha ningkara witin balan, bara Josep kaikaia liwanhta ba ra wan, sakuna witin liwanhta ra âpu kan. Bara Ruben sari pali taki, iwi ai prâka kalkan.

Blasi Sturka 37:34

Bara Jekob ai prâka kalkan, kwala siksa diman, bara piua wihka ai luhpia pruan ba sarka brih iwi kan.

1 King Nani 18:28

Bara witin nani ai bîla baikra karna wini kan, witin nani ai natka baku. Skiru ni, apia kaka kalkaia dukia sâtka wala nani wal ai wîna ba klaki kan, ban sin ai taya aiska ba tala baman kan.

1 King Nani 21:27

Bara Ahab naha bîla nani sut walan, bara ai prâka nani kalkan bara sari kwalka diman, plun sin piras, baha kwalka wal ban yapan, bara ai kupia bawikira ban tauki kan.

2 King Nani 6:30

Bara king ba baha mairka aisanka ba walan ba ra, ai kupia sauhkan tukinka baku ai prâka nani ba kalkan. Bara baha tawan kutbanka ba purara kan bamna, upla nani ba kaikan king ba sari dauki kwalka dimi kan ba.

1 Kronikas 19:4

Bamna Hanún lâ yan Debit uplika lalka nani ba silak ra mangkbia, bara unmaya irbia, prâka nani lilak kalkbia, ningkara swika wabia.

Aiseya 20:2

Baha piua ra Dawan, Emus luhpia Aiseya wal aisi, win: “Man krukus kwalka dimisma ba daiks, minam ra sûskam ba sin.” Bara Aiseya baku daukan, ai prâka tara ba daiki ai mina man tauki kan.

Aiseya 3:24

Kîa yamni watlika ra bisbaya balbia; maisa wilkaika watlika ra, rup; tâwa pain pitbanka watlika ra lal ba kusban kabia; kwala pranakira ni ai maisa wilkaia watlika ra, krukus ni wilkbia, bara prana painkira kaia ba watlika ra, ayan ni mark kum pauta klauhi baku kabia.

Aiseya 37:1

Naha sturka ba, king Ezequías walan ba ra ai prâka ba kalkan, ningkara prâk almuk diman sari prâka bara Dawan watla ra dimi wan.

Jirimaya 16:6

Naha kuntrika ra almuk nani ba tuktan nani ba prubia, upla kumi bal baha nani bikbia apia, pura mata sin inbia apia, sarka brisa wisi ai taya ra klaki ai tâwa sin irbi banhbia apia.

Jirimaya 41:5

Siquem, Siló bara Sameria wina sin 80 waitna nani balan, uplika nani ba ai unmaya irban, prâka nani ba kalwan, taya ba sin insauhkan kan, witin nani mita ai taya ba klakan. Witin nani bri balan plun nani kîa pain angkaia dukia nani Dawan ra sakripais dauki yaia tempelka ra.

Jirimaya 47:5

Gaza uplika nani ai tâwa irbia, Ascalón uplika nani sip aisaras takbia. Blasi upla tarka tara nani kan ba wiria takaskan nani, ¿ahkia kat man tamya ra klaki ban kama sari brisma tukinka ba?

Jirimaya 49:3

“¡Hesbón, mamna lulks, kan Ai ba pat slingban bamna! ¡Rabá wina mairka nani, puram mata ini banhs! ¡Man nani kwala siksa dims, lamam pruki banhs! ¡Grisi baku plapi banhs, wînam insauhki ban plapi bas! Kan gâd Milcom ba priski tasba wala ra brih auya, prîs nani sut upla tara kulkan nani ba sin.

Isikiel 27:31

Man dukiamra ai tâwa ba irbia, upla pruan sarka kwalka dimbia, bara kupia wirha tara pali wal inbia.

Isikiel 29:18

“Babilon kingka Nabucodonosor, ai suldiar nani ba Tiro mapara blikan; bamna upla nani lal ba sut ba takbi pahpaya kat swin; sakuna witin bara ai suldiar nani sut sin witin nani Tiro mapara aiklabanka wina yamnika kumi sin sakras kata, Tiro mapara aiklabanka ba wina.

Isikiel 7:18

Witin nani sari kwalka ni dimbia; wîna aiska tatatbi kabia bara mawan ba sin pauni takan kabia ai swira mita, bara lal tâwa ba sin kusban kabia.

Libait Lâka 19:28

“Upla kum pruan ba ra luki tamya ra klakpara. Tamya ra lilka sât sât sin daukpara. Yang sika Dawan.

Emus 8:10

Lilia daukaia yua nani ba, pruan nani pura mata inaia yua daukamna; bara lilia dauki aiwanaia lawana nani ba sut, bikaia pura mata inanka nani ra tawbia; man nani sut kwala siksa dimma, upla nani tâwa ba sin irbi lipni daukbia; upla ai luhpia kumi baman bri kan pruan mata ini ba baku ini yahwi kama, bara yuam tnata ba tahpla pali lui wabia.”

Miqueas 1:16

Bamna Saion tawanka uplika nani, man nani tâmwa klaks, sari brisma ba tânka marikaia dukiara, luhpiam nani latwan pali kaikisma ba tâwan; tâmwa irbi, lamla ba usus lal baku lipni dauks, uplikam nani ba taibi muni tasba wala ra brih wan kabia bamna.”

Mark 5:5

Witin piu bani, kakna bara tihmia, ai bîla baikra tara wini tauki kan, il nani purara bara raiti nani tilara, bara ai wîna ra sin walpa ni klaki kan.

Param Marikanka 11:3

Bara yang mita witnis wâl blikamna daihra aisaia dukiara yu 1,260, bara witin nani sari kwalka sin dimi kabia.”