Jirimaya 48:13 - DAWAN BÎLA AISKA

¹³ Bara Moab ai dara walbia ai gâdka Quemós ba tâwan sika witin ra impliki bîla kaikanka âpu dauki ba, Israel sin daukan Betel ra baman kasak luki kan ba tâwan witin ra impliki bîla kaikanka âpu daukan.

Jirimaya 48:13 ပူးပေါင်းရင်းမြစ်များ

1 King Nani 11:33

Witin bui yang ba ai swin bara Sidón nani gâdka Astarté ra ai pura suni mayunan, Moab uplika nani gâdka Quemós ra, bara Amón uplika nani gâdka Moloc ra sin. Bara yabalki nani ra wapras, diara wapni daukras naikra nani ra, bara lâika bîla nani sin kulkras, ai aisa Debit daukan ba baku.

1 King Nani 11:7

Baha yua nani ra Salaman utla kum mâkan, Jerusalem lalma tani, unta tilara aidul bahki Quemós ra mayunaia; baha ba Moab uplika nani aidulka kan, baku sin Moloc ra, naha lika Amón uplika nani gâdka bahki kan ba.

1 King Nani 18:40

Bara Ilayas witin nani ra win: —¡Baal prapitka nani sut alki banhs! ¡Yarka kumi sin swakbiara! Bara upla nani mita sut alki banhwan, bara Ilayas brih wan Quisón tingnika ra, bara bahara sut kat nana dakban.

2 Kronikas 25:15

Bara Dawan Amasías ra ai kupia sauhkan, bara prapit kum blikan witin ra wiaia: —¿Dîa kan gâd bahki nani ra waram, baha gâdka nani ba sip ai nisanka pri sakras ba?

Aiseya 16:12

Nahki kat Moab uplika il ra wabia sin, bara bahara swer taki makabi swapbia ba kat, nahki kat tempel ra wih ai pura sunbia ni sin, hilp kumi sin bribia apia.

Aiseya 2:20

Upla nani gul ni bara silbar ni bahara mayuni kaia paskan ba, aidulka nani ba, baha yua ra, matis nani ra bara sakangki nani ra lulki yaban kabia.

Aiseya 45:16

Aidul uplika nani sut ba, turban man bara swira sin daukan kabia, lilka papaskra nani sut ba, witin nani ai swira daukka wabia.

Aiseya 45:20

Asla taki bara bal, tawan ra raya takaskan nani ba, laimara bal. Witin nani kau baha nani tânka briras kan ba, baha nani ai aidulka dus ni daukan ba purara buki, bara witin nani gâd kum ra ai pura suni ba swaki sakaia gâdka apia ra.

Jirimaya 48:12

Sakuna Dawan baha kasak aisisa: “Nanara baha yua ba aula, upla nani blikamna baha wainka ba batil wala nani ra laikaia, bara batilka bîla man takuya kriki yuya man daukbia.

Jirimaya 48:39

¡Man nani Moab pura mata ini banhs! ¡Sibrin tara daukisa! Swira tara takan ai nina tawi wan ai lamara iwi nani ba sut nakra ya pain apia, saura kaikisa.

Jirimaya 48:46

¡Moab, man ra saura pali kabia! ¡Quemós uplika nani, man nani tiwram! ¡Luhpiam waitna nani, luhpia ra mairin nani priski tasba wala ra brih auya!

Jirimaya 48:7

“Moab, man karnikam ra diara ailal brisma ba ra kasak luki kapram, sakuna man ra sin bal puram lubia. Man gâdkam Quemós tasba wala brih wabia, prîska nani, uplika tara nani kulkan ba sut.

Wihta Nani 11:24

Man gâdkam Quemós diara man ra maikan ba, baha man dukiam kulkisma, ¿baha rait apia? Dawanki naha tasbaya na yang nani ra aikan, bamna tasbaya na tasbayi kulkisna.