Jirimaya 48:1 - DAWAN BÎLA AISKA

¹ Dawan karnika sut bri ba, Israel Gâdka, witin aisin, Moab ra diara nani takbia ba win: “¡Nebo tawanka umpira, sauhkan bâra ba! ¡Quiriataim ba alkan mâyara ikan! ¡Ai kan kahbaika pliska ba slingbi tasba kat batakan!

Jirimaya 48:1 ပူးပေါင်းရင်းမြစ်များ

Blasi Sturka 14:5

Bara mani 14 alkan ra, king Quedorlaómer ai suldiarka nani aikuki, king wala nani sin witin wal kan ba ai suldiarka nani aikuki asla aidrubi Astarot Carnaim ra balan, bara bahara aiklabi, refaíta nani ra pura luan. Baha wina Ham ra zuzita nani ra pura luan; ningkara emita nani Savé-quiriataim ra kan nani ba ra pura luan.

Blasi Sturka 19:37

Bara ai luhpia mairin almukka ba ai luhpia waitna kum baikan, ai nina ba Moab mâkan, witin sika naiwa kat baha Moab uplika nani aisika mâkan sa.

2 Kronikas 20:10

Bamna nanara, nâra sa Amón uplika nani, Moab uplika nani bara Seír untika biara ra iwi uplika nani sin, bara Israel luhpia nani Idsip wina aula kan taim man naha tasbaya nani ba ra diman mai daukras kan, sakuna baha wina tnaya ra tawan kan, baha mita sauhki tikras kan.

Aiseya 25:10

Dawan mita Saion ilka ba kaina kahbi kabia, sakuna Moab lika ai mina ra taiban kabia, dipasta lulkan wan mina ra taiban ba baku.

Aiseya 25:12

Bara Dawan mita tawanka walpaya kutbanka nani ba batakbia, slingbia, tasba kat lulki swibia.

Aiseya 27:3

Yang, Dawan nasla ba main kaikisna, piua bani lî laikisna. Tihmia ra kakna ra main kaikisna, upla kumi mita sin saura munaia apia ba mata.

Jirimaya 25:21

Edom ra, Moab ra bara Amón ra sin;

Jirimaya 27:3

Baha ningkara naha kingka nani ra bîlam blîks balaia: Edom, Moab, Amón, Tiro, Sidón kingka nani ba, witin nani ai uplika nani blikan king Sedequías wal aisaia, baha nani nâra sa Jerusalem ra, bîla ba witin nani wis wih wibia.

Jirimaya 9:26

Idsip uplika nani, Juda, Edom, Amón, Moab uplika nani sin, bara upla iwras tasbaya nani ra iwi ba sin, witin nani ai tâwa irbisa. Sakuna baha uplika nani sut Israel luhpia nani ba sin, kupia lukanka nani ba lika idan baman sa.”

Kulki Kaikanka 24:17

Naika diara takaia ba kaikisna, diara kaikisna, sakuna kau laihura pali sa: Jekob wina takaia slilma kum lakwisa, Israel luhpia nani tilara king kum aula. Moab lal ba dakbia, Set kiamka nani ba sut ai mina ra taibia.

Kulki Kaikanka 32:3

—Man nani kaiks: Atarot, Dibón, Jazer, Nimrá, Hesbón, Elalé, Sebam, Nebo bara Beor tasbaya nani na,

Kulki Kaikanka 33:47

Almón-diblataim wina taki wih Abarim ilka ra ai watla mâkan, Nebo lalmika tani ra.

Jasua 13:19

Quiriataim, Sibmá, Séret-sáhar, baha lika ilka langnika ra ba,