Jirimaya 46:6 - DAWAN BÎLA AISKA

⁶ ¡Plaplapra nani ba plapaikas takan, kau tahplu nani plapi swak takras! Yahbra ra, Éufrates awala lamara, ai mina pruki kauhi banhwisa.

Jirimaya 46:6 ပူးပေါင်းရင်းမြစ်များ

2 King Nani 23:29

Witin piua ra king fero, Necao, Idsip kingka ba, Éufrates awalka kat balan Asiria kingka ra tâ baikaia dukiara. Bara ai mapara king Josías ba aiklabaia balan, sakuna Necao bui Meguido kat kaikan bara bahara witin ba ikan.

2 King Nani 24:7

Baha piua nani wina, Idsip kingka ba kli ai tasbaya wina takras kata, kan Babilon kingka ba bui pura luan bara diara nani bri kan ba sut dakban kata, Idsip tingnika ba wina, laih Éufrates awalka ba kat.

Lawana Nani 27:2

Watawikira nani bara yang waihli nani ba asla takisa purira kauhaia, ai sauhki ai tikaia dukiara; sakuna witin nani klauna ai mina pruki kauhisa.

Smasmalkra 9:11

Naha tasba ra kau diara kaikri: plaplapra nani ba sika plapi pura luras ba, baku sin kupia karnira nani ba war ra pura luras ba, ban sin sinskira nani piu bani ra plun ba briras sa, bara sinskira nani sut yuyakira apia, bara diara tânka brabrira nani ra sin yamni briras; kumi bani ba ai piua sirpi kumi ra yamnika lâka brisa.

Aiseya 8:15

Upla ailal ai mina prukbia, ailal sin kauhbia, ban sin prubia; upla mina bahara alkbia ban krikan kabia; aiblakwi priskan kabia.”

Jirimaya 1:14

Bamna Dawan bui ai win: “Yahbra ba wina pât tara ba balbia naha tasbaya uplika nani ba purara.

Jirimaya 20:11

Sakuna Dawan, man lika yang laimara sma aiklaklabra kum baku, man puram luaia âpu sa; nini bliki nani ba kauhbia, puri luaia sip apia kabia; sip apia takbia, witin nani swira takan kabia, bahki kulkan ni pura prakan ba âuya tiwbia apia ban kaia ra.

Jirimaya 25:9

Nabucodonosor yang warkki dadaukra Babilon kingka ba, yahbra tani uplika nani ba sut balaia paiwisna, witin nani bal naha kuntrika ra upla nani sut iwi ba, nisan nani sut lamara ba wal iwi nani ba mapara sin. Witin nani ba sauhki âpu pali aiklabaia daukaisna. Baha nani ba sut sauhki âpu daukaisna. Baku sauhkan ban kaia swiaisna, sirang wan iki bara sibrin wan dingki kaia.

Jirimaya 4:6

Man nani plakinka ba Saion tani ra kulki purara buks; takaskpara, ¡man nani yukuwaia pliska pliks! Kan yahbra tani wina sauhki tikaia ba brih aula bamna.

Jirimaya 46:10

Naha yua na Dawan karnika sut bri ba yua, witin ai waihla nani ra pana munaia yua. Sord nani biara banhbia ba kat, tala di bla takbia ba kat. Dawan karnika sut bri ba daukbia upla iki yakabaia yahbra tani tasbaya ra, Éufrates lamara.

Jirimaya 46:12

Nisan nani ba pat walan man nani swiram daukan ba, tasba bani ra inankam ba walisa; aiklaklabra nani pana pana wal prukisa, sut tasba ra kauhi karwisa.”

Jirimaya 46:16

Suldiarkam nani ba ai mina pruki kauhisa, bara ai walka ra pana pana wisa: ‘¡Yawan naha wina mahka wap, kaisa wan kuntrika ra kli waia, yawan bahara aisubi takan ba kuntrika ra! ¡Aiklabi wan sauhki aula ba wina yawan kaisa plapaia!’

Jirimaya 50:32

Maipara saura aisasara nisanka, minam pruki kauhma, mai alki mai bukaia upla âpu kabia. Tawan nani ba sut angkamna, baha pata klauhan ba ni tawan wala lamara nani ba sin sut angkbia.”

Jirimaya 6:1

¡Benjamín tasbaya ra iwi uplika nani, Jerusalem wina taki plaps, man nani yukuwaia watla pliks! Bara trumpit ba Tecoa ra puhs, bara sain kum Bet-haquérem ra dauks, diara saura kum, pât tara kum saura wan munaia aisi yahbra wina aula.

Daniel 11:19

Baha pali wina, king bui baha kan kahbaika pliska nani sut ba sakan kabia, sakuna ai rayaka ra pât kum alkbia ba bui ai mina prukan kabia, bara witin dukiara kli sin diara walbia apia.

Daniel 11:22

Ai karnika dîa bri ba sut lika âpu daukan kabia, baha purkara wal lâ daukan lalka ba ikan kabia.