Jirimaya 46:5 - DAWAN BÎLA AISKA

⁵ “Sakuna, ¿kaikisna ba dîa? Sirang tara iwi kli ai ninara tawi auya ba, aiklaklabrika nani ba pura luan yakabrira takan; taki plapi banhwisa, ai ninara tawi kaikras. ¡Tnaya kir sibrin tara bâra sa! Yang, Dawan, kasak aisisna.

Jirimaya 46:5 ပူးပေါင်းရင်းမြစ်များ

Blasi Sturka 19:17

Pat latara sakan kan ba ra, insalka kum bui witin nani ra win: —¡Rayakam ba swaki sakaia dukiara plaps! Sakuna ninamra tawi kaikpara, il bîla nani ra dimi sin takaskpara. Il tara nani tila bâk plapi was, rayakam swaki sakaia mata.

Aiseya 13:8

Upla sut sibrin pali dauki kabia. Kupia wirhika sarka tara pali, witin nani ra taibia, mairin luhpa baikaia latwanka alkan ba wina sip swak takras ba baku. Pana pana sirang iwi tawi kaiki kabia, ai swira ba ai mawanra ingwi kabia.

Aiseya 19:16

Baha yua ra Idsip uplika nani ba, mairin sibrinkira nani baku kabia; witin nani sirang iwi, sibrin man kabia, karnika sut bri Dawanka, ai mihta purara bukan kabia ba, witin nani ai mapara.

Aiseya 42:17

Aidul nani ra ai kupia lukra mangki bri nani ba, witin nani ai gâdka nani wi ba: “Man nani ba yawan wan gâdka sma’, witin nani ba swira daukan, kitwi tnaya ra tawi wabia.

Aiseya 5:25

Baha ba tâwan, Dawan kupia baiwanka ba ai uplika nani mapara sakan bara witin nani mapara ai mihta sakban bara klala yan. Il nani ba tatatban, ai pruanka nani ba dipasta baku yabal lila kat lulki swin. Sakuna baha sut ba mita, ai kupia baiwanka kau takaskras kan; ai mihta ba kau ban sakbi brisa.

Jirimaya 20:10

Upla nani pusbi aisi ba walaia sip sna: ‘‘¡Sibrin tara ba tnaya bani ra bâra sa!” Witin nani wisa: “¡Man nani bal, kaisa yawan bui witin dahra kwahkaia!” Yang upliki aihwa nani ba sin bîla kaikisa kunin lâka ra mini tâi baikan kum lulkamna. Witin nani aisisa: “Ban kra swirka kunin munbiara; bara yawan mita pura lui bara yawan pana witin ra munbia.”

Jirimaya 46:15

Bîpkam wainhka Apis, gâdkam, ¿dîa muni plapan? ¿Dîa muni bâra ban bûi kapras kan? ¡Yang, Dawan, bal pruki batakri!

Jirimaya 46:21

Mana aibapan aiklabi suldiar nani ba bîp wainhka batanira nani baku sa, sakuna baha nani sin sip bapi buras taki plapbia, witin nani sauhkaia yua ba aula, klala yabaia piua ba.

Jirimaya 49:29

Watla nani ba bris bara daiwra nani ba sin, kwala nani paman ba diara watla nani ba sin. Kiamilka ba bris bara puram wins: ‘¡Sibrin tara tnamya kir bâra sa!’

Jirimaya 49:5

Baha aitani, bamna tnamya bani wina sirang tara puramra blikamna. Yang, Dawan karnika sut brisna, kasak aisisni. Man nani kumi bani swakwaia yakan plapma, upla kumi sin âpu kabia kli asla mai daukaia.

Jirimaya 6:25

¡Man nani insla ra, yabalku sin wapara! ¡Waihlam nani ba bara aiklabaia dukia ba alki ridi sa; tnaya bani ra sirang wan ikaia ba bâra sa!”

Isikiel 32:10

Man tamka, sibrin lâka yabamni tawan manis ra; ai kingka tâ iwan tara pali kabia, sordki mawanra sakamna ba ra. Kauhma ba ra, witin sibrin mita tatatbia klauna ai rayaka dukiara.

Isikiel 39:18

suldiar nani wîna pibia bara tasba tâ brabrira nani tâlia dibia, sim sîp wainhka, sîp luhpia, guts, apia kaka Basán bîpka lupia batana wîna baku.

Nahum 2:8

Lî watla tara baiwan wina lî karna plapi ba baku, Ninibi uplika nani ba taki plapi kan. “¡Takaski banhs! ¡Kli tawi bal!” upla bui wini kan, sakuna kumi sin tawi balras kata.

Nahum 2:9

¡Silbar ba impliks! ¡Gul ba impliks! ¡Ninibi yuyaka nani ba tnata âpu sa!

Sofonías 1:14

¡Dawan yua tara aula ba, pat baila sa! ¡Pat klutka sa, baku sin isti pali aula! Dawan yua binka tara ba, saura, tahpla pali kabia, ¡kau kupia karnakira nani ba sin ini wini kabia!