Jirimaya 46:21 - DAWAN BÎLA AISKA

²¹ Mana aibapan aiklabi suldiar nani ba bîp wainhka batanira nani baku sa, sakuna baha nani sin sip bapi buras taki plapbia, witin nani sauhkaia yua ba aula, klala yabaia piua ba.

Jirimaya 46:21 ပူးပေါင်းရင်းမြစ်များ

2 Samuil 10:6

Amón uplika nani ai dara walan, witin nani bui waihla lâka Debit mapara bukuya ba, bara Siria tasbaya Bet-rehob wina, Sobá wina sin suldiar nani 20,000 mana aibapi brin, king Maacá wina sin 1,000 kum suldiar nani brin, wala 12,000 suldiar nani Is-tob wina.

2 King Nani 7:6

Dawan mita Siria uplika nani ra sirang ikan plapan takaski kan ba pliska wina, wagin nani binka walan, aras nani mina binka sin, bara aiklaklabra nani daknika tara pali aula binka baku walan; bara Siria uplika nani lukan, Israel kingka ba hitita kingka nani ra bara Idsip kingka nani ra aibapan ai mapara aiklabaia balbia.

Lawana Nani 37:13

Sakuna Dawan lika witin ai lawaska kikisa, witin ai yua aula ba kaikisa bamna.

Sins Lâka 15:17

Kanra yamni sa, dus mâ nani man piaia, latwan lâka bâra kaka, wihki bîp wîna piaia misbara bâra sa kaka.

Aiseya 10:3

¿Dîa daukma man nani baha yua ra, diara daukram nani ba sut makabi walbia kaka, bara kaikma klala ba laih wina aula ba ra? ¿Yaura wama hilp makabaia? ¿Anira dukiam kukan ba swima ki?

Aiseya 34:7

Witin nani bîp wail nani ikan baku kabia, bîp wainhka tara nani bara bîp wainhka sirpi nani pruan baku; bara witin nani ai tasbaya ba tala man buswan kabia, bara tasba yuyaka ba bîp batanka man takbia.

Jirimaya 18:17

Yang, lalma payaska kum baku taki, Israel ba yakabamna; ai waihla nani wina plapaia daukamna. Yang nini lakamna, witin nani ra kaikamna apia, witin nani klala aiklabaia yua ba balbia ba ra.”

Jirimaya 46:22

Idsip, piuta plapi baku wasbi plapbia aiklaklabra nani ba ai lamara balbia bara asa ni witin nani wal aiklabia, dus ra klaki baku klaki kabia.

Jirimaya 46:5

“Sakuna, ¿kaikisna ba dîa? Sirang tara iwi kli ai ninara tawi auya ba, aiklaklabrika nani ba pura luan yakabrira takan; taki plapi banhwisa, ai ninara tawi kaikras. ¡Tnaya kir sibrin tara bâra sa! Yang, Dawan, kasak aisisna.

Jirimaya 46:9

“¡Aras nani ba yas taki wabia! ¡Wagin nani ba yas plapbia! ¡Aiklaklabra nani ba mahka wapbia: suldiar nani Etiopía wina Libia wina, ai kaina kahbaika nani dimisa; Lidia wina suldiar nani, pantamangka lalulkra nani ba!

Jirimaya 48:44

Antin tatakra nani mita alkras kabia ba unta ra kauhbia, unta wina bal takbia ba mina alkaika ra mina alkbia, Moab uplika nani ra klala yabaia piua ba yang bri balamna. Yang, Dawan, kasak aisisna.

Jirimaya 49:8

¡Dedán uplika nani, taki plapi banhs, man nani yukuwaia was! Kan Isau uplika nani ba yang sauhkaia sna; witin nani ra klala yabaia yua ba aimakan.

Jirimaya 50:11

“Caldea uplika nani, man nani bal yang upliki nani diara bri kan ba sut briram ba, ¡bara liliam dauks, pi, di, dimi! ¡Bîp mairin twi kura ra pih srutwi baku srutwi banhs! ¡Aras nani srutwi ihbi baku dauks!

Jirimaya 50:27

¡Suldiar nani ba sut iki tiks, sut ikaia watla ra blîks! ¡Saura pali witin nani ra! ¡Witin nani yua ba balan, klala aiklabaia yua ba!

Isikiel 30:22

Baha mita, yang Dawan sna ba, naku wisni: Yang param takri king fero waihla, Idsip kingka ba. Klahkla wâlsut krikamna, klahkla pain ba bara pat kriwan kan ba sin, bara yabrika sordka ba ai mihta wina kauhbia.

Isikiel 35:5

‘Man ba Israel wal ban kaia ra waihlam sa, bara man nani bui witin nani mapara war bukram, witin nani ai klalka bri kan piua ra saurka tâwan.

Oseas 9:7

¡Klala yabaia yua nani ba pat bal aimakan! ¡Witin nani mana pali aibapaia yua pat balan! ¡Israel ai dahra walbia baha yua pat balan ba! Man nani aisisma: “Prapit ba sinskas kum sa. Diara takuya ba tânka bri, aisi uplika ba grisi kum sa.” Witin nani baku aisisa, kan watawika ni banhwan mita, prapit misbara pali kaiki mita.

Emus 6:4

Elepant napa ni paskan krikrika nani purara yapisma, wamtla bilara iwaika swapni nani paskan ba purara iwisma, Sîp lupia nani, bîp lupia batanira nani iki pi lilia daukisma;

Abdías 1:13

Man ba yang tawanki ra dimaia apia kapram pât wahwi kan ba yua ra. Lilia briaia apia kapram trabil bri katna piua ra, man implikaia apia kapram yuyaka nani ba pât bri kata yua nani ra.

Miqueas 7:4

Witin nani tilara upla kanra yamni nani kan ba lika, kiaya dusa baku takan sa, upla kau wapnikira nani kan ba sin, rahra pali man baku takan sa. Sakuna witin nani klala briaia yua aula; baha aihwawakra aisin yua ba, baha taim sika, tanis turban kaia lâka witin nani tilara takbia.

Matiu 22:4

Alba wala nani blikan, naku wisi: ‘Paiwan uplika nani ra wis, plun ba pat ridi sa. Bîpki nani bara daiwri batanira nani pat ikri, bara diara sut ridi sa; man nani marit pata ra bal.’

Kli Smalkanka 32:15

“Sakuna Jesurún batanwan, bara ai mina wauhan (batanwan mita lipi kan), bara Gâd, witin ra papaskra ba, lulki swin; ai kaina kakahbra bara ai sasakra ba bahki kulkan.