Jirimaya 46:14 - DAWAN BÎLA AISKA

¹⁴ “Man nani Idsip ra maisa paks, Migdol, Menfis, Tafnes nani ra sin: ‘¡Aihwaki bas, man nani ridi bas! ¡Sord ba ai kaina kir langki aula!’

Jirimaya 46:14 ပူးပေါင်းရင်းမြစ်များ

2 Samuil 2:26

Bara Abner bui Joab ra winan: —¿Naha ikanka na takaskras ban iki kaia sa ki? ¿Damra walisma ki, naha tâka wina wan kupia tahplika baman saki wankbia ba? ¿Ahkia man uplikam nani ra adar yabaisma, ai muihni nani nina bliki ba takaskaia?

Impakan Sturka 14:2

“Israel luhpia nani ra wis witin nani kli ai bilara tawi wih Pi-hahirot mawan kat ai tintka watla nani ba mâkbia, Migdol kabuka un ba wal lilkapas ra, Baal-sefón mawanra. Baha tasbaya ba mapa tani kat ai tintka watla nani ba mâkaia sa, kabu un lamara.

Aiseya 1:20

sakuna kiamapara lâka ban brisma kaka, war ra âpu prui tiwma.” Dawan mita baku aisisa.

Aiseya 19:13

Saion kingka luhpia waitna nani ba sinskas sa, Menfis ra wihta nani ba sin witin nani ba tanis ra kunin munan, tawan wihtka nani ba, witin nani bui upla tâ briaia kata ba, witin nani kunin munan yabalka bâk Idsip ra brih wan.

Aiseya 31:8

Bâra mika Asiria nani ba sord ni batakan kabia, sakuna upla karnika ni lika apia. War ba mita munka ai uplika nani plapbia, bara ai wahmika nani bara tiara nani ba alba bribia.

Aiseya 34:6

Dawan sordka ba, tala bara batanka nani ni aibanhbia, sîp bara guts wainhka nani sakripais daukaia ikan baku; Dawan Bosrá ra sakripais nani daukaia brisa, bara upla ailal ikbia Edom tasbaya ra.

Jirimaya 12:12

Upla iwras tasbaya ilka nani bâk sasauhkra uplika nani ba balan, kan yang, Dawan, sord kum brisna kuntrika na tâ kum wina tâ wala kat sauhkbia, plis kum ra sin kupia kumi kabia apia.

Jirimaya 2:16

Menfis uplika nani Tafnes uplika nani bal lamla baikan.

Jirimaya 2:30

Bahki baman luhpiam nani ra klala yabri, smalkanka ba witin nani lan takaia brin daukras. Man nani klauna layan kras baku, prapitkam nani ba ikram.

Jirimaya 44:1

Ju nani sut Idsip ra Migdol, Tafnes, Menfis tawanka nani waupasa tani ra bâra ba baha nani ra wiaia bîla blikan ba Jirimaya walan:

Jirimaya 46:10

Naha yua na Dawan karnika sut bri ba yua, witin ai waihla nani ra pana munaia yua. Sord nani biara banhbia ba kat, tala di bla takbia ba kat. Dawan karnika sut bri ba daukbia upla iki yakabaia yahbra tani tasbaya ra, Éufrates lamara.

Jirimaya 46:19

Idsip uplika nani, ridi taks, mai priski mai brih waia aula ba, Menfis ba bîla man dauki swibia, slingban upla bâra iwbia apia.

Jirimaya 46:2

Witin ai bîla blikan ba sika Idsip dukiara aisaia, baku sin king fero Necao Idsip kingka aiklaklabrika nani ra dîa takan ba, Necao Carquemis ra iwi kan Éufrates awala lamara, baha piua Joaquim, Josías luhpia waitna Juda kingka ba pat mani walhwal king kan, Nabucodonosor Babilon kingka ba bal aiklabi pura lui batakan:

Isikiel 21:28

“Man, upla luhpia, yang nini ra aisas bara wis, yang bîli Amón uplika nani ra, Israel ra lahtuban bîla saki ba, sord ba pat taya wina sakan sa: ikaia ridi sa, klaki wapni daukan, imyula lulkaia bara sauhki tikaia.

Isikiel 30:13

“Yang Dawan sna ba, aisisni: Aidul nani ba sauhki tikamna bara Menfis ra gâd bahki nani ba âpu daukamna. Idsip ba kli, ya tâ briaia âpu kabia, bara sibrin lâka tara ni kuntri ba banhkamna.

Oseas 9:6

Witin nani ra sauhki tikan kabia ba wina plapan; Idsip witin nani ba bribia, bara Menfis raitika ra bikan kabia. Silbarka kukanka nani ba purara, inma nani pâwbia, bara ai kiampka ra iwan ba tasbaya ra, kiaya nani pâwbia.

Nahum 2:13

Dawan karnika sut bri ba kasak aisisa: “Kaiks, yang Dawan, man nani mampara buisna. War aiklabaia waginka nani brisma ba, yang mita angki kiasma man daukaisna; layankam luhpia nani sut ikamna; tasbayam ra implikan lâka nani bâra ba âpu daukamna, bara kau dahra twatwilkra bîla baikra ba wali kama apia.”

Kli Smalkanka 32:42

Trisbaiki nani ba tala ni buskamni, sordki nani ba mita witin nani ba âpu daukbia; insauhkan tâlia ba, silak ra mangkan nani ba, waihla nani lalka ba, tâwa yari nani ba tâlia ra.’