Jirimaya 46:10 - DAWAN BÎLA AISKA

¹⁰ Naha yua na Dawan karnika sut bri ba yua, witin ai waihla nani ra pana munaia yua. Sord nani biara banhbia ba kat, tala di bla takbia ba kat. Dawan karnika sut bri ba daukbia upla iki yakabaia yahbra tani tasbaya ra, Éufrates lamara.

Jirimaya 46:10 ပူးပေါင်းရင်းမြစ်များ

2 King Nani 24:7

Baha piua nani wina, Idsip kingka ba kli ai tasbaya wina takras kata, kan Babilon kingka ba bui pura luan bara diara nani bri kan ba sut dakban kata, Idsip tingnika ba wina, laih Éufrates awalka ba kat.

Job 24:1

¿Dîa muni karnika sut bri ba, witin diara daukaia yua ba wan marikras sa, baku mika ai uplika nani mita tânka bribia?

Aiseya 13:6

Yul swi baku ins, kan Dawan yua ba pat baila sa. Karnika sut bri ba aula, sauhki tikaia karnika ba wal.

Aiseya 2:12

baha yua karnika sut bri Dawanka ba, diara daukbia witin nani baman sa luki, tara takan nani ba mapara, purara uli nani ba sut, mâyara batakaia;

Aiseya 31:8

Bâra mika Asiria nani ba sord ni batakan kabia, sakuna upla karnika ni lika apia. War ba mita munka ai uplika nani plapbia, bara ai wahmika nani bara tiara nani ba alba bribia.

Aiseya 61:2

Dawan yamni kaiki manka ba smalkaia, yawan wan Gâdka ba mita wan waihla nani ra pana munbia yua ba. Sari bri nani ba sut sin maisa nihkaia ai blikan.

Aiseya 63:4

Yang luki kaikri yua kum bâra kabia kasak lâka ba daukaia; yang upliki ba atki sakaia piua ba sin aimakan sa.

Jirimaya 12:12

Upla iwras tasbaya ilka nani bâk sasauhkra uplika nani ba balan, kan yang, Dawan, sord kum brisna kuntrika na tâ kum wina tâ wala kat sauhkbia, plis kum ra sin kupia kumi kabia apia.

Jirimaya 46:14

“Man nani Idsip ra maisa paks, Migdol, Menfis, Tafnes nani ra sin: ‘¡Aihwaki bas, man nani ridi bas! ¡Sord ba ai kaina kir langki aula!’

Jirimaya 46:2

Witin ai bîla blikan ba sika Idsip dukiara aisaia, baku sin king fero Necao Idsip kingka aiklaklabrika nani ra dîa takan ba, Necao Carquemis ra iwi kan Éufrates awala lamara, baha piua Joaquim, Josías luhpia waitna Juda kingka ba pat mani walhwal king kan, Nabucodonosor Babilon kingka ba bal aiklabi pura lui batakan:

Jirimaya 46:6

¡Plaplapra nani ba plapaikas takan, kau tahplu nani plapi swak takras! Yahbra ra, Éufrates awala lamara, ai mina pruki kauhi banhwisa.

Jirimaya 50:15

¡Man nani tnaya bani ra war aiklabaia winanka ba dauks! ¡Babilon ai waihla mihta ra pat aimakuya! Tawer nani ba kauhan, tawanka kutbanka nani ba sasakban. ¡Baha sika yang pana munaisna ba: man nani sin pana muns! ¡Witin ra pana muns witin nani mita munan ba baku!

Jirimaya 50:18

Baha mita, yang, Dawan karnika sut brisna, Israel Gâdka mai wisna: Babilon kingka ba kuntrika ra sin klala yabaisna, Asiria kingka ra munri ba baku.

Jirimaya 51:6

“¡Man nani Babilon wina taki plaps! ¡Ya ya swakwaia sip sma ba swakwi taks! ¡Witin saura daukan ba tâka man nani sin prupara! Nanara yang mita pana witin nani ra munaia yua aimakan bara aibapamni nahki praiska kat yabaia ba.

Isikiel 21:28

“Man, upla luhpia, yang nini ra aisas bara wis, yang bîli Amón uplika nani ra, Israel ra lahtuban bîla saki ba, sord ba pat taya wina sakan sa: ikaia ridi sa, klaki wapni daukan, imyula lulkaia bara sauhki tikaia.

Joel 1:15

¡Dawan ai warkka daukaia yua ba, pat baila pali sa! ¡Yua saura pali kabia, sauhki tikanka tara kabia upla nani purara, Dawan karnika tara bri ba mita baha ba brih aula bamna!

Joel 2:1

Saion ilka purara man nani trumpit ba puhbi bas; Dawan ilka holikira ba purara, man nani bin tara dauks, Juda ra iwi nani ba sut tatatwi kabia, kan Dawan yua aula ba, pat baila sa bamna:

Sakaraya 6:6

Aras siksa nani aubi waginka ba, yahbra tasbaya ra auya; aras pihni nani aubi waginka ba, muna tasbaya ra auya; bara aras puputni nani mita aubi waginka ba, waupasa tasbaya ra auya.”

Luk 21:22

Baha piua ba lika pât wahwaia piua nani kabia, bamna Ulbanka nani dîa aisi ba sut aimakaia sa.

Kli Smalkanka 32:42

Trisbaiki nani ba tala ni buskamni, sordki nani ba mita witin nani ba âpu daukbia; insauhkan tâlia ba, silak ra mangkan nani ba, waihla nani lalka ba, tâwa yari nani ba tâlia ra.’