Jirimaya 44:3 - DAWAN BÎLA AISKA

³ watawika nani witin nani daukan ba tâka, witin nani gâd wala nani ra pura suni mayuni sakripais dauki kîa pain angki dauki, swiri daukan ba mita; baha gâdka witin nani kakaira apia bara ai damika nani sin kakaira apia kan ba.

Jirimaya 44:3 ပူးပေါင်းရင်းမြစ်များ

Nihimaya 9:33

Âu, man lika kasak tânka ba kat daukram klin sma, pât nani sut pali yang nani purira balan ba tilara, man lâ wapni pali ba daukram, ban sakuna yang nani lika diara saura baman daukri.

Aiseya 3:8

Jerusalem ba sut aisawan sa, Juda sin kauhan; witin nani aisi ba ai warkka nani daukan ba sin Dawan mapara sa, ai kingka kupia sauhki ba dukia daukisa

Jirimaya 11:17

Yang, karnika sut brisna Dawanka ba, yang mita sika mai angkri, bara yang mita sika pât tara ba man ra balaia daukri, Israel man Juda wal watawika lâka nani manis yang maipara daukram bamna, man nani Baal ra kîa pain angki yabi yang kupi baikram.

Jirimaya 16:10

“Naha bîla nani na man bui witin nani ra wima ba ra, upla nani ba pana man ra mamkabi walbia: ‘¿Dîa muni Dawan baha saurka tara ba yang nani maipara daukaia baku adar yaban? ¿Dîa saurka yang nani Dawanki Gâdki mapara dauki banhri ki?’

Jirimaya 22:9

Bara witin nani pana wibia: ‘Dawan ai Gâdka witin nani wal lâ daukan lâka ba witin nani swin ba mita, bara gâd wala nani ra witin nani mayuni ai pura sunan ba tâwan baku munan.’ ”

Jirimaya 29:19

Baku takbia, kan witin nani ra kupia krauki smalkri yang warkki dadaukra nani dahra aisin ba witin nani walras kan bamna, witin nani ba blikri bara kli blikri, witin nani ra walras kan sakuna. Yang, Dawan, kasak aisisna.

Jirimaya 32:30

Blasi piua wina Israel luhpia nani bara Juda uplika nani ba yang saura kaikisna ba dauki kan; Israel luhpia nani aidul nani paski yang kupi sauhki ba takaskras ban sa. Yang, Dawan, kasak aisisna.

Jirimaya 44:23

Nanara man nani pât ra sma na baha daukanka daukram ba tâka mita sika, gâd wala nani ra kîa pain nani angki yabram ba tâwan, baku Dawan mapara saura daukram, dîa daukaia win ba ai lâka nani ba wali, adar nani maikan ba sin daukras.

Jirimaya 44:8

¿Dîa muni man nani daukankam nani ni swiri daukisma, Idsip ra gâd wala nani ra kîa pain nani angki yabisma, baha tasbaya ra man nani takaski iwaia balram apia? Baha daukanka ba ni munisma man nani ra mai sauhki tikaia lâka ba, nisan nani tilara tasba aiska ra man nani ba lahtuban swiram takan uplika nani kama.

Jirimaya 5:19

Witin nani man ra mamkabi walbia: ‘Dawan wan Gâdka ba, ¿dîa muni naku pali wan daukan?’, bara man bui witin nani ra pana wis: ‘Man nani kakaira apia gâdka nani ra mayunram ba, baha baku tasbayam ra apia, sakuna upla wala tasbaya ra baha nani warkka takma.’

Jirimaya 5:29

¿Baha daukanka nani ba tâwan klala yabaia apia katna ki? ¿Baha uplika nani baku daukan mana ba kli yabaia apia sna ki? Yang, Dawan, kasak aisisna.

Jirimaya 7:19

Sakuna witin nani bui yang ra kau mini prukaia watlika ra, witin nani kau ai mina prukisa bara klauna kau ai swira daukisa. Yang, Dawan, kasak aisisna.

Inanka Nani 1:8

Jerusalem saura ailal pali daukan, bamna aitani sa saura kulkaia. Kainara witin ra yamni kulki nani kata ba bui nanara misbara kaikisa, kan baha nani bui witin ra kwala luha kaikan ba mita. Baha mita witin ini ai swira pali, bara ai mawan ai ninara lakisa.

Inanka Nani 4:13

¡Naha sut na ai prapitka nani saurka, bara ai prîska nani watawanka nani tâka mita sa, kan witin nani tawan bîla pali kat, upla kasak nani tâlia laikan bamna!

Isikiel 9:9

Dawan ba pana yang ra ai win: “Israel bara Juda uplika nani saurka ba tara pali sa. Kuntrika ba upla ikan lâka ni banhwan sa; bara tawan ba tanis lâka ni banhki takan sa; witin nani lukisa yang kuntrika ba lulki swiri bara yang ba kaikras sna witin nani dîa dauki ba.

Daniel 9:5

yang nani saura yâri, watawi sin dauki banhri, yang nani iwi banhwi katna man ra lukras pali, yang nani bui man lâmka nani bara bapanka lâka nani ba tnaya ra lakri.

Kli Smalkanka 13:6

“Ban kra muihkam, luhpiam nani, mayam lamtwankira, apia kaka pâmnika man wal kau pain ba mita, damra walras tukbi mai dingkbia gâd wala, damikam nani sin kaikras kan ba ra mayunra dauki yabaia,

Kli Smalkanka 29:25

Bara pana wibia: ‘Dawan Gâd bui man nani damikam nani wal Idsip wina sakan piua ra lâ daukan kan lâka ba, witin nani lulkan ba mita.

Kli Smalkanka 29:26

Bara witin nani gâd kum kaikras kan yaba, diara sin yabras kan ba mawanra bawi mayunan.

Kli Smalkanka 32:17

lasa nani ra sakripais dauki yaram, gâd bahki nani man nani kainara kaikras kapram ba ra; gâd raya balan, wihka apia ba, papikam nani ai rayaka aiska ra mayunra dauki yabras kan.

Hibru Nani 3:16

Bamna, ¿ani uplika nani Gâd bîla baikra wali ningkara, witin mapara bûi banhwan? Baha nani lika Moses bui Idsip tasbaya wina sakan kan ba sut.