Jirimaya 44:2 - DAWAN BÎLA AISKA

² “Dawan karnika sut bri ba, Israel Gâdka ba, aisisa: ‘Man nani kaikram sika yang daukri ba Jerusalem purara, Juda bara tawan wala nani purara sin bal nahki sauhki tikan ba. Nanara baha nani sut slingwan sa, baha tawanka nani ra nanara upla iwras

Jirimaya 44:2 ပူးပေါင်းရင်းမြစ်များ

2 King Nani 21:13

Jerusalem ba sim Sameria wal dîa daukri ba baku daukamni, Ahab kiamka nani ba lika âpu daukamni, plit sikbi diki klin dauki makupi swi ba baku.

Impakan Sturka 19:4

‘Yang bui Idsip uplika nani ra dîa daukri ba, man nani pat kaikram bara nahki man nani sin yang nâra sna na kat mai bri balri na, yakal tara kum tnawa ra mai mangki baku mai bri balri.

Aiseya 24:12

Tawan tara ba bîla man swin, sauhki tikanka ba wal getka ba batakan.

Aiseya 6:11

Bara yang bui witin ra makabi walri: “¿Ahkia kat kabia, Gâd?” Witin pana yang ra ai win: “Tawan tara nani ba bîla man, upla iwaika sin âpu takbia ba kat utla bilara upla âpu kabia; bara tasba ba sin upla iwras tasbaya baku bîla man takbia ba kat.

Jirimaya 25:11

Naha kuntrika aiska na sauhki tikan slingban bâra kabia. Piua ba 70 mani kabia naha nisanka nani bani ba Babilon kingka munhtara kabia.

Jirimaya 34:22

Witin nani ba blikaisna naha tawanka na mapara bal aiklabaia, tawanka na bribia bara pauta ni angkbia. Juda tawanka wala nani ba sin upla iwras tasbaya daukamna. Yang, Dawan, baha kasak aisisna.”

Jirimaya 4:7

Layan ba ai watla wina pat takan, nisan nani sauhki tiki ba pat yabal ra aula; ai tasbaya wina taki aula man kuntrikam ba sauhki tikaia, tawanka tara nani ba slingbi, pura paski bîla man swiaia.

Jirimaya 44:22

Man nani daukankam saura nani daukisma ba mita, Dawan lilia apia kan witin kau sip ai kupia alki takaskras kan. Baha mita naiwa man nani kuntrikam ba sauhki swin sa, upla bahara iwras; lahtuban nani, upla sirang ikaika takan.

Jirimaya 44:23

Nanara man nani pât ra sma na baha daukanka daukram ba tâka mita sika, gâd wala nani ra kîa pain nani angki yabram ba tâwan, baku Dawan mapara saura daukram, dîa daukaia win ba ai lâka nani ba wali, adar nani maikan ba sin daukras.

Jirimaya 7:34

Yang daukamna Juda tawanka nani ba bara sin Jerusalem tawanka yabalka nani ra lilia dauki aiwananka ba, maya baiki lawana nani aiwani ba sut lap tiwaia; tasbaya aiska ba upla iwras tasbaya baku bîla man swimna.”

Jirimaya 8:3

Naha uplika saura nani kau pruras raya kabia ba, yang mita munrika ani anira tauki kabia ba tilara, witin nani raya kaia apia mahka pruaia ba kau yamni kulkbia. Yang, Dawan, karnika sut brisna, kasak aisisna.

Jirimaya 9:11

“Jerusalem ba walpa nani ni pura paskanka tara kum daukamna, yul wail sâtka nani watla takbia; Juda tawanka tara nani ba upla iwras tasbaya kum daukamna.”

Inanka Nani 1:1

¡Tawan tara yakan pali takan na, blasi upla ailal pali kata ba! ¡Nanara piarka baku takan sa, witin nisan nani tilara tawan nani kiapitalka kata ba! Tawan nani tilara witin king luhpia mairin baku kan, nanara alba mairin takan sa.

Inanka Nani 1:16

Naha diara nani taki ba bui sika yang ra aikan inisna; naikra nani na, laya nani wal banhwi laiwisa, kan upla âpu sa yang maisi nihkaia, bara yang kupi tâ baikaia. Luhpi nani sut sauhki tikanka tara ba tilara takaskan, waihla nani ba mita puri luan bamna.

Inanka Nani 5:18

Saion ilka ba, il kum sauhki tikan bâra sa; sikiski nani ba, baha purak wapi taukisa.

Daniel 9:12

Bamna man klala tara yang nani purira blikram, bîlam aisaram ba kat dauki tnata alkram sa, yang nani ra bara wan tasbaya wihtka nani ra sin; bamna, Jerusalem purara klala balan ba baku kau wala âpu sa naha tasba purara.

Libait Lâka 26:31

tawankam ba slingbi swimna, aidulka tempelka nani ba yuyaka baman, kîa pain nani bri balma ba kiawalamna apia.

Libait Lâka 26:43

Baku tasba ba pri kabia, ris bribia yua tara dukiara lilia pali kaia, kan man nani tasbaya ra iwras kama ba mita man nani saurkam mana aibapma. Yang lâika nani ra bahki kulkisma, lâ nani maikri ba want apia wisma bamna.

Miqueas 3:12

Baku bamna, man nani saurkam tâka mita, Jerusalem tawanka Saion ilka ra ba, insla daukaia tasbaya takbia, tawan slingwan bara aisawan tara kum kabia. Dawan ra pura sunaia watla ilka ra, inma kiaya pali man pâwi kabia.

Sakaraya 1:6

Ban sakuna, yang bîli nani, lâika nani sin naipakan prapit nani ra aisi smalkri ba, damikam nani baha ba pain wali banhwan kata. Bara witin nani ba yang ra tawi balan, ai dara sin walan, yang, karnika sut alki brisna Dawanka, witin nani ra munri ba, witin nani dîa ai daukanka bri ba praiska kat mana briaia kan ba.’ ”

Kli Smalkanka 29:2

Moses bui Israel luhpia nani sut asla dauki, bara win: “Man nani kaikram Idsip ra Dawan mita king fero ra dîa daukan ba, warkka dadaukra nani ra bara kuntrika aiska ra sin.

Jasua 23:3

Man nani kaikram, Dawan dîa naha uplika nani ai mapara daukan ba. Bamna witin sika, man nani tâmwan aiklaban ba.