Jirimaya 44:19 - DAWAN BÎLA AISKA

¹⁹ Mairin nani ba sin kau pura prakan: —Yang nani sin Kasbrika Purara Kwinka ba lilka ra turtiya dauki witin ra yabi kapri, kîa pain ba angki wain sin prisant yabri. Baha ba sin yang nani mayi waitna ai win bara baku daukri. Bamna yang nani ban baku dauki kamna.

Jirimaya 44:19 ပူးပေါင်းရင်းမြစ်များ

Blasi Sturka 3:6

Bara mairin baha walan ba ra, dusa ba kaikan, dusa mâ ba piaia painkira kan. Witin ai nakra nani ra sin pain kan, bara dusa ba sin mahka pin dauki kan, sinskira takaia dukiara. Bara mâ ba wina brin, bara pin. Baha ningkara ai maya ra sin yan, bara witin sin wal baku brih pin.

1 King Nani 21:25

Ahab baku upla wala âpu kata, Dawan nakra nani ra saura dauki kan ba, kan ai maya Jezabel bui maisa kapi kan baha saurka nani daukaia ba.

2 Kronikas 21:6

Sakuna Israel kingka nani nina blikan, bara Ahab kiamka nani yabalka ra sin wapata, kan ai maya mairin ba lika Ahab kiamka kan bamna; baha mita ai daukanka ba saura kata Dawan nakra ra.

Sins Lâka 11:21

Kasak pali watawikira ba, klala briras takaskbia apia, sakuna kasakkira nani ba pain pri takbia.

Jirimaya 44:15

Bara waitna nani bâra kan, witin nani kaiki kan ai maya nani ba gâd wala nani ra diara kîa pain nani angki yabi kan ba, mairin nani ba bâra kan, witin nani ba pat upla ailal asla takan kan, Ju nani sin Idsip tasbaya waupasa tani ra iwi kan ba, baha nani sut Jirimaya ra win:

Jirimaya 44:20

Waitna nani, mairin nani ba sut baku aisin bara Jirimaya pana witin nani ra naku natka ra aisin:

Jirimaya 7:18

Luhpia nani ba pauta wahbisa, aisika nani pauta ba mukisa, bara yaptika nani ba plawar ba akbi plitas nani daukisa, gâd mairin Kasbrika purara Kwinka ba ra yaia. Baha dauki mini prukisa, bahara wain prisantka yabisa, baha purkara sin, witin nani kakaira apia ba gâdka ra wain prisantka ba yabisa.

Kulki Kaikanka 30:12

Sakuna ai maya waitna baha walan bara apia wisa kaka, witin dîa pramis takan ba daukaia apia sa, kan ai maya apia win ba mita, bara Dawan sin aitani kulkan sa.

Kulki Kaikanka 30:8

Sakuna ai maya waitna baha ba walan ba ra, âu takras sa kaka, pramis Dawan ra win ba witin daukaia apia sa, bara Dawan mita sin baha aitani kulkbia.