Jirimaya 44:17 - DAWAN BÎLA AISKA

¹⁷ Sakuna yang nani dîa daukaia lukri ba baha ban dauki kamna, yang nani gâdki Kwin Kasbrika Purara bara witin ra kîa pain sakripaiska dauki wain sin bri sal yabamna, yang nani kainara dauki kapri ba baku nanara sin dauki kamna, damiki nani, king nani bara wihta nani Juda tawanka nani ra Jerusalem yabal ra sin dauki kan ba baku. Blasi yang nani plun ailal bri katna, diara sut yamni kan yang nani ra pât balras kan;

Jirimaya 44:17 ပူးပေါင်းရင်းမြစ်များ

2 King Nani 17:16

Dawan ai Gâdka lâka nani kan ba sut swi banhwan, bara bîp lilka wâl paskan ayan angki slilkan wal, bara sin Aserá lilka bahki sin paskan bahara mayunaia, bara kasbrika purara slilma nani ra bara Baal ra sin mayunan.

2 King Nani 22:17

Kan yang ra ai swi si, gâd bahki nani ra kîa yamni nani angki yabi kan, baku kupi uya sauhkan, ai mihta warkka nani daukan ba wal. Bamna yang latwanki ba witin nani mapara sa, bara sin sip pali dasbia apia.

2 Kronikas 28:23

Damaskus gâdka nani ra sakripais daukan, bara baha wal witin kauhan. Witin lukan baha nani ba Siria gâdka bui tâ baikan, witin nani kingka ra sin ai tâ baikbia lukan baku daukbia kaka, sakuna baha nani bui witin ra sauhkanka bri balan, Israel aiska ra sin.

Nihimaya 9:34

Yang nani kingki nani, wihtki nani, prîski nani, aisiki nani sin sut, man lâmka bîla ba kat alki daukras kan, walras baku kan man adarkam nani yabi ai kupia krauki kapram ba.

Lawana Nani 106:6

Yang nani aisiki nani wal baku saura daukri, yang nani warha lâka daukri, yang nani saura daukri.

Lawana Nani 12:4

baha nani aisisa: “Yang nani bîli brisna ba wal aitani; yang nani twisi ba tâiwan aisisa. ¿Ya kupias taki balbia, yawan ra adar wankaia?”

Impakan Sturka 16:3

Upla nani ba witin nani ra win: —¡Dawan ba Idsip tasbaya ra iki wan tikan kata kanra yamni kan! Bahara yang nani wîna piakan dakawa lamara iwi pi kapri, wan biara banhki takan ba kat. Sakuna man nani naha upla iwras tasbaya kat, sanglang ni wan iki âpu wan daukaia wan bri balram.

Aiseya 48:5

pat mai wîri kan piua nani luan ba wina, kau baha bal takras kan ba ra pat maisam pakri kan. Bamna man nanara naku aisama apia dukiara: ‘Yang aidul warkka daukri, lilka nani karbi bara slilki daukri ba mita naha diara nani na blikan.’

Jirimaya 1:16

Naku sika klalka yabaia lâ daukaia sna ba, baha saura dadaukra nani ai lulki ai swin ba mapara, witin nani sika dus mâka kîa pain angki bara upla wala nani ra witin ai tasbaya wina apia nani gâdka lilka klauna paski bri kata ba, bahara ai pura suni mayunan.

Jirimaya 11:12

Baha taim Juda uplika nani Jerusalem nani sin witin nani kîa pain angki yabi ba gâdka nani ra hilp makabaia wabia, sakuna pât tara ba balbia bara baha gâdka nani sin witin nani ra sip swaki sâkbia apia.

Jirimaya 18:15

Sakuna upliki nani ai âuya ai tikan, kunin gâdka nani ra diara kîa pain angki yabisa. Patitara yabalka almuk ra, aimawahkan, witin kakaira apia ba yabalka nani ra ban auya.

Jirimaya 19:13

Jerusalem watla nani ba, king watla nani ba Juda ra, utla purara iwaia pliska nani ba, baha watla nani sut ra witin nani kîa pain nani angki kan slilma nani ra, ai gâdka nani ra yaia wain laiki kan, witin nani tânka ba luki kaikbia ba ra, Tófet wal baku tâski takan sa.’ ”

Jirimaya 44:21

—¿Man nani lukisma Dawan baha kaikras, apia kaka âuya tiwan lukisma, man nani, bara damikam nani, king nani, wihta nani bara upla wala nani sin kîa pain nani angki gâd wala nani ra yabi kan ba, Juda tawanka nani yabalka ra Jerusalem yabalka nani ra sin?

Jirimaya 44:25

Dawan karnika sut bri ba, Israel Gâdka, aisisa: ‘Mairin nani man nani baku aisi sin daukisma. Man nani wisma pat pramis takram Kasbrika Purara Kwinka ba ra kîa pain nani angki wain prisantka nani sin yabaia, man nani dîa aisaram ba kat daukma. ¡Pain pali, aisaram ba baku warkka ba sin dauks!

Jirimaya 44:9

¿Pat âmya tiwan ki damikam nani watawika nani sut daukan ba, Juda kingka nani maya nani sin saura daukan ba, man nani sin bara mayam nani sin Juda tawan yabalka nani ra Jerusalem ra sin saura daukram ba?

Jirimaya 7:17

¿Witin nani Juda tawanka tara nani ra Jerusalem yabalka nani ra sin dîa dauki ba man kaikras sma ki?

Jirimaya 7:18

Luhpia nani ba pauta wahbisa, aisika nani pauta ba mukisa, bara yaptika nani ba plawar ba akbi plitas nani daukisa, gâd mairin Kasbrika purara Kwinka ba ra yaia. Baha dauki mini prukisa, bahara wain prisantka yabisa, baha purkara sin, witin nani kakaira apia ba gâdka ra wain prisantka ba yabisa.

Isikiel 20:32

Man nani lamla ra diman, nisan wala nani tasba ra ba baku kaia, dus ra bara walpa ra mayuni ba, kuna baku kabia apia.

Isikiel 20:8

‘Kuna witin nani lika yang maipara buan, bara yang ra walaia brinka apia kan; sakuna Idsip wina aidul nani brin ba âpu daukras, witin nani baha nani swiras. Yang lukri kupi baiwanka witin nani purara batakaia, bara klala yabaia Idsip ra, yang kupi baiwanka wina âuyapah takbia kat.

Isikiel 23:41

krikri painkira kum ra iwi banhwan, bara tibil ba ridi kan, bahara mangkan kan sîka kîa yamni bara batana yamni munan ba sin, yang warkki daukaia.

Isikiel 8:16

Bara Dawan tempelka baikanka, kau bîla ba kat ai brih wan; bara kaiks Dawan wal aisaia watla ba lamara, dimaika ba bara altar ba wal lilapas ra kutbanka ba kat 25 waitna nani bara kutbanka ba tani ra ai nina tawi bri kan; bara ai mawan ba lalma tani ra bawi ai lal tasba kat kangbi, bara lapta ra mayuni kan.

Abakuk 1:16

Baha mita inska âialkra nani ba inska alkaia dukia nani bri ba, baha dukia nani ra mayunisa, kîa yamni daukaia dukia nani angki, pain kulkan lâka dauki yabisa, baha dukia nani ra ai pura suni tingki wisa, kan baha dukia nani ba wina, witin nani ai pata ailal pali saki pîsa bamna.

Kulki Kaikanka 30:12

Sakuna ai maya waitna baha walan bara apia wisa kaka, witin dîa pramis takan ba daukaia apia sa, kan ai maya apia win ba mita, bara Dawan sin aitani kulkan sa.

Kulki Kaikanka 30:2

upla kum Dawan nina ra aisi diara kum daukaia aisin kaka, witin dîa dîa daukaia win ba kat daukaia sa.

Mark 6:26

Bara king ba kasak sari takan, sakuna witin pramis daukan bamna, upla wala nani sin baha win ba walan kan ba ra, sip dukia makabi ba apia wiras kan.

Kli Smalkanka 23:23

Sakuna kupiam wina Dawan Gâdkam ra pramis daukisma kaka, man nani daukaia sma.

Pilipai 3:19

piua tnata ra, naha nani sut sauhki tikan kabia. Witin nani gâdka lika ai wîna brinka nani, bara ai swira briaia dukia nani ba watlika ra, kalwi banhwisa. Witin nani ba naha tasba dukia nani ra baman lukisa.

1 Pita 1:18

Bamna Gâd ba baha rayaka bahki, almuk nani wina briram ba tila wina swaki mai sakan; bara man nani pain kaikisma, wan swaki sakan mana ba lika, diara aisawi nani ba wal aibapras kan, gul bara silbar baku;

Wihta Nani 11:36

Luhpia mairin ba, pana witin ra win: —Aisiki, dîa daukaia Dawan wal pramis takram ba, bîlam kat yang wal dauks, witin ai bîla mai win ba kat man wal pat daukan, war aiklabi pura luaia karnika ba maikan, waihlam Amón uplika nani pura luram.