Jirimaya 44:14 - DAWAN BÎLA AISKA

¹⁴ Baha daknika lupia Juda wina Idsip ra iwaia wan ba wina, kumi sin plapi swakwi raya kabia apia. Witin nani kli Juda ra bal takaski iwaia lukbia sin, sakuna sip tawi balbia apia, ban kra plapi baman tauki nani ba wina kulki lika.’ ”

Jirimaya 44:14 ပူးပေါင်းရင်းမြစ်များ

Aiseya 10:20

Baha yua ra nani ra Israel ra upla wiria man takaskan kabia nani ba, Jekob watla uplika nani kau raya kabia ba, witin nani ra rausauhkan nani bara kli aikuki ai tâ baikbia apia, sakuna kasak pali sika, Dawan Israel Gâdka Holikira ra ai tâ baikbia.

Aiseya 4:2

Baha yua ra Dawan mita daukbia dus nani ba kli urhwaia Israel luhpia nani pruras swak takan kabia nani ba prana mayunra kaia dukiara; tasbaya wina mâ nani dâkbia ba baha witin nani yamni kulkanka ai kulkanka lâka ba bribia.

Jirimaya 22:10

Man nani king Josías ra luki inpara, witin pruanka ba pura mata inpara; sakuna kanra yamni kabia man nani ai luhpia waitna Salum mata inaia, witin auya ba wina kli balbia apia; witin bahara aisuban tasbaya ba kli kaikbia apia. Kan Dawan, Salum, Josías luhpia waitna ba dukiara aisisa witin Juda kingka ba, witin ai aisa Debit ningkara iwaika ra iwan ba, naha tasbaya wina taki wan ba: “Kli tawi balbia apia,

Jirimaya 42:17

Sakuna man nani walras ban Idsip ra wih iwaia lukisma nani ba sut, bahara war ra siknis ra bara sanglang ra pruma. Upla kumi sin raya kabia apia; pât blikamna ba wina upla kumi sin plapi swak takbia apia.’

Jirimaya 42:22

Baha mita, man nani pain tânka bris war ra, sanglang mita, siknis mita, ani ani kuntrika ra man nani iwma ba bâra pruaia sma.”

Jirimaya 44:26

Sakuna Juda uplika nani, man nani Idsip ra iwisma ba, naha wals, yang, Dawan, man nani ra aisisna: Nini kulkanka tara ba ni swer takisna, Juda uplika Idsip ra iwi ba kumi sin kli yang nini mâki, aisabia apia: Dawan rayaka nina ra.

Isikiel 20:38

Mapara babura bara turbanka dadaukra nani ba wina dakbi mai sakamni, bara nanara upla tasbaya ra iwisma ba wina mai sakamna; kuna witin nani Israel tasbaya ra dimbia apia. Bara baku man nani damra walma, yang sika Dawan sna ba.

Isikiel 6:8

Sakuna yang daukamna man nani kum kum lika baha nani tila wina raya kaia, sakuna mai yakaban kaia nisan nani tilara.

Matiu 23:33

“¡Piuta nani! ¡Piuta saura nani kiamka! ¿Man nani nahki hil pauta pâtka ba wina swak takma ki?

Roman 2:3

Bara man mita upla wala lâka daukisma, kan man sin upla wala dauki baku daukisma bamna, ¿man lukisma Gâd lâ dauki ba wina swak takma?

Roman 9:27

Sakuna Israel luhpia nani dukiara Aiseya naku win: “Israel luhpia nani ba lika sim kabu auhika baku kabia kra, sakuna baha ba wina wiria baman swaki sakan kabia,

Hibru Nani 2:3

Baku bamna, ¿nahmuna swaki sakan lâka tara pali na alki briras ban pali swibia kaka, yawan na nahki swak takbia ki? Dawan pali mita naha swaki sakan lâka na pas dahra aisan, bara baha ningkara, witin ra walan nani ba yawan ra latan wan marikan baha ba kasak pali sa.