Jirimaya 44:10 - DAWAN BÎLA AISKA

¹⁰ Nanara kat lukankam saura ba man nani kau swiras sma, sibrin sin mai daukras, smalkanka nani lâ maikri ba damikam nani ra yabri ba sut man nani daukras.

Jirimaya 44:10 ပူးပေါင်းရင်းမြစ်များ

1 King Nani 21:29

“¿Man kaikras sma ki, Ahab nahki yang laimara bawan lâka bri ba? Bamna yang laimara bawan ba mita, witin ai yua nani ra pât saura bri balamna apia, raya piua ra ai luhpia nani ra saura lâka ba brih wamna.”

2 King Nani 22:19

bara man kupiam ba sin swapnikira pali takan, bara Dawan lamara sin bawram naha bîla ba tawan uplika nani mapara aisisa bara naha tasbaya ra iwi uplika aiska ba mapara sin, witin nani sut ba âpu pali daukbia saurkira nani ba, bara man prâmka ba kalkram, ba purkara sin yang maiwanra inram ba sin yang walri. Yang, Dawan, man ra aisisna.

2 Kronikas 32:26

Ban sakuna, Ezequías ba ai kulkanka ba tilara Dawan ra bawan, bara Jerusalem uplika nani sin baku daukan, bara Ezequías kau raya kan yua nani ra lika Dawan ai lawanka ba blikras kan witin nani purara.

2 Kronikas 33:12

Sakuna witin ai sarka tilara kan bara Dawan ra makaban, bara bawan ai almukka nani Gâdka ra.

2 Kronikas 33:19

Ai pura sunanka bara Dawan wina aisinka brin ba, ai saurka bara kasak apia daukanka nani bîla walras lâka nani daukan ba, aidul gâdka nani ra altar paski yaban ba, Aserá lilka nani mangkan kan ba, baku sin aidul nani lilka, Dawan ra bawaia watlika ra, naha sut ba prapit nani sturka tilara ulban sa.

2 Kronikas 34:27

bara kupiam ra uya luki yang ra mihti ra aimakram bamna naha pliska ra bara ai uplika nani iwi ba mapara aisari ba walram bamna, bara man lika yang ra bawram bamna, kwalkam nani sin kalkram maiwanra, baha mita sin mai walri. Yang, Dawan, mai wisni.

Lawana Nani 34:18

Kupia lukra kriwan bara bîla kaikanka sin âpu takan uplika ba lamara Dawan bâra sa, witin baha uplika nani ba swaki sakaia dukiara.

Lawana Nani 51:17

Wan spiritka kriwan ba sika, Gâd ra prisant yaia; Gâd, man upla ba ai kupia wirha bawikira mai pliki ba, man sip lulki swima apia.

Lawana Nani 78:10

Gâd bui witin nani wal lâ daukan lâka ba kulkras kan, smalkanka kat sin wali daukan daukras kan.

Impakan Sturka 10:3

Moses bara Eran wal king fero kaikaia wan, bara witin ra win: —Dawan Hibru nani Gâdka ba naku wisa: ‘¿Man ahkia kat yang ra ban ai wi kaisma, yang bui man ra bawaia apia? Upliki nani ba swis taki wabia bara yang ra nini mayunbia.

Impakan Sturka 9:17

Baha sut daukisna, sakuna man ban upliki nani ba mapara buisma, alki takaski brisma yaram taki waras.

Impakan Sturka 9:30

Ban sakuna, yang kasak daira walisna, man bara uplikam tara nani sin kau Dawan sibrinka briras sma.

Sins Lâka 14:16

Upla sinskira lika saurka ra sibrin lukisa, bara saura ba wina mahka taki auya, sakuna sinskas ba mapara, diara kumi sin tânka tara aihwa ba âpu sa.

Sins Lâka 16:6

Kupia pinhka bara kasak tânka ba wal, watawanka ba kli wapni takan sakisa, bara Dawan ra kulkaia ba mita upla nani lâ saura wina laihura takisa.

Sins Lâka 28:14

Yamni pali sa, Dawan sibrinka brih ban luki uplika ba, sakuna ai kupia karna dauki ba uplika lika trabil ra kauhi dimbia.

Sins Lâka 8:13

Dawan ra kulkaia lâka tânka ba lika, saura lâka ra misbara kaikaia ba sika yang misbara kaikisni, praut lâka ba bara tara pulan lâka ba ra sin. Yabal saura ba bara kunin aisaia lâka sut ba saura kaikisni.

Aiseya 42:24

¿Ya mita yan Jekob dukia nani ba dakbi brih waia, bara Israel ba taibi muni, dukia impliki waihla mihta ra mangkaia? Baha sika Dawan kata ba, yawan bui witin ai mapara saura dauki na. Witin nani ai yabalka nani ra impakaia brin wan daukras kan, ai lâka ba sin yawan nani walras kan.

Aiseya 57:15

Kan witin Laih Purara iwi ba, ban kaia ra raya ba, witin ai nina ba holi, witin aisisa: “Yang lika waitla laih purara holikira ba ra iwisna, upla kupia kriwan ai spiritka umpira luki ba baha wal, bawikira nani spiritka ba, ban raya kaia daukisna, kupia kriwan nani spiritka ba, lukanka raya daukisna.

Aiseya 66:2

¡Naha diara nani sut ba yang daukri! ¡Bara baku mahka diara nani sut ba bal takan! Yang, Dawan, kasak aisisna: “Sakuna baha uplika yang bui witin kat kaikisna ba bawikira umpira luki ba bîli ba kulki yang bîli wali kulkaia.

Jirimaya 10:7

Nisan nani sut kingka man, ¿ya man ra sibrin lukras kabia? Man ra sibrin lukaia kulkanka ba sika man briaia sma ba. Tasba ra sinskira nani king nani ba sut tilara, man baku wala kum âpu sa.

Jirimaya 26:4

Witin nani ra wis, yang Dawan sna ba, naku wisni: ‘Yang dîa wisna ba witin nani walras kabia, dîa daukaia smalkri ba baku daukras kabia kaka,

Jirimaya 32:23

Sakuna witin nani baha kuntrika ra dimi tasbaya ba brin ba ra, man bîlam walras takan, lâ nani smalkram ba daukras, wark nani daukaia wiram ba sin daukras. Baha mita man bui witin nani ba rausauhkaia blikram.

Jirimaya 36:24

Sakuna king ba wihta nani ba kumi sin baha angki ba dukiara sibrin daukras, sari takaia tukinka sin marikras kan.

Jirimaya 44:23

Nanara man nani pât ra sma na baha daukanka daukram ba tâka mita sika, gâd wala nani ra kîa pain nani angki yabram ba tâwan, baku Dawan mapara saura daukram, dîa daukaia win ba ai lâka nani ba wali, adar nani maikan ba sin daukras.

Jirimaya 5:3

Dawan, man plikisma ba sika kunin aisaras uplika ba. Man bui witin nani ra klala yabram, sakuna baha witin nani ra latwan yaras kan; man bui witin nani ba sauhkram, sakuna witin nani diara lan takras. Kiamapara nani, walpa baku karna, yabal yamni ba ra witin nani kli tawi balaia apia lukan.

Jirimaya 6:15

¡Witin nani ai swira briaia kan baha dukia nani witin nani dauki ba yang kau sip kupi alki takaskras sna ba dukiara! Sakuna apia, witin nani ai swira lukras. ¡Witin nani ai swira ba dîa sapa tânka sin briras takan! Baha mita, yang bui witin nani ra klala yabamna ba ra, witin nani ai mina pruki kauhbia wala nani kauhan ba baku. Yang, Dawan ba, aisisna.”

Jirimaya 8:12

¡Witin nani ai swira briaia kan baha dukia nani witin nani dauki ba, yang kau sip kupi alki takaskras sna ba dukiara! Sakuna apia, witin nani ai swira lukras. ¡Witin nani ai swira ba dîa sapa tânka sin briras takan! Baha mita, yang bui witin nani ra klala yabamna ba ra, witin nani ai mina pruki kauhbia wala nani kauhan ba baku. Yang, Dawan ba, aisisna.’ ”

Isikiel 9:4

Bara win: “Jerusalem lila bâk lui was, bara sain kum mangks upla nani lal purara, baha nani sari bri nani ra, baha saurka nani witin nani ai tilara dauki ba dukiara.”

Malaquía 4:2

Sakuna man nani tara ai kulkisma ba, yang kasakki tânka ba man nani ra yu ingnika ingwi ba baku kabia; baha ingnika ba wina wînam tara yamnika maiki kabia, man nani liliam puli srutwi kama, bîp lupia nani klar wina sakan srutwi puli ba baku.

Matiu 27:54

Bara suldiar kiaptinka bara wala nani Jisas ra aihwaki kan ba kira, tasba nikban bara diara wala nani takan ba kaiki, sibrin tara daukan, bara naku win: —¡Kasak pali naha waitnika na Gâd Luhpia kan!

Luk 23:40

Sakuna wala ba mita ai pânika ba ra lawi dauki, win: —¿Man lika Gâd ra sibrin lukras sma ki, man sim pâtka mununhtara sma ba?

Roman 11:20

Aitani, sakuna baha nani kasak lukras kan ba tâwan klaki sakan, bara man lika ban bâra sma kasak lukram ba mita. Baku bamna, man mamyunpara, sakuna sibrinka lâka ni bri bas.

1 Pita 5:6

Bamna, Gâd mihta karnikira ba munhtara bawikira nani bas, bara baku witin mita piua kat mai bukbia.

Param Marikanka 15:4

Dawan, ¿ya man ra sîam briras kabia? ¿Ya sin man ra mamyunras kabia? Kan man baman sika holikira, bara nisan nani sut bal man ra ai pura suni mamyunbia, daukankam kasak nani ba upla sut mita kaikan bamna.”