Jirimaya 43:12 - DAWAN BÎLA AISKA

¹² Idsip gâdka tempelka nani ba pauta mukamna, gâdka nani ba ni pauta mukamna bara uplika nani ba priski silak ra mangki brih wamna. Idsip kuntrika ba klin daukamna, Sepad kum ai prâka wina kûa nani saki ba baku, baha ningkara upla kumi sin witin ra takaskbia apia, mahka wabia.

Jirimaya 43:12 ပူးပေါင်းရင်းမြစ်များ

2 Samuil 5:21

Baha purkara, filisteo nani ai aidulka nani ba lulki si plapan, bara Debit ai uplika nani aikuki baha nani wahbi brin.

Ester 6:9

Bara wihta tara kulkan kau tara bri ba, man king tara lâka ra, bahara yas araska ba. kwalka, kraunka ba sin. Baha waitnika king mita kulkanka yabaia ai brinka ba kwalka nani ba dimbia ningkara, aras ra suni tawan tara bilara kirhbaia pliska nani ba ra brih wapi taukbia, bara ai bîla saki wini kabia, upla nani aiska ba mawanra: ‘¡Baku daukbia baha uplika, king mita kulkanka tara yabaia luki ba ra!’

Job 40:10

Tara kulkan lâka, king tara kaia kwalka ba dims, prana bara ingni lâka ni puram praks.

Lawana Nani 104:2

man ingni kwalka ni mai srukan sa. ¡Kasbrika purara ba, dur kwalka baku pamisma!

Lawana Nani 132:16

Witin ai prîska nani ra swaki sakan lâka kwalka dingkamni; bara baha uplika kasak nani ba, yarka lilia ni wini kabia.

Lawana Nani 132:18

Ai waihla nani ba swira lâka ni banhki daukamna, sakuna witin ra lika ai prana tara wal ingni daukamna.”

Impakan Sturka 12:12

Baha tihmika yang lika Idsip tasbaya aiska ra lui wamna, bara Idsip uplika nani watla bîla bani ra, luhpia tawahkia bani ba ikamni; daiwra luhpia tawahkia nani ba sin, bara Idsip gâdka nani ba lâka sin daukamni. Yang Dawan, baku aisisna.

Aiseya 19:1

Idsip mapara dahra aisin ba: Man nani kaiks Dawan ba kasbrika karna plapi ba kum ra uli: Witin Idsip ra aula. Idsip aidulka nani sut witin ai mawanra tatatwisa, Idsip uplika nani ba, kupia dring sirang sa, ai tila kat.

Aiseya 21:9

Bara nanara kaikisna aras wâl wagin kumi raski aula.” Bara upla kum aisi, win: “¡Kauhan, Babilon ba kauhan! Ai aidulka gâdka nani sut tasba ra kauhi kriwi yuya baman takan.”

Aiseya 46:1

Bel gâdka ba ai lula krikisa, Nebo gâdka ba tasba ra kauhan; aidul paskan nani ba, daiwan nani purara sunan, twilki brih wan baha dukia nani man nani twilki brih waia katma ba, wirhika nani ba daiwan swapan nani purara sunan.

Aiseya 46:2

Gâd bahki nani ba, ai lula krikisa bara tasba ra kauhisa sip swak takras kan, bara witin nani klauna priskan lâka ra auya.

Aiseya 49:18

Namkra nani buki tnamya kir kaiks, bara kaiks, nahki witin sut asla taki, man ra aula ba. “Yang Dawan, rayaki wal swer takisna, witin nani ba kwala baku man ra yamni mai kulki prâk mai dingkan kabia; bara baha ni maisam wilkma tiara marit taki prâka dimi ba baku.

Aiseya 52:1

Rawi bus, Saion, rawi bus, karnikam ba prâmka dims, Jerusalem tawan holikira prâmka kau pranakira ba dims, kan gâdkas, upla tâskikira, kli bal man ra dimbia apia.

Aiseya 59:17

Dawan ai kasakka lâka ba ni ai lama prakaika kum baku diman. Ai lal ra sin swaki sakan sumurka ba bapan; pana munaia kwalka ba brih bara ai prâka baku diman. Bara ai kupia baiwaia lâka ni ai pura prâka tara baku diman.

Aiseya 61:10

¡Yang Dawan ra nahki lilia sna! Gâdki ra kupi lilia ni banhwan sa, witin swaki sakan lâka bri ba yang ra aikan bamna, ¡pura luan lâka ni ai srukan! Yang na wahma kum ai maya briaia ai kraunka bapan ba baku sna, apia kaka tiara kum ai maya briaia gul ni skahkan ba baku sna.

Aiseya 61:5

Bara upla tringsar nani ba sîpkam nani ba pata dakakbia, tringsar nani ba sin, tasbayam babaikra nani kabia bara wainkam mamangkra nani sin.

Jirimaya 10:11

(Man nani, Israel luhpia nani, idan nani ra wis: “Kasbrika pura ba bara naha tasba na sin paskras gâdka nani ba lap tiwbia; baha nani kumi sin kasbrika munhtara nâra kabia apia.”)

Jirimaya 10:15

baha dukia nani ba diara bahki, lawaska kikaia dukia, Dawan lâ dauki kabia bara sauhki tikbia.

Jirimaya 25:19

Baku sin king fero Idsip kingka ra sin yabri din, wihta tara nani pura kakaira nani ra sin, uplika nani sut ra sin yabri din,

Jirimaya 43:13

Idsip tawanka ra Heliópolis lilka nani paskan ba yabal nani ra sauhkamna, Idsip gâdka nani tempelka nani ba angkamna.’ ”

Jirimaya 46:25

Dawan, karnika sut bri ba, Israel Gâdka ba, aisisa: “Amón Tebas gâdka ba klala yabaisna, Idsip gâdka nani ba, kingka ba sut, king fero ra kasak luki nani ba sin klala yabaisna.

Jirimaya 48:7

“Moab, man karnikam ra diara ailal brisma ba ra kasak luki kapram, sakuna man ra sin bal puram lubia. Man gâdkam Quemós tasba wala brih wabia, prîska nani, uplika tara nani kulkan ba sut.

Jirimaya 49:27

Damaskus kutbanka ba yang angkamna, bara baha pata klauhanka ba mita Ben-hadad watla tara nani ba angki sauhkbia.”

Jirimaya 50:2

“Nisan nani ra maisa paks, naha tânka witin nani briaia. Maisa pakanka tukinka ba purara buks; diara kumi sin yukukpara. Man nani wis: ‘¡Babilon kata pat brin! ¡Bara gâdka Bel kata ba lawaska kikaia ra lakan, Marduc gâdka kata ba, sibrin tara ra sa! Aidulka nani, gâdka bahki nani ba, lawaska kikaia ra tawan bara sibrin tara ra sa.’

Jirimaya 51:44

“Bel, Babilon gâdka ba, klala yabamna, langkan yaba munrika aikabia, nisan nani witin ra kli plapbia apia. ¡Babilon kutbanka nani ba pat kauhan!

Isikiel 29:11

Upla bara daiwan sin bâk lubia apia, mani yawanaiska wâl bahara upla sin iwbia apia.

Isikiel 29:19

Baha mita, yang Dawan sna ba, wisni: Yabaisna Nabucodonosor, Idsip ba ai mihta ra bribia, bara ai yuyaka ba mihta dakbia, bara dîa dîa bri ba sut sin; dîa implikbia ba wal, ai suldiarka nani ra aibapi bri kabia.

Isikiel 30:13

“Yang Dawan sna ba, aisisni: Aidul nani ba sauhki tikamna bara Menfis ra gâd bahki nani ba âpu daukamna. Idsip ba kli, ya tâ briaia âpu kabia, bara sibrin lâka tara ni kuntri ba banhkamna.

Daniel 11:8

Baha purkara, ai gâdka nani sut ba Idsip ra brih wabia, bras ni lilka nani dauki bapan nani ba, bara gul wihki silbar ni diara nani paski daukan ba sut sin brih wabia. Mani kum kum ningkara lika, baha king tasbaya wâl ba war âpu iwi kabia.

Sofonías 2:11

Dawan ai lawanka ba witin nani ra marikbia. Ai tasbaya aiska ra gâd bahki nani bri ba sut slingbi tikbia, bara tasba bani ra, kî nani ra iwi uplika nani ba sin sut, Dawan ra baman mayunbia.

Roman 13:12

Tihmia ba pat aihkika luan sa bara yu baiwaia baila sa; baha mita tihmia ra daukanka saura nani ba mahka swiaia sa; bara suldiar kum baku war aiklabaia dukia nani ba buki bri baku, ingni prâka ba yawan dimaia sa.

Epesus 4:24

bamna Gâd kupia lâka kat prâka ba ni dimi banhwaia sma, bara sin marikma nahki rayaka kumi kasak pali wapni bara holikira ba.

Epesus 6:11

Gâd mita aiklabaia dukia nani wanki ba sut brih dims, bara baha ni sip kama bapi kaia Sitan kuninka nani ba mapara.

Kolosi 3:12

Gâd lika man nani ra latwan mai kaikisa, baha mita witin bâk mai sakan, ai uplika mai briaia. Baku ba mita, naha sât prâka na dims: umpira kaikan lâka, latwan kaikan lâka, bawaia lâka, praut âpu lâka bara wihka bîla kaikaia lâka ba sin.

Kolosi 3:14

Baha sut purkara, latwan lâka kwalka ba dims, baha sika kasakka lâka nani sut asla kumi ra wilkan ba.