Jirimaya 42:18 - DAWAN BÎLA AISKA

¹⁸ “Dawan karnika sut bri ba, Israel Gâdka, aisisa: ‘Yang lawanki kupi baiwanka laptika Jerusalem uplika nani ra alkan ba, baha baku man nani mampara sin takbia, ban Idsip ra wama kaka. Man nani ninam ba lahtuban uplika nani mâkbia, upla ra sirang ikaika takma, naha tasbaya ra sin kli tawi balma apia.’

Jirimaya 42:18 ပူးပေါင်းရင်းမြစ်များ

2 Kronikas 34:25

Kan yang ra ai lulki swi bara sîka mâka kîa gâd bahki nani ra angki daukan bamna, yang maipara kupi tuskan lâka brih balan ai daukanka ba wal; baha mita kupi sauhkanka naha pliska ra balan, bara baha ba dasbia apia.

Aiseya 30:3

Sakuna king fero karnika ba man nani ra swira lâka ra mai lakbia, aimawahkanka nani man kabia, Idsip wina hilp nani briaia ba.

Aiseya 65:15

Bara man nani ninam ba mâki, yang upliki nani ba upla wala nani ra lahtubi kabia, bara Dawan mita ai dukia dadaukra nani ra nina wala ni mâki kabia.

Jirimaya 18:16

Baku witin nani ai kuntrika ba upla iwras tasbaya daukan, piu sut sirang wan iki pliska takan. Upla bahak lui auya ba sut sirang iwi ai lal wauhisa.

Jirimaya 22:27

Baku bamna witin nani kli tawi balan dauki pali kabia, sakuna balbia apia.

Jirimaya 23:40

Bara swira lâka puramra bri balbia swirka ban kaia ra, sip ai âuya tikras ban kabia.’ ”

Jirimaya 24:9

Yang daukamna witin nani ba diara saura kaikaia, sirang wan iki ba daukamna, nisan nani sut tasba ra baha kaikbia, mâyara batakaia patrangka kum kabia, saura kulkan bara lahtuban kuntri bani ra yang mita yakabri ba.

Jirimaya 25:9

Nabucodonosor yang warkki dadaukra Babilon kingka ba, yahbra tani uplika nani ba sut balaia paiwisna, witin nani bal naha kuntrika ra upla nani sut iwi ba, nisan nani sut lamara ba wal iwi nani ba mapara sin. Witin nani ba sauhki âpu pali aiklabaia daukaisna. Baha nani ba sut sauhki âpu daukaisna. Baku sauhkan ban kaia swiaisna, sirang wan iki bara sibrin wan dingki kaia.

Jirimaya 26:6

bara naha tempelka ra sin Siló ra daukri ba baku daukamna. Naha tawanka na lahtuban ba patrangka kum daukamna nisan nani sut kaikbia tasba aiska ra.’ ”

Jirimaya 29:18

War ni, sanglang ni, siknis ni yang bui witin nani ra blikaisna. Yang daukamna nisan nani sut ba mita witin nani ra diara saura kaikan wan daukras dukia baku daukamna, lahtuban swira daukan patrangka kum kaia daukamni, diara kum sirang wan iki sibrin wan dingki ba baku daukamni, nisan nani bani kaikbia witin nani ra yakabamna ba.

Jirimaya 29:22

Juda uplika nani Babilon ra brih wan nani ba upla kum ra lahtubaia lukbia ba ra, naku wibia: Dawan bui man wal daukbia Sedequías Ahab ra daukan ba baku, baha nani sika Babilon kingka mita pauta ra angkan.

Jirimaya 44:12

Bamna yang daukaisna Juda ra takaskan uplika nani ba Idsip ra iwaia wan nani ba, sut pali sauhki âpu daukbia. Sut pali, sirpi lupia nani ba wina tara ba kat, war ra, apia kaka sanglang ra pruaia. Man nani ninam ba lahtuban uplika nani mâkbia, swira daukan upla ra sirang ikaika takma.

Jirimaya 44:22

Man nani daukankam saura nani daukisma ba mita, Dawan lilia apia kan witin kau sip ai kupia alki takaskras kan. Baha mita naiwa man nani kuntrikam ba sauhki swin sa, upla bahara iwras; lahtuban nani, upla sirang ikaika takan.

Jirimaya 44:6

Baha dauki ai munan kupi baiwan bara lawi daukri, bara bal Juda tawanka nani ba pauta klauhan ni angkuna, Jerusalem tawan yabalka ba sin. Nanara baha nani aisawan upla iwras tasbaya bîla man ban sa naiwa kat.

Jirimaya 44:8

¿Dîa muni man nani daukankam nani ni swiri daukisma, Idsip ra gâd wala nani ra kîa pain nani angki yabisma, baha tasbaya ra man nani takaski iwaia balram apia? Baha daukanka ba ni munisma man nani ra mai sauhki tikaia lâka ba, nisan nani tilara tasba aiska ra man nani ba lahtuban swiram takan uplika nani kama.

Jirimaya 6:11

Dawan, yang na man lawankam ni ai banhkram ba mita puri luan sa, kau alki takaskaia sip apia sni.” Dawan bui ai win: “Wahma nani yabal ra tauki ba purara laiks, tiara daknika nani ba purara laiks. Maya waitna nani bara maya mairin nani ba silak ra brih wabia, dama pali nani ba sin brih wabia.

Jirimaya 7:20

Bahamna, yang Dawan ba kasak mai wisni yang lawanki ba naha tawanka nani purara, uplika nani ba purara, daiwan nani ba purara, dus nani pâwi ba purara bara insla mâ nani dâki ba baha nani sut purara blikamna. Impiara ami ba baku ami ban dasras kabia.”

Inanka Nani 2:4

Dawan ai pantamangkika ba aubi bulkan sa, waihla kum baku, mapara aiklaklabra kum baku, wan nakra ni kaiki yamni ba sauhki tikan sa; witin ai lawanka ba pauta klauhan baku yan, Saion pranakira ba purara kauhan kata.

Inanka Nani 2:6

Witin âimplikra baku, Dawan wal prawaia watla ra diman, bara asla takaia pliska kata ba sut sauhki tikan sa; lilia dauki yua tara nani, bara ris yua nani sin sut Dawan mita yaban âuya tiwan, bara ai kupia baiwanka laptika ba mita prîs ba bara king ba wal ra lulki swin.

Inanka Nani 4:11

Dawan ai lawanka tara brin, bara ai kupia baiwan laptika aiska pali ba yakaban; bara Saion kat pauta blikan, bara ai plamaika tara nani sut sin ami luan.

Isikiel 20:34

Yang sut asla daukamna tawan bara nisan nani tilara yakaban ba wina; karniki tara ba mangki bara kupi baiwanka wal klala yabri ba.

Isikiel 22:22

Lalah slilkaika ra slilki baku, man nani mai slilkan kabia tawan lilapas ra; baku damra walma yang, Dawan, kupi baiwanka man nani puramra laikri ba.”

Daniel 9:11

Israel luhpia nani sut man bîlam kulkras atia takan, bara dîa lâ mangkram ba sin wali daukaia apia win; baha mita naha lahtubanka na wan purara kauhan, aikuki swer daukan ba nampakan Moses lâ wauhkataya ra ulban ba kat, ban yang nani lika man mampara saura dauki banhri.

Daniel 9:27

Kau wik kum ba bilka ra, upla ailal aikuki lâ kum daukbia, sakuna wik kum ba bilka ra sakripais daukaia ba bara diara mana luha yaia lâka ba, kli daukan kabia apia wibia, tempel lâka ba sauhkanka tara bara diara saura daukan kabia, diara angki daukaia pliska mawan ba kat, sauhki tikaia piua ba aimakbia bara Gâd mita lâ lui sasauhkra ba purara kauhbia ba kat.’ ”

Oseas 7:16

Witin nani aidul nani ra tawi wan; witin nani trisba warha kum baku sa, mark ra sabaia lulki ba kat sabras. Upla ra swira dauki bîla nani aisin tâka, wihta tara nani ba sut sord ra prubia, bara Idsip uplika nani ai lawaska kikbia.

Nahum 1:6

¿Witin ai kupia baiki lawi ba mapara ya sip sa ki bapi buaia? Ai kupia baikuya laptika ba, pauta klauhan baku laiwisa, bamna walpa tara nani ba baiwi lilak wal taki, witin ai mawanra, walpa tara nani ba lilak pîs wâl ra baiwisa.

Sakaraya 8:13

Juda bara Israel luhpia nani, man nani nisan nani tilara mai lahtuban uplika nani kapram, baku sin nanara, yang bui man nani sut sma ba swaki mai saki yamni mai munan uplika nani mai daukamna. ¡Sakuna man nani si bripara! ¡Man nani karna bûi bas!”

Kulki Kaikanka 5:27

Bamna laya ba dibia ba ra, mairin ba tâski takan sa kaka ban kra ai maya nakra tihmu, waitna wala wal yapan kaka, bara lahtuban warkka dauki laya nani ba mairin biara ra iwi wabia tahpla daukaia, bara biara ba puskbia, bara luhpia ba sin lasa luhpia baku takbia, bara mairin ba upla nani tilara lahtuban kabia.

Param Marikanka 14:10

Gâd kupia baiwanka wainka ba diaia kabia, baha ba uya karna pali ai lawanka ba ra witin laikan sa. Ani uplika naha daukbia ba, pauta klauhan ni bara sulpa ni sin rausauhkan kabia Gâd insalka nani mawanra, Sîp Luhpia ba mawanra sin.