Jirimaya 40:5 - DAWAN BÎLA AISKA

⁵ Kli tawi waia brin mai daukisa kaka, Guedalías ra tawi was, Ahicam luhpia waitna Safán mulika ba watla ra, Babilon kingka ba mita witin ba Juda tawanka nani wihtka tara mangkan sa, witin watla ra takaski bas, uplikam nani tilara sin. Was anira kanra man ra yamni kabia lukisma ba ra.” Bara kamandanti ba Jirimaya ra prisantka kum yan, plun nani sin, bara lakula dauki swih wan.

Jirimaya 40:5 ပူးပေါင်းရင်းမြစ်များ

2 King Nani 22:12

bara ningkara king mita naku adar yaban Hilquías ra, Safán luhpia Ahicam ra, Micaías luhpia Acbor ra, sturi âiulbra Safán ra, bara Asaías king wihtka ba ra sin:

2 King Nani 22:14

Bara Hilquías, Ahicam, Acbor, Safán bara Asaías, prapit mairin Huldá kaikaia wan, witin ba Salum maya mairin, witinka na Ticvá luhpia bara Harhás mulika, bara witin ba sin prâk nani ba auhbi aihwaki kaiki kan tempel ra. Huldá ba Jerusalem ra iwi kan, bara tawan bilara Baikanka Wâl bâra kan ba wina kumika ba ra iwi kan. Bara witin ra aisi banhwan ba ra,

2 Kronikas 34:20

Baha ningkara king mita adar yaban Hilquías ra, Safán luhpia Ahicam ra, Micaías luhpia Abdón ra, sturi âiulbra Safán ra, baku sin Asaías king wihtka ba ra sin:

Esdras 7:27

Bamna Esdras naku ai pura sunan: “Dawan ba yamni pali kabia, wan aisika nani Gâdka ba, witin mita king kupia ra mangkan, Dawan watla Jerusalem ra ba pain kulkaia.

Esdras 7:6

Dawan, Israel Gâdka Moses ra lâ yan smalkan lâka ba, Esdras ba kakaira pali kan, baha smasmalkrika ba Dawan wina karnika yabi kan, baha mita witin diara nani king Artajerjes ra makaban ba sut yan. Baku natka ra Esdras ba Babilon wina kli tawi balan

Nihimaya 1:11

Dawan, yang bui man ra mamkabisna puri sunra na man wali kaiks, nampakan nani makabi ba sin, witin nani brin dauki ba sika naha baman sa: man ra yamni mai kulkaia. Bamna yang sin mamkabisna, diara sut yang ra yamni takaia ba aik, king ba sin tatuks bûi yang ra luki tniwaia.”

Job 22:29

Kan Gâd lika pura luan dauki ba mâyara batakisa, bara bawikira ba swaki sakisa.

Sins Lâka 16:7

Upla nani daukanka ra Dawan yamni kaiki ba ra, witin ai waihla nani ra munan, witin wal kupia kumi takisa.

Sins Lâka 21:1

King lukanka ba Dawan mihta ra sa; tingni nani lî plapi ba baku nina blikisa Dawan yabalka ra brin dauki ba kat.

Jirimaya 15:11

Witin nani laihtubi ba baku takbia, Dawan, yang na yamni warkkam daukras sna kaka, yang na waihli nani tâwan man ra puri sunras katna kaka, witin nani pât ra sari bri kan ba piua ra.

Jirimaya 26:24

Ahicam, Safán luhpia waitna ba, Jirimaya hilpka ra aisin, baha mita upla nani ba mihta ra mangkras kan, baku ikras kan.

Jirimaya 39:14

blikan wan Jirimaya bara king watla latka ra aihwawakra nani kaiki ba wina saki, Guedalías ra, Ahicam luhpia waitna Safán mulika ba ra yan witin Jirimaya ai watla ra brih main kaiki kaia. Bara baku, Jirimaya ba upla nani tilara bâra kaia sip kan.

Jirimaya 40:4

Bamna kaiks, mihtam silak ni priskan na nanara mahka lanhkuna. Yang wal Babilon ra waia want sma kaka, kaisa; yang main mai kaikamna. Sakuna yang wal waia want apia sma kaka, nâra bas. Tasba aiska man briaia nâra sa: man anira kau yamni kaikisma ba bâra was.

Jirimaya 41:1

Baha manka ra kati 7 aimakan ra, Ismael Netanías luhpia waitna, Elisamá mulika ba, king taika nani tilara kulkan waitnika ba, waitna matawalsip witin aikuki Mispá ra wan Guedalías ra aisaia. Bahara witin wal iwi plun pi kan ba ra,

Jirimaya 41:18

Caldea uplika nani wina plapi swakwaia, witin nani sibrin dauki kan, kan Babilon kingka mita Guedalías ba wihta tara mangkan baha tasbaya aiska ra, Ismael bal ikan ba mita.

Jirimaya 41:2

Ismael waitna nani matawalsip brih wan ba baha nani wih sord ni Guedalías ba ikan. Witin ba sika Babilon kingka ba mita wihta tara mangkan kan ba.

Apastil Nani Sturka 27:3

Yu wala, yang nani Sidón ra bal banhri, bahara Julio mita Pal ra yamni yaban taukan, witin swin wan ai uplika nani kaikaia, dîa kra luha sa kaka uplika nani ba mita yabia.

Apastil Nani Sturka 27:43

Sakuna suldiar nani kiaptinka mita lika Pal ba swaki sakaia lukan, bamna baku daukaia adar yaras kan, sakuna win ya ya yawaia sip sa kaka, trai muni mahka dimwi yawbia sauhka ra ulaia,

Apastil Nani Sturka 28:10

Prisant manis aiki banhwan, bara yang nani kli duri tara ra aimaki banhri ba ra, witin nani mita dîa dîa yang nani impakanki dukia want kapri ba sut aikan.

Hibru Nani 13:6

Baku bamna, yawan sip sa kasak luki kira wiaia: “Dawan sika yang ra hilp ai muni ba; yang sibrin lukamna apia. ¿Upla yang ra dîa ai munbia ki?”