Jirimaya 4:6 - DAWAN BÎLA AISKA

⁶ Man nani plakinka ba Saion tani ra kulki purara buks; takaskpara, ¡man nani yukuwaia pliska pliks! Kan yahbra tani wina sauhki tikaia ba brih aula bamna.

Jirimaya 4:6 ပူးပေါင်းရင်းမြစ်များ

Aiseya 62:10

Taki was, taki was tawan latara get nani bâk, upliki nani yabalka ba pahbi sâks. Tasba unta nani yabal tara ra bâra ba, lasbi praks; walpa nani ba sin sâks, bara upla nani ra sain kum mariks.

Jirimaya 10:22

¡Damra wals! ¡Maisa pakanka kum blikan aula! Laih yahbra tani wina bin tara kum aula Juda tawanka tara nani ba upla iwras tasbaya, yul talia nani watla daukaia.

Jirimaya 18:11

“Bamna wis, Juda uplika nani ra, Jerusalem ra iwi uplika nani ra sin, yang Dawan, witin nani ra wisna: ‘Yang luki kaikisna witin nani mapara diara daukaia; witin nani ba klala yabaia lukisna. Yabal saura ba witin nani mahka swibia; ai daukanka nani bara ai warkka saura nani ba yamni daukbia.’

Jirimaya 21:7

Baha ningkara Sedequías, Juda kingka ba Nabucodonosor mihta ra mangkamna, ai waihla upla âikra nani ba mihta ra, wihtka tara nani ba daknika nani ba sin mihta ra mangkamna, war lubia bara siknis saura ba sanglang ba sut lubia ningkara kau pruras raya uplika nani ba. Baha yang daukamna, kuna pruras swakwan nani ba sin sord ni ikaia kupia pihni lâka âpu umpira kaikan lâka luha ikbia. Yang, Dawan, kasak aisisna.

Jirimaya 22:7

Aiklabaia dukia bri uplika nani ba mampara blikaisna, man nani âpu mai dauki si balaia. Yalam dusa playka painkira nani ba klakbia bara pauta ra angkbia.

Jirimaya 25:9

Nabucodonosor yang warkki dadaukra Babilon kingka ba, yahbra tani uplika nani ba sut balaia paiwisna, witin nani bal naha kuntrika ra upla nani sut iwi ba, nisan nani sut lamara ba wal iwi nani ba mapara sin. Witin nani ba sauhki âpu pali aiklabaia daukaisna. Baha nani ba sut sauhki âpu daukaisna. Baku sauhkan ban kaia swiaisna, sirang wan iki bara sibrin wan dingki kaia.

Jirimaya 4:21

¿Ahkia kat kau ban plakin paman ba kaiki kamna, trumpit binka ba sin ban wali kamna?

Jirimaya 50:2

“Nisan nani ra maisa paks, naha tânka witin nani briaia. Maisa pakanka tukinka ba purara buks; diara kumi sin yukukpara. Man nani wis: ‘¡Babilon kata pat brin! ¡Bara gâdka Bel kata ba lawaska kikaia ra lakan, Marduc gâdka kata ba, sibrin tara ra sa! Aidulka nani, gâdka bahki nani ba, lawaska kikaia ra tawan bara sibrin tara ra sa.’

Jirimaya 50:22

Kuntrika ba ra war aiklabi binka tara ba walisa, diara ailal sauhki tiki ba.

Jirimaya 51:12

¡Man nani Babilon kutban ba slingbaia tukinka ba yas! ¡Aihwawakra kau ailal bris! ¡Tawer ra aihwawakra nani swis! ¡Man nani yabal ra aihwaks! Dawan ridi takan bara witin Babilon mapara dîa daukaia maisa pakan ba witin baha sut daukan.

Jirimaya 51:27

“¡War aiklabaia tukinka kuntri aiska ra yas! ¡Trumpit ba puhs, nisan nani ba ridi dauks Babilon mapara aiklabaia! ¡Ararat kingka uplika nani, Miní kingka uplika nani, Asquenaz uplika nani sin! ¡War wihtka kum sâks aiklabaia tâ bribia! ¡Aras ra uli prautkira nani ba tristrisia nani baku brih dims!

Jirimaya 51:54

Laih Babilon wina sari ini winanka ba walisa, Caldea uplika nani kuntrika wina bin tara kum takisa.

Jirimaya 6:1

¡Benjamín tasbaya ra iwi uplika nani, Jerusalem wina taki plaps, man nani yukuwaia watla pliks! Bara trumpit ba Tecoa ra puhs, bara sain kum Bet-haquérem ra dauks, diara saura kum, pât tara kum saura wan munaia aisi yahbra wina aula.

Jirimaya 6:22

Dawan aisisa: “Laih pali yahbra tani tasbaya ba wina nisan karna pali kum ba balaia ridi takisa.

Isikiel 9:1

Baha ningkara, bîla baikra tara wal kiaima ra ai winan: “¡Tawan tara ra klala yaia ba pat balan sa, kumi bani ai mihta ra sauhki tikaia dukia kum brih aula!”

Isikiel 9:2

Ningkara kaikri, waitna matlalkahbi pura durka yahbra tani ra kaiki ba bâk dimi aula sa, bara kumi bani ai mihta ra brih aula sauhki tikaia dukia kum. Bara tilara waitna kum linin kwalka dimi, ai maisa ra ulbaia dusa kum sin brih aula. Dimi balan ba ra, bras altarka lama kat buan sa.

Sofonías 1:10

Dawan ba kasak aisisa: “Baha yua ra Jerusalem ra Inska Atkaia Getka ba wina upla nani ini hilp makabi kabia. Upla wala baha lamara iwi nani ba sin, ai pura mata inbia. Bara il bîla nani ba wina, diara nani kauhi binka tara taki ba wali kabia.

Sakaraya 6:6

Aras siksa nani aubi waginka ba, yahbra tasbaya ra auya; aras pihni nani aubi waginka ba, muna tasbaya ra auya; bara aras puputni nani mita aubi waginka ba, waupasa tasbaya ra auya.”