Jirimaya 4:27 - DAWAN BÎLA AISKA

²⁷ Dawan aisisa: “Tasbaya aiska ba pâsa krawi lui palki baku daukamna, sakuna sut pali lika sauhki tikamna apia.

Jirimaya 4:27 ပူးပေါင်းရင်းမြစ်များ

2 Kronikas 36:21

baha ba Dawan dîa win ba aimakaia dukiara, ai dahra aisasarika Jirimaya bâk win kata. Baku tawan ba ris kum briaia kata, kan sauhki tikanka lâka ra kan piua ra ris manis brin, 70 mani luan ba kat.

Nihimaya 9:31

Ban sakuna, man kupiam swapnika lâka uya pali brisma ba mita sut âpu daukras kapram, lulki sin swiras kapram; kan man sika Gâd, kupiam swapni bara umpira kaikan lâka brisma ba tâwan.

Aiseya 17:6

Diara maura baman bâra swin kabia; Oliv dusa yahbi swin ba baku; tnawa ra kau mâ wâl kra, apia kaka mâ yumhpa kra kau swin baku; tnawa kau mâyara ba ra, ban kra walhwal, apia matsip kra kau bâra kabia. Dawan Israel Gâdka baku wisa.

Aiseya 24:1

Man nani kaikma, Dawan mita tasba bilara diara âpu swibia, diara nani ba sauhkbia, lulki bataki swibia, upla nani ba sut plapaia.

Jirimaya 18:16

Baku witin nani ai kuntrika ba upla iwras tasbaya daukan, piu sut sirang wan iki pliska takan. Upla bahak lui auya ba sut sirang iwi ai lal wauhisa.

Jirimaya 25:11

Naha kuntrika aiska na sauhki tikan slingban bâra kabia. Piua ba 70 mani kabia naha nisanka nani bani ba Babilon kingka munhtara kabia.

Jirimaya 30:11

Yang, Dawan, kasak aisisni man nani wal sna swaki mai sakaia. Nisan nani ba sut slingbamna baha nani tilara mai yakabri ba. Sakuna man ra lika mai slingbamna apia; klala lika maikamna, mana briaia sma ba kat: klalkam ba maikras lika mai swimna apia.”

Jirimaya 4:20

Diara sauhki tiki ban auya sturka ba walaisna; kuntri aiska ba sauhki tikan sa. Yang kiamki nani ba sin pat pali sauhki tikan kabia, yang waitla papakni nani kata ba sin slingban kabia.

Jirimaya 4:7

Layan ba ai watla wina pat takan, nisan nani sauhki tiki ba pat yabal ra aula; ai tasbaya wina taki aula man kuntrikam ba sauhki tikaia, tawanka tara nani ba slingbi, pura paski bîla man swiaia.

Jirimaya 44:6

Baha dauki ai munan kupi baiwan bara lawi daukri, bara bal Juda tawanka nani ba pauta klauhan ni angkuna, Jerusalem tawan yabalka ba sin. Nanara baha nani aisawan upla iwras tasbaya bîla man ban sa naiwa kat.

Jirimaya 46:28

Yang Dawan, kasak aisisni: duki dadaukra, Jekob uplika nani, si bripara, kan yang lika man nani wal sna. Baha nisanka nani tilara mai yakabri ba sut sauhkamni. Man lika mai sauhkamna apia; klala briaia sma klalka ni baman maikamna, wapni mai daukaia dukiara.”

Jirimaya 5:10

¡Bamna ai waihla nani ba bal nasla ra dimi wain kiwka nani ba palkbia, sut pali sauhki tikras kabia kra! ¡Tnawa nani ba krikbia, kan yang wainki nasla apia takan bamna!

Jirimaya 5:18

Dawan ba kasak aisisa: “Ban sakuna, baha yua, witin nani sut ba âpu pali daukamna apia.

Jirimaya 7:34

Yang daukamna Juda tawanka nani ba bara sin Jerusalem tawanka yabalka nani ra lilia dauki aiwananka ba, maya baiki lawana nani aiwani ba sut lap tiwaia; tasbaya aiska ba upla iwras tasbaya baku bîla man swimna.”

Jirimaya 9:11

“Jerusalem ba walpa nani ni pura paskanka tara kum daukamna, yul wail sâtka nani watla takbia; Juda tawanka tara nani ba upla iwras tasbaya kum daukamna.”

Inanka Nani 2:7

Dawan mita ai altarka ba bahki kulkan bara Dawan wal prawaia watla ba sut tikan; bara kutbanka tara kata ba sut, witin bui waihla nani mihta ra mangkan. ¡Ini yahwi binka tara kum sin takisa Dawan tempelka ra, liliaka yua tara kum ra baku!

Isikiel 11:13

Dawan nina yang bui man nani ra kau aisi kapri, Pelatías Benaías luhpia ba kauhi pruan. Bara yang maiwanra tasba kangbaia kat bawri, bara bîli baikra tara saki winri: “¡Ay, Dawan! ¿Israel kiamka wiria takaskan ba âpu daukaisma ki?”

Isikiel 20:17

Ban sakuna, umpira kaikri bara sauhki tikaia ba aitani apia kaikri bara upla iwras tasbaya ra âpu daukras kapri.

Isikiel 33:28

Kuntri ba upla iwras tasbaya kum sauhki tikan ba baku ra laki swimna, bara ai karnika dukiara ai mayunanka tara bri ba sauhkamna. Israel ilka tara nani ba, upla iwras ilka nani takbia; upla kum sin bâk lubia apia.

Isikiel 6:14

Bara yang mihti sakbamni witin nani mapara klala yabaia, upla iwi tasbaya nani ba waupasa tani wina Riblá yahbra tani kat, kuntrika ba upla iwras tasbaya sibrin wan daukaia tasbaya daukamni. Bâra mika tânka bri banhbia yang sika Dawan sna ba.”

Libait Lâka 26:31

tawankam ba slingbi swimna, aidulka tempelka nani ba yuyaka baman, kîa pain nani bri balma ba kiawalamna apia.

Libait Lâka 26:44

“Baha mai wîri ba sut tilara, waihlam nani tasbaya ra kama ba ra, aiska pali saura mai kaiki, ban pali mai kulki swimna apia. Âpu pali mai daukamna apia, damikam nani wal lâ daukri, Jekob wal lâ daukri ba luki kamna, kan yang sika ai Dawan Gâdka.

Sofonías 1:18

Dawan lawanka ba yua ra, upla silbar bara gul bri ba mita swaki sâkbia apia, kan Dawan kupia baiwanka pauta klauhan baku ba mita, kuntrika aiska ba âpu daukbia. ¡Tasba ra iwi nani ba sut, wan nakra klipan kumi ra âpu daukan kabia!