Jirimaya 4:2 - DAWAN BÎLA AISKA

² baku bamna yang nini bri swer takma, rait ba wal, kasak lâka ra bara wapni lâka ra sin. Yang nini ba mita nisan nani ra, yamnika yabia bara mayunaia tânka takbia.”

Jirimaya 4:2 ပူးပေါင်းရင်းမြစ်များ

Blasi Sturka 22:18

bara man kiamkam ra praki nisan wala nani sut tasba aiska ra bâra ba sin yamnika yan kabia, man bui yang bîli wali daukram ba mita.’

1 King Nani 3:6

Bara Salaman bui win: “Man bui albikam aisiki Debit ra kupia yamni lâka tara pali daukram, kan witin lika man mamwanra pain tauki kan kasakka lâka ba kat, ai kupia sin wapnikira pali. Bara man bui ban yamni main kaiki brisatma, witin ai luhpia kumi ai king iwaika ra iwaia naiwa yua ra taki ba baku.

Lawana Nani 72:17

¡King nina ba ban kaia ra ban bâra kabia! ¡Ai sturka ba wan yu ingnika baku kabia! Nisan nani sut tasba aiska ra ba witin wina yamnika bribia. Bara nisan nani sut ba wibia lilia pali sa.

Lawana Nani 99:4

Man ba king kum karnakira sma, man sin kasakka lâka ra latwan kaikisma man bui bapram, wal baku kaia lâka ba; Jekob luhpia nani ra, kasakka lâka ba bara wapni kaia lâka ba sin.

Aiseya 45:23

Yang nini mâki swer takri ba, yang bîli dîa takan ba pura luan lâka ra bara baha ba kli ai ninara tawbia apia: lula nani sut ba yang ra ai lula krikan kabia, bara twisa bani sin swer takbia.

Aiseya 45:25

Israel luhpia nani sut yang ra tingki kabia, witin nani pura lalura nani takbia bara yang dukira tara ai dara wali kabia.”

Aiseya 65:16

Ya ya kabia naha tasba ra yamni munaia lâka plikbia ba, Gâd kasakkira ba mita yamni munan kabia; bara ya tasba ra swer taki aisin kabia ba, Gâd kasakkira ba nina ra swer takbia. Blasi sarka lâka bâra kata ba sut âuya tiwan kabia, baha nani sut nakra nani wina yukukan kabia.

Jirimaya 10:10

Dawan sika Gâd pali ba, Gâd ai rayaka bri ba, king ban ba. Witin ai kupia baiki ba ra tasba nikwisa; ai kupia baiwi ba mapara nisan nani sip bapi buras.

Jirimaya 12:15

Baha daukamna ningkara kli yang kupi kriwan takbia witin nani ai sarka, bara witin kli ai kuntrika ra ai tasbaya ra balaia daukamna.

Jirimaya 12:16

Witin nani mita saki yang upliki nani ba Baal ra swer takaia smalkan ba, sakuna nanara upliki nani tilara iwaia sip kabia, upliki nani nini mâki maiyuni ba witin nani sin aitani lukbia bara nini bri swer taki aisabia: ‘Dawan raya ba mita.’

Jirimaya 16:19

Dawan, yang karniki bara kaini kakahbra, yang yukuwaiki trabil brisna piua ra; nisan nani ba man ra balbia, tasba paskanka takaskan ba wina bal, bara mai wibia: “Kunin gâdka nani, diara bahki, karnika âpu nani ba baman, damiki nani ba ai dukia kukanka baku brin.

Jirimaya 3:17

Baha yua ra Jerusalem ba Dawan iwaika tawanka mâkan kabia; nisan nani sut ba bahara aidrubi kabia yang ra tara ai kulkaia, witin nani kau ban ai lukanka kat ai brinka karna nani ba kat luki tniwi kabia apia.

Jirimaya 33:9

Jerusalem ba yang liliaki tawanka takbia, nisan nani sut nakra ra pain kaikbia prana kabia tasba ra. Nisan nani walbia upla nani aisi kabia, yamniki nani sut Jerusalem uplika nani ra yabi kamna ba ra, yu yamni nani kli yamna ba ra, witin nani sibrin dauki tatatwi kabia.”

Jirimaya 5:2

Upla ailal bâra sa Dawan nina ra aisi swer takisa, sakuna witin nani kunin man aisisa.”

Jirimaya 7:5

‘Man nani rayakam lâka warkkam nani ba yamni daukma kaka, walkam aikuki sin kasakka lâka daukma kaka;

Jirimaya 9:24

Upla kum aimayunaia brin daukisa kaka, yang ai kakaira taki bara witin aimayunbia, witin tânka bribia yang sika Dawan sna ba, yang latwan kaiki tasba ra diara daukisna, kasakka lâka, wapni kaka ni, yang baha daukaia sika yamni kaikisna. Yang, Dawan, kasak aisisna.”

Oseas 2:19

Israel, yang mayi mai daukamna ban kaia ra, bara man mayi aihwa pali kakma, lâ tânka kat, kan latwan pali mai kaikisna bamna.

Joel 2:12

“Sakuna nanara —Dawan naku param pali aisisa—, man nani kupiam brinka aiska kira, kli yang ra tawi bal. ¡Kaiki plun wahwi banhs, kisbi wini banhs, bara sin namkra laya sarikira bal!”

Sakaraya 8:8

bara Jerusalem kat brih wamna bahara iwbia wisi. Baku ba ra witin nani ba yang upliki kabia, bara yang lika ai Gâdka kamna, kasakka lâka ra bara lâ wapni daukaia lâka ra sin.”

Malaquía 1:11

Nisan nani sut tasba aiska ra yang na tara ai kulkisa; ani anira yang na tara ai kulki bamna, diara kîa yamni angki Dawan sna ba bara kulkanki ba aikisa.

1 Korint 1:31

Baku bamna, Ulbanka ra wi ba baku: “Ani uplika aimayunan daukisa kaka, Dawan mita daukan ba dukiara aimayunaia sa.”

2 Korint 10:17

Upla kumi aimayunan daukisa kaka, witin Dawan dukiara lika aimayunaia sa.

Galesha 3:8

Bamna kaina piua wina ulban sa, Gâd lika Ju apia nani ba, kasak lukan tâka mita kasakkira kulkan kabia, bara kaina piua wina naha sturka painkira na, Ebraham ra maisa paki win: “Man tamka mita, nisan nani sut ba yamni munan kabia.”

Kli Smalkanka 10:20

“Dawan Gâdkam bîla wali dauki bas, bara witin ra baman mayuni bas; man nani kasak bas, witin ai nina ra baman swer taki bas.

Kli Smalkanka 4:30

Man nani naha pâtka inanka wina luma, bara Dawan ra tawi bal ai bîla wals.

Kli Smalkanka 6:13

Dawan Gâdkam ra mayuns bara witin warkka baman dauki bas, bara swer takaia kaka, Dawan nina ra baman dauki banhwi bas.

Pilipai 3:3

Kan yawan sika kasak pali Aisa sainka brin, yawan nani Spirit bâk Gâd ra wan pura suni mayuni ba, bara yawan Kraist Jisas ra bamna sika lilia banhwisa. Yawan lika wan wîna tara ra dauki dukia ba ra kasak lukras.

Rut 3:13

Man naha tihmia nâra bas. Yauhka titan baha waitnika mai briaia wibia kaka, baku takbia. Sakuna witin mai briras kaka, yang bui Dawan mawanra mai wisna, yang mai brimna. Bamna yapi bas.

1 Samuil 20:3

Sakuna Debit kli kli aisi, win: —Papikam kasak tânka brisa, man bui yang ra yamni lukisma ba, bamna witin brin daukras sa man naha tânka brima bara kupia wirha takaia. Sakuna yang lika Dawan nina ra, man ra swer taki aisisna, kau mini kum bukamna ba prura kat taibaia sna.