Jirimaya 4:14 - DAWAN BÎLA AISKA

¹⁴ Jerusalem, saura wina kupiam tâski âpu dauks, baku lika man swak takma. ¿Ahkia kat man nani lamla ra ban diara warha baman luki kaiki kama?

Jirimaya 4:14 ပူးပေါင်းရင်းမြစ်များ

Lawana Nani 119:113

Ai mawan wâl bri uplika nani ba, yang saura misbara kaikisni; sakuna man smalkankam lika latwan kaikisni.

Lawana Nani 51:2

¡Watawiki ba wina sikbi ai sâks! ¡Saurki ba wina sin sikbi ai sâks! Kupiam swapnika lâka tara ni.

Lawana Nani 66:18

Yang lukanka saura briri kata kaka, Dawan ba ai walaia apia kan;

Sins Lâka 1:22

“Sins tânka aitani briras wahmika nani, upla lawaska kakikra, nani bara taniskira nani ba, ¿ahkia kat sins tânka aitani briras lâka ba ra ban lihki kama, bara lilia sâkma lawaska kiki banhwi ba wina, bara sins tânka ra misbara kaikma?

Aiseya 55:7

Saurakira ai yabalka ba yarka swibia, bara upla watawikira ba sin ai kupia lukra nani ba swibia; bara man nani lika Dawan ra kli tawi bal, witin nani umpira kaikan lâka bribia; yawan wan Gâdka ra, witinka wan saurka swi tikaia lâka tara bri ba.

Jirimaya 13:27

Yang mai kaikri man nahki rug lâka dauki ailihki kapram ba, swiram dauki ur taki saura taukram ba, daukankam saura kaikan ai daukras ba dauki kiuhsi nani ra insla nani ra taukram. ¡Jerusalem, sarkam pali ai daukisa!, ¿ahkia kat man tâski ban kaisma?”

Jirimaya 17:1

“Juda, man saura daukram ba sisil ni klaki ayan ra ulban sa, daimans kakma ni klaki ulban man kupiam walpaya ra, altarkam nani aringka ra, ayan sisilka kakma daimans bri ba ni klaki ulban sa.

Jirimaya 18:11

“Bamna wis, Juda uplika nani ra, Jerusalem ra iwi uplika nani ra sin, yang Dawan, witin nani ra wisna: ‘Yang luki kaikisna witin nani mapara diara daukaia; witin nani ba klala yabaia lukisna. Yabal saura ba witin nani mahka swibia; ai daukanka nani bara ai warkka saura nani ba yamni daukbia.’

Jirimaya 2:22

Tâski pali sikbaika ba ni tamya ba sikma sin, sup nani sut brih aihtama sin, saura daukram tâskika ba kaiki ban kamna. Yang, Dawan, kasak aisisna.

Jirimaya 6:19

Tasba, wals: Naha uplika nani ra sauhkaia ba bri balaisna watawika nani daukaia luki daukan ba mana; yang bîli nani aisin ba witin nani baha walras, yang smalkanki nani ba witin kau saura ni kulkan.

Isikiel 18:31

Yang maipara saura daukram sut ba wina tnaya ra taks, kupiam ra spirit raya bris. ¿Dîa muni pruaia kabia, Israel luhpia nani ba,

Sakaraya 8:17

bara pana pana saura munpara, swer taki kunin aisapara. Kan baha sut yang misbara kaikisna. Yang, Dawan, kasak aisisna.”

Matiu 12:33

“Dus yamni ba mâ sin yamni sakisa; bara dus saura ba, mâ sin saura sakisa. Kan dus ba mâ wina ai tânka marikisa.

Luk 11:39

Sakuna Dawan bila: —Man nani parisi nani lika kâp bara plit ba nina tani baman sikbisma, sakuna man nani kupiam ra lika implikan lâka bara diara saura ni sin aibanhwan sa.

Jan 13:9

Saiman Pita bila: —¡Ban kaka, Dawan, mini nani baman sikpara, sakuna mihti nani bara laila sin siks!

Apastil Nani Sturka 8:22

Naha saurka na swi si Dawan ra puram suns, bara ban kra witin baha kupiam ra lukram ba swih tikbia.

Roman 1:21

Bamna baku Gâd ra kakaira sa, sakuna Gâd ra mayunras bara tingki sin wiras. Kau ni diara bahki nani ra baman ai lukanka mangkan, bara witin nani ai kupia tanis ba tihmia ra bamna, ba kat takaskan sa.

1 Korint 3:20

Bara naku sin wisa: “Dawan ba kaikisa, sins lâka kakaira nani lukanka nani ba bahki atia sa.”

Jems 4:8

Gâd lamara man nani was, bara witin lika man nani lamamra wabia. ¡Saura dadaukra nani, mihtam nani ba siks! ¡Bara man nani bui Gâd ra latwan kaikisma, bara sim piua ra tasba ra latwan kaikaia lukisma nani ba, kupiam nani sunu dauks!