Jirimaya 4:1 - DAWAN BÎLA AISKA

¹ Dawan kasak aisisa: “Israel, man kli tawi balaia sma kaka, yang ra sika kli tawi balaia sma. Lilka bahki nani brisma ba misbara kaikisna bara yang wina tnaya ra tawpara,

Jirimaya 4:1 ပူးပေါင်းရင်းမြစ်များ

Blasi Sturka 35:2

Jekob ai taya nani sut witin wal tauki nani ba ra win: —Tringsar gâdka nani sut man nani brisma ba, man nani tilam wina saki lulks, bara aihtabi taki kwala wala dims.

2 King Nani 23:13

Baku sin, king mita tâski kulkan idan nani gâdka bahki nani, Jerusalem lalma ra paski bri kan ba, bara Oliv nani ilka waupasa tani ra bri kan ba, Salaman Israel kingka ba mita paskan, Astarté gâdka bahki ba, Sidón uplika nani bara Quemós bara Moab uplika nani aidulka saura nani ba sin. Milcom bui aidul saura Amón luhpia nani dukiara paskan ba baha nani sut ba sin sauhki tikan.

2 King Nani 23:24

Baku sin Josías ba sukia nani, diara wan kanra takaia nani ba nu wan munisa wisi kunin aisi nani ba, upla nani ai tila kat aidul nani bri kan ba, bara aidul wala saura nani Jerusalem bara Juda wal ai tilara bri kan nani ba sut âpu daukan, baha bîla lâka nani prîs Hilquías mita Dawan watla ra kan sakan ba wauhkataya ra ulban kan ba tânka kat.

2 Kronikas 15:8

Asá naha sturka walan ba ra prapit ba wina, ai kupia karna takan, bara aidul nani aihka saura bâra kan ba Juda bara Benjamín tasbaya ra, bara sin tawan nani Efraín untika pîska ra kan dakbi brin nani bâra kan ba, sut sauhki tikan; bara Dawan altarka kli paskan, baha tempel kutbanka bilara latka mawan kat kan yaba.

2 Kronikas 33:8

Bamna kli aima wala ra, Israel luhpia nani ba sakan kabia apia, baha tasbaya damika nani ra yâri ba wina dîa yang adarka yâri ba dauki kabia kaka, baha sin dîa lâka albiki Moses yan ba daukisa kaka.”

2 Kronikas 34:33

Josías mita Israel tasbaya aiska ra mayunra saura bahki nani dauki kan ba sut tikan, bara upla nani ba Dawan Gâd ra baman yan mayunaia. Bara witin raya kan ba ra, Dawan lâka wina tnaya ra tawi banhras kata, witin lika ai almukka nani Gâdka ba.

Aiseya 31:6

Israel luhpia nani, witinka ra kli tawi bal, witin mapara man nani sîa briras pali buram ba.

Jirimaya 15:19

Bara Dawan pana yang ra aisin: “Man ba yang ra tawi balma kaka, yang sin kli tawi mai brimna bara man lika yang warkki daukma. Aisaia baman luki ban aisisma ba aisaras sakuna yamni kaia ba baman aisama kaka, bâra mika yang aisisna ba aisi uplika ba sika man kama. Witin nani sika man ra balaia sa, sakuna man apia sika witin nani ra waia sma ba.

Jirimaya 15:4

Yang naha upliki nani ra diara daukaisna ba tâka nisan nani sut tasba ra sirang tara iwaia daukamna, Manasés Ezequías lupia waitna Jerusalem kingka kan piua daukan ba tâwan.

Jirimaya 18:11

“Bamna wis, Juda uplika nani ra, Jerusalem ra iwi uplika nani ra sin, yang Dawan, witin nani ra wisna: ‘Yang luki kaikisna witin nani mapara diara daukaia; witin nani ba klala yabaia lukisna. Yabal saura ba witin nani mahka swibia; ai daukanka nani bara ai warkka saura nani ba yamni daukbia.’

Jirimaya 24:9

Yang daukamna witin nani ba diara saura kaikaia, sirang wan iki ba daukamna, nisan nani sut tasba ra baha kaikbia, mâyara batakaia patrangka kum kabia, saura kulkan bara lahtuban kuntri bani ra yang mita yakabri ba.

Jirimaya 25:5

Witin nani bui man nani ra mai win: ‘Wapankam saura nani ba swis bara daukankam saura nani ba sin swis; bara baku Dawan bui man nani ra maikan bara damikam nani ra sin yaban ba tasbaya ra iwi ban kaia.

Jirimaya 3:1

Dawan aisisa: “Waitna kum ai maya swibia bara mairka ba witin swi si, waitna wala ai maya bribia, bara witin ra swin waitnika ba kli bal mairka ba bribia apia. ¡Baku daukbia kaka naha kuntrika ra lâ krikanka tara takbia! Ban sakuna, Israel, man, liliam nani ailal wal ur takram, ¡bara nanara lika kli yang ra tawi balaia lukisma! Yang, Dawan, kasak aisisna.

Jirimaya 3:12

Man was bara mamwan yahbra tani ra kaiki naha bîla aisisna na wis: ‘Dawan kasak aisisa: ¡Israel maipara babura, kli yang ra tawi bal! Lawi mai daukamna apia, kupi baiki ban kamna apia, yang kupi yamni sa. Yang, Dawan, kasak aisisna.

Jirimaya 3:14

Dawan kasak aisisa: “Maipara babura kiamka nani kli tawi bal, yang sika man nani Dawankam. Tawan kumi bani wina upla kum brimna, kiamkam kumi bani wina sin upla wâl, bara baha nani ba kli Saion ra blikamna.

Jirimaya 3:22

Maipara babura kiamka nani, yang ra kli tawi bal, man nani maipara buisma sikniska ba wina mai rakamna.’ ” “Bahamna yang nani lika man ra balri, nâra sna, kan man sika yang nani Dawan, Gâdki.

Jirimaya 35:15

Yang bui man nani ra prapit kumi blikri, kli wala blikri, albiki prapit nani sut blikri mai wiaia: Man nani natkam saura nani ba daukankam saura nani ba swiaia. Man nani lika gâd wala nani ninara waia apia, baha nani ra sin mayunaia apia, bara baku man nani damikam nani ra baha tasbaya maikri bâra iwi kaia sip kama. Sakuna man nani bui yang ra walras, bîli wali sin daukras.

Jirimaya 36:3

Ban kra Juda uplika nani tânka bribia baha pâtka nani sut witin ra blikaia lukisna ba, witin nani ai daukanka saura ba swibia kaka, witin nani ai watawanka saura daukan pâtka nani ba ban swih tikamna.”

Jirimaya 4:4

Juda Jerusalem wal uplika nani, man nani Aisa sainka bris bara Dawankam ai kulks, wal lâ daukan lâka ba kupiam ra bris; baha apia kaka, man nani daukankam saura nani ba mita, kupi baiwanka ba pauta klauhi baku mai angkbia, aswi kabia, upla kumi sin sip daskbia apia.

Jirimaya 7:3

Dawan karnika sut bri, Israel Gâd ba, aisisa: ‘Rayakam lâka warkkam nani ba man nani yamni dauks, bara yang ban mai swirka man nani naha tasbaya ra kau ban iwi kama.

Jirimaya 7:5

‘Man nani rayakam lâka warkkam nani ba yamni daukma kaka, walkam aikuki sin kasakka lâka daukma kaka;

Jirimaya 7:7

bara baku lika naha tasbaya damikam nani tasbaya ban kaia yabri na ra ban mai swirka nâra kama.

Isikiel 11:18

Witin nani kli tawi balbia ningkara, ai kuntrika ra diara saura nani dauki ba sut âpu daukbia, diara yamni apia nani witin ra ba sin.

Isikiel 18:13

lalah upla ra lin munisa lukan tâski wal bara kau pura praki kulkaia dukiara; baha waitnika ba raya kabia apia. Baha ningkara naha dukia nani sut daukan ba, yang yamni kaikras na ba, rawaia apia, pruan kabia; bara witin klauna ai pâtka kabia ai prurika ba.

Isikiel 43:9

Nanara yang wina laihura sâkbia kaka, apia kaka ai kingka nani lilkika kusbi paskanka ba, bara yang lika witin nani tilara iwamna ban kaia ra.

Oseas 14:1

¡Israel, Dawan Gâdkam ra, kli tawi bal, man saura daukram ba tâka mita sika kauhram ba!

Oseas 2:2

Dawan aisi wisa: “¡Man nani yaptikam lâka aisi dauks, dahra sâks, kan witin ba, yang mayi apia takan sa, yang sin witin ai maya waitna apia sna! ¡Ur mairin lâka ba swibia ai waitnika nani ba, ai lamkuka wina saki batakbia!

Oseas 7:16

Witin nani aidul nani ra tawi wan; witin nani trisba warha kum baku sa, mark ra sabaia lulki ba kat sabras. Upla ra swira dauki bîla nani aisin tâka, wihta tara nani ba sut sord ra prubia, bara Idsip uplika nani ai lawaska kikbia.

Joel 2:12

“Sakuna nanara —Dawan naku param pali aisisa—, man nani kupiam brinka aiska kira, kli yang ra tawi bal. ¡Kaiki plun wahwi banhs, kisbi wini banhs, bara sin namkra laya sarikira bal!”

Sakaraya 1:4

Damikam nani daukan baku daukpara, prapit nani kaina piua ra kan nani ba bui yang bîli witin nani ra smalkan, ai natka saura, ai daukanka saura nani ba mahka swiaia, sakuna witin nani lika yang bîli walan daukras kan, bara baku sin tawi ai kaikras kan. Yang, Dawan, kasak aisisna.

Kli Smalkanka 27:15

‘Diara papaskra nani mita ayan slilki aidul lilka kum paski tihmia pliska kum ra swika bâra kabia lahtubanka dukiara, kan baha ba Dawan saura kaikisa.’ Bara upla wibia: ‘Baku kabia.’

Kli Smalkanka 4:30

Man nani naha pâtka inanka wina luma, bara Dawan ra tawi bal ai bîla wals.

Jasua 24:14

—Naha sut ba mita, man nani bui Dawan ra pain kulks, bara ban kasak ai dukia dauks kupiam wina, bara ai lâka aiska kulks. Damikam nani gâd bahki nani ra Éufrates awalka un ra bara Idsip ra mayuni kata ba wina dakwi taks, bara Dawan dukia dauki banhs.

Wihta Nani 10:16

Bara witin nani idan gâdka bahki nani ba mahka ai tila wina slingbi saki si Dawan ra mayunan, bara Israel luhpia nani pât wahwi ba kaiki, bara Dawan kau ban sip ai kupia karna daukras kan.

1 Samuil 7:3

Bahamna, Samuil Israel luhpia nani sut ra win: “Man nani kupiam aiska kira kli Dawan ra tawma kaka, tringsar nani gâdka Astarté ba kli tilam wina saki lulkma, rayakam nani Dawan ra yama bara Dawan ra baman mayuni kama kaka, baku lika filisteo nani karnika wina dakbi mai sâkbia.”