Jirimaya 39:1 - DAWAN BÎLA AISKA

¹ Sedequías ba Juda ra pat 9 mani king kan, baha manka ra kati matawalsip aimakan ba ra, Babilon kingka Nabucodonosor aiklabaia uplika nani ba sut aikuki Jerusalem mapara aidrubi bal, tawan ba kutban.

Jirimaya 39:1 ပူးပေါင်းရင်းမြစ်များ

2 Kronikas 36:17

Bara Dawan ba witin nani mapara Caldea kingka ba blikan, bara wahma nani sut skiru wal ikan tempel bîla kat. Wahma nani ra umpira kaikras, mairin nani ra sin, almuk nani, skahwa nani ra sin kulkras kan, baha nani sut ba Dawan bui ai mihta ra mangkan kan.

Jirimaya 32:1

Dawan aisin Jirimaya ra mani matawalsip Sedequías Juda kingka lâka piua ra, mani 18 Nabucodonosor kingka lâka piua nani ra.

Jirimaya 34:1

Nabucodonosor, Babilon kingka kan ba piua ra, aiklaklabra nani witin bri kan ba, bara nisan wala nani ai kingka lâka ra kan ba aiklaklabrika nani ba sin sut asla brin, bara Jerusalem mapara aiklabi kan, tawan nani baha lamara ba mapara sin, baha piua Dawan Jirimaya ra aisin, bara win:

Jirimaya 34:22

Witin nani ba blikaisna naha tawanka na mapara bal aiklabaia, tawanka na bribia bara pauta ni angkbia. Juda tawanka wala nani ba sin upla iwras tasbaya daukamna. Yang, Dawan, baha kasak aisisna.”

Jirimaya 42:18

“Dawan karnika sut bri ba, Israel Gâdka, aisisa: ‘Yang lawanki kupi baiwanka laptika Jerusalem uplika nani ra alkan ba, baha baku man nani mampara sin takbia, ban Idsip ra wama kaka. Man nani ninam ba lahtuban uplika nani mâkbia, upla ra sirang ikaika takma, naha tasbaya ra sin kli tawi balma apia.’

Jirimaya 52:1

Sedequías 21 mani bri kan king lâka ba brin, witin 11 mani Jerusalem ra king kan. Yaptika nina Hamutal, Jirimaya luhpia mairin, Libná tawanka wina kan.

Jirimaya 6:6

Karnika sut bri Dawanka ba win naku daukaia: “¡Man nani dus nani ba klaki baps, kainam kahbaika dauks Jerusalem mapara aiklabaia! Tawanka ba pât ra lakan sa klala yabia taiban lâka ni banhwan bamna.

Isikiel 33:21

Yang nani tasba wala ra ai brih wan ba wina mani 12 alkan, baha manka ra kati matawalsip bara yua matsip aimakan ba ra, Jerusalem wina waitna kum plapan kan ba balan bara ai win tawan ba waihla mihta ra kauhan.

Isikiel 4:3

Baha ningkara ayan ni kaupin kum Jerusalem lilka ba bahara man bâra sma ba wal lila kat paskma, tawan kutban tnaya baku, bara man tawan ba mawanra bus, man mita aiklabisma baku prais. Baha ba Israel luhpia nani ra smalkaia lilka kabia.

Isikiel 40:1

Baha katka yua matawalsip ra mani raya katka, Dawan ai mihta ba yang purira mangkan bara diara aihka kaikan kum ra Israel tasbaya ra ai brih wan. Pat 25 mani baku yang nani Babilon ra alba katna, Jerusalem batakan ba wina lika 14 mani bri kan. Israel tasbaya ra, il purara pali kum ra Dawan mita ai sunan, bara baha wina yang waupasa tani ra kaikri utla pali man mâkan baku tawan tara kum baku.

Isikiel 5:2

Tawan ba sauhki lubia ba ra, tâmwa mânka kum ba tawan lila kat angks; ba ningkara skiru kum bris tâmwa mânka wala ba klaki dauki tawan aiska ra yakabi swis, bara wala mânka yumhpa lika pâsa ra lulks. Bara yang lika upla nani ninara tawan ra wamni, mihti ra sord kum brih ki.

Sakaraya 8:19

“Kati 4 ra, kati 5 ra, kati 7 ra bara kati matawalsip ra man nani plun piras puram suni katma ba, nanara lilia briaia yua ra tawbia, Juda kiamka nani lilia briaia yua ra tawbia. ¡Bamna man nani latwan kaiks, kasakka lâka ba, kupia kumi lâka ba sin!”

Kli Smalkanka 28:36

“Dawan mita man bara kingkam ba sin nisan wala ra yaka brih wabia, man nani bara man nani damikam nani sin kaikras kan ba, bahara gâd wala nani walpa dus ni daukan ba warkka dauki kabia.