Jirimaya 38:6 - DAWAN BÎLA AISKA

⁶ Bara witin nani Jirimaya ba alki wihta tara Malquías laya watla ra mangki swin, aihwawakra latka ra bâra ba. Lî watla ba lî âpu drapapa baman kan, bara witin kialira ni witin ba wilki bâra lahban, bamna Jirimaya drapapa ra rungwan.

Jirimaya 38:6 ပူးပေါင်းရင်းမြစ်များ

Blasi Sturka 37:24

Bara liwanhta pakni kum bîla man lî âpu kan ba ra dingkan.

Lawana Nani 109:5

Saura ba ni yamni ba mana ai aibapan, bara kupi latwanka ba mana sin pana misbara ni ai kaikisa.

Lawana Nani 40:2

baku sin, yang ra prura aula ba wina swaki ai sakan, drapapa ra dimuna ba wina swaki ai sakan. Mini nani walpa ra sunan, mini taibanka ra karnika yan.

Lawana Nani 69:2

Luklukia tihu ra dimi auna, bara mini pan taibi, tâi baikaia sin sip apia sni; baku sin lî tihuka ba kat iwi wari, bara lî aubrika ba bui ai raski ai brih auya.

Jirimaya 32:2

Baha piua ra Babilon kingka suldiarka nani Jerusalem mapara aiklabi kata, bara Jirimaya ra priski swin kan suldiar mita king watla ra ba latka ra.

Jirimaya 36:26

sakuna witin tawi king kiamka luhpia kum Jerahmeel ra adar yan, Seraías ra sin, Azriel luhpia waitna ba, wala Selemías Abdeel luhpia waitna ba ra sin adar yan, prapit Jirimaya ba, wauhkataya âiulbra Baruc sin silak ra mangkaia. Sakuna witin nani ba Dawan mita yukukan.

Jirimaya 37:16

Piua wihka Jirimaya tasba unta sialaka watla ra kan.

Jirimaya 37:21

Bara king Sedequías win Jirimaya ba king dimi watla latka ra aihwawakra bâra ba ra swibia, bara yabal ra brit angki ba wina yu bani brit kum bri si yabi kabia. Witin nani win baku dauki kabia yabal ra brit nani angki ba piua ra. Bara baku Jirimaya king watla latka ra bâra kan.

Jirimaya 38:13

Bara waitna nani kialira ba lulkan bara Jirimaya baha wina sakan. Baha ningkara, Jirimaya aihwawakra latka ba ra takaskan.

Jirimaya 38:22

mairin nani sut Juda kingka watla ra kan ba Babilon wina aiklaklabra wihtka nani ba bal saki brih wan kabia, bara mairka nani ba naku aisi kabia: ‘King ai uplika nani kau pain bri kan ba mita tawi kunin muni pura luan; mina ba drapapa kat dingkaia dauki si ai nina tawi mahka wan.’

Daniel 6:16

Bamna king bui win, Daniel ba bri sal layan nani watla ra lulkan kabia. Sakuna kau layan nani watla ra lulkras kan ba ra, king bui Daniel ra win: —¡Gâdkam, man witinka dukia kasakka tânka ra daukisma ba mita, swaki mai sâkbia!

Sakaraya 9:11

Dawan naku aisisa: “Jerusalem, man tala laiki lâ daukram ba mita, liwanhta lâwan ra uplikam nani silak ra mangkan bâra ba, yang baha wina sakamna.

Apastil Nani Sturka 16:24

Silak watla main kakaira baha adarka brin ba ra, Pal bara Silas wal ba silak watla bîla un pali tani kat bri si, mina nani sut dus unta daukan ba ra dingki priskan.

Hibru Nani 10:36

Man nani ba wihka bîla kaikaia lâka want sma, bara baku mika sip kama Gâd kupia lâka ba kat dauki, witin mita dîa pramis daukan ba briaia.