Yang pat luki kaikri naha tawanka na purara saura ba briaia. Babilon kingka ba mihta ra mangkaia, bara witin mita pauta ba mukbia. Yang, Dawan, kasak aisisna.
“Sedequías ra wis Dawan, Israel Gâdka ba aisisa: ‘Yang daukaisna tawan kutbanka lata tani ra, man nani daknikam Babilon nani Caldea uplika nani mapara aiklabi ba kli ai ninara tawaia, bara baha nani sut tawan lila kat asla daukamna.
Ya tawan ra takaskbia ba war ra prubia, apia kaka sanglang mita siknis mita sin kra. Sakuna, ya naha wina taki Caldea uplika nani tilara dimbia kaka witin nani nanara tawan mapara aiklabi ba aikuki, witin prubia apia; ai rayaka ba pan swaki sâkbia.
(Dawan aisisa baha kingka Debit iwaika ra iwi kingka ba dahra, bara baha tawanka ra iwi uplika nani dahra ba sin, witin nani ba man nani tamya, sakuna witin nani ba man nani baku tasba wala ra brih waras kan: