Jirimaya 38:2 - DAWAN BÎLA AISKA

² “Dawan aisisa: ‘Tawan ra takaskbia uplika nani ba aiklabi ikbia, sanglang prubia, siknis alki prubia. Sakuna ya bal taki Caldea uplika nani wal wabia ba, ai rayaka ba pruras swak takbia.’

Jirimaya 38:2 ပူးပေါင်းရင်းမြစ်များ

Jirimaya 21:4

“Sedequías ra wis Dawan, Israel Gâdka ba aisisa: ‘Yang daukaisna tawan kutbanka lata tani ra, man nani daknikam Babilon nani Caldea uplika nani mapara aiklabi ba kli ai ninara tawaia, bara baha nani sut tawan lila kat asla daukamna.

Jirimaya 24:8

“Sakuna Sedequías, Juda kingka ra, wihta tara nani bara Jerusalem uplika nani ra, baha kuntrika ra takaski, Idsip ra iwan ba ra lika kwah mâ aisawan ra kaiki baku kaikamna, saura bri bara piaia sin sip apia ba baku.

Jirimaya 27:11

Sakuna natka wala ra, Babilon kingka ra bawbia nisanka ba lika, witin nani tasbaya ra yang ban swimna, bahara takaski insla dauki kaia. Yang, Dawan, kasak aisisna.”

Jirimaya 27:13

¿Dîa brinka mita man uplikam nani aikuki war aula ba tâka, sanglang ra bara siknis ra sin pruaia sma? Kan Dawan pat aisin baha nisanka nani sut ra Babilon kingka ra bawras ba baku takbia.

Jirimaya 29:16

(Dawan aisisa baha kingka Debit iwaika ra iwi kingka ba dahra, bara baha tawanka ra iwi uplika nani dahra ba sin, witin nani ba man nani tamya, sakuna witin nani ba man nani baku tasba wala ra brih waras kan:

Jirimaya 29:18

War ni, sanglang ni, siknis ni yang bui witin nani ra blikaisna. Yang daukamna nisan nani sut ba mita witin nani ra diara saura kaikan wan daukras dukia baku daukamna, lahtuban swira daukan patrangka kum kaia daukamni, diara kum sirang wan iki sibrin wan dingki ba baku daukamni, nisan nani bani kaikbia witin nani ra yakabamna ba.

Jirimaya 34:17

Baku bamna, yang Dawan sna ba, naku wisni: Man nani ba yang bîli wali daukras, Ju tahkia alba nani ba pri swiras sma; baha ba mita, yang sin war ba pri swiaia sna, siknis nani ba, plun wahwaia ba sin man nani ra balbia king lâka tasbaya aiska ra sibrin tara kabia man nani ra. Yang, Dawan, kasak aisisna.

Jirimaya 39:18

Mai ikaia luki nani ba mihta wina swaki mai sakamna. Pruras swak takma, man ba yang ra kasak lukram bamna. Yang, Dawan, kasak aisisna.’ ”

Jirimaya 42:17

Sakuna man nani walras ban Idsip ra wih iwaia lukisma nani ba sut, bahara war ra siknis ra bara sanglang ra pruma. Upla kumi sin raya kabia apia; pât blikamna ba wina upla kumi sin plapi swak takbia apia.’

Jirimaya 42:22

Baha mita, man nani pain tânka bris war ra, sanglang mita, siknis mita, ani ani kuntrika ra man nani iwma ba bâra pruaia sma.”

Jirimaya 44:13

Idsip ra iwi nani ba klala yabri Jerusalem ra iwi nani ra klala yabamna ba baku, war, sanglang, siknis blikamna.

Jirimaya 45:5

¿Man baman diara painkira kum makabaia lukisma? Baku kaka makapara, kan pât nani ba upla sut purara yang blikaisna. Sakuna diara kumi baman mai daukamna: ani anira wama ba mai swirka pruma apia, raya kama. Yang, Dawan, kasak aisisna.’ ”

Isikiel 14:21

“Yang Dawan sna ba, naku wisni: Kau saura kabia Jerusalem mapara klala saurakira walhwal blikamna piua ra: war, plun wahwan, daiwan wail nani bara siknis saura nani, bara ikri upla bara daiwan nani sut ba.

Isikiel 6:11

Dawan bui ai win: “Man mihtam pruki minam tingbi ins; wini ins Israel watawika lâka saura daukan latwanka ba mita, war, plun wahwan bara siknis nani tâka witin prubia.

Isikiel 7:15

Latara war bâra sa, bara bilara siknis bara plun wahwan. Ya twi langni ra ba, war ra prubia, bara ya tawan bilara ba plun wahwan bara siknis mita ikbia.