Jirimaya 38:17 - DAWAN BÎLA AISKA

¹⁷ Bara Jirimaya Sedequías ra win: —Dawan karnika sut brisa, Israel Gâdka ba, witin aisisa: ‘Man Babilon aiklaklabra wihtka nani mihta ra aimakma kaka, man rayakam man wamtla bîla uplika ra yaka sut swaki sâkma, bara naha tawanka na sin angkan kabia apia.

Jirimaya 38:17 ပူးပေါင်းရင်းမြစ်များ

Blasi Sturka 12:13

Bamna man tâmwan yang ra ai ikbiara sîa, pliskam man bui witin nani ra wis, yawan wal wan lakra sa.”

2 King Nani 24:12

Bamna Joaquín Juda kingka ba mapara taki balan, witin, ai yaptika, ai albika nani, ai wihtka tara nani sut aikuki, bara Babilon kingka mita priski banhwan. Naha na Nabucodonosor king aimakan ba wina pat 8 mani bri kan.

2 King Nani 25:27

Mani 37, kati 12 bara yua 27 alkan kan, king Joaquín Juda wina ba alki silak ra mangkan ba wina; bamna naha piua ra Babilon ra, Evil-merodac ba king aimakan, witin Joaquín ra uba latwan kaikan bara silak wina sakan.

1 Kronikas 17:24

¡Yarka man dîa aisaram ba kasak aimakbia, bara ninam ba sin ban kaia ra tara kulkan kabia. Bara aisabia Dawan karnakira ba Israel Gâdka sa, witin ba kasak pali Israel Gâdka pali kabia! ¡Nampakan Debit taika karnika ba man mamwanra ban bâra kabia kainam kahbanka ba wal!

Esdras 9:4

Baha nani Israel Gâdka klalka sibrinka bri nani ba, upla nani kangbi sakan kan kli tawi balan nani ai saurka daukan ba tâka mita, witin nani ba yang ra balan, sakuna yang kupi wirha ban kan, sakripais daukaia piua ba kat.

Job 23:13

Witin dîa kum daukaia brin daukisa kaka, daukbia, diara âpu sa baha ba takaskaia.

Lawana Nani 80:14

Gâd karnika sut bri ba, kli tawi bal, pliskam; kasbrika purara ba wina wan kaiks, bara naha wainka kiwka dukiara, man nani luki kaiks,

Lawana Nani 80:7

Gâd karnika sut bri ba ¡wan dauks yang nani dîa katna ba baku! ¡Namkra ra yamni wan kaiks bara swaki wan sâkma!

Jirimaya 27:12

Yang, Jirimaya, baha kli kli aisari Sedequías Juda kingka ra, bara baha purkara sin wîri: “Man nani Babilon kingka uplika nani karnika bri ba ra baws, bara man nani raya kama.

Jirimaya 27:17

¡Witin nani aisi ba walpara! Man nani Babilon kingka ra baws bara man nani raya kama. ¿Dîa brinkam bâra sa ki naha tawanka na slingwi aipaswan baman takbia ba?

Jirimaya 27:8

Sakuna tila nisan nani king Nabucodonosor bîp lal ra mangkaika dusa bri ba ra bawras sa kaka, baha nani yang klala yabamna, war blikamna, sanglang iwbia, siknis yarka baha nani sut ra alkbia, witin ai lâka ra bawbia ba kat. Yang, Dawan, kasak aisisna.

Jirimaya 38:2

“Dawan aisisa: ‘Tawan ra takaskbia uplika nani ba aiklabi ikbia, sanglang prubia, siknis alki prubia. Sakuna ya bal taki Caldea uplika nani wal wabia ba, ai rayaka ba pruras swak takbia.’

Jirimaya 39:3

Babilon kingka watla ra wihta nani ba, Nergal-sarézer, Samgar-nebó, Sarsequim, kli wihta tara wala Nergal-sarézer sin, witin nani tawan lilara getka ba ra dimi takaskan, wihta tara nani ba sin.

Jirimaya 40:9

Guedalías swer taki witin nani ra sturi kasak ba aisin: “Man nani Caldea uplika nani ra bawaia si briaia apia sma. Man nani kuntrika ra bas, bara Babilon kingka lâka ra iwi bas, bara diara sut man nani ra yamni kabia.

Jirimaya 44:7

‘Baku bamna, Yang, Dawan karnika sut brisna, Israel Gâdka, aisisna: ¿Dîa muni man nani klauna baha mai sauhki tikaia pâtka tara ba puramra bri balaia daukisma? ¿Dîa muni man nani mita Juda uplika nani, waitna, mairin, tuktan nani, bisi baikan lupia nani ba sut pruaia daukisma, upla sut âpu takaia?

Isikiel 8:4

Israel Gâdka prana ba, bahara kan sim yang twi ra yaprisauhkan ra kaikatna baku.

Emus 5:27

Baha tâwan, yang daukamna man nani mai priski mai alki, Damaskus kainara kau laihura mai brih wabia alba mai briaia.” Baku aisisa karnika sut pali bri ba Dawanka, baha sika witin ai nina ba.