Jirimaya 37:15 - DAWAN BÎLA AISKA

¹⁵ Bara baha nani Jirimaya ra kasak lawan, blikan bri si wipaia bara silak watla ra mangkaia Janatan sturi âiulbra ba watla ra, baha watla ba silak watla kan.

Jirimaya 37:15 ပူးပေါင်းရင်းမြစ်များ

Blasi Sturka 39:20

bara witin adar yaban Josep ba alki witin nani bri si silak ra mangkbia, king mita silak ra mangkan ba uplika nani ba tilara swibia. Sakuna ban silak watla ra sin,

2 Kronikas 16:10

Bara Asá ba ai kupia sauhkan bara prapit ra silak mangkan, bara baha piua ra sin tawan uplika kum kum ra sin saura munan.

2 Kronikas 18:26

Witin nani ra wis, yang adar yabisni waitnika ba silak ra mangki bri kabia, plun uya yabia apia, brit lî wal baman, yang pruras kli tawi balamna ba kat.

Jirimaya 18:23

Sakuna, Dawan, man bui witin nani dîa dauki ba sut kaikisma, witin nani bui yang ai ikaia daukan. ¡Watawika lâka pâtka ba swih tikpara, saura daukan ba sin âmya tiwbiara! ¡Yas witin nani man mamwanra kauhbia, kupiam baiwan ra lâ ni dauks!

Jirimaya 26:16

Bara wihta nani ba bara upla wala nani ba sin prîs nani ra bara prapit nani ra sin win: “Dîa tâwan naha waitnika na pruaia pâtka ra lakaia tânka ba âpu sa; witin Dawan, wan Gâdka nina ra yawan ra aisin.”

Jirimaya 32:2

Baha piua ra Babilon kingka suldiarka nani Jerusalem mapara aiklabi kata, bara Jirimaya ra priski swin kan suldiar mita king watla ra ba latka ra.

Jirimaya 37:20

King, nanara yang bui man ra mamkabisna na dauki aik: Man adar yapara kli Janatan sturi âiulbra ba watla ra ai brih waia, kan yang bahara pruamna.

Jirimaya 37:4

Jirimaya ba kau silak ra mangkras kan ba mita upla tila tauki kaia sip kan.

Jirimaya 38:26

Sakuna man naha witin nani ra wis, man naha baman yang ra makabi kapram, yang Janatan watla ra kli mai blikamna apia, man bahara pruaia.

Jirimaya 38:6

Bara witin nani Jirimaya ba alki wihta tara Malquías laya watla ra mangki swin, aihwawakra latka ra bâra ba. Lî watla ba lî âpu drapapa baman kan, bara witin kialira ni witin ba wilki bâra lahban, bamna Jirimaya drapapa ra rungwan.

Jirimaya 39:15

Jirimaya kau Juda ra king watla latka ra silak ra kan taim, Dawan bui witin ra aisin, bara naku win kata:

Matiu 21:35

Sakuna wark tatakra nani mita albika nani ba alki, kumi ra prukan, wala ra ikan, bara wala ra lika walpa ni saban.

Matiu 23:34

Baha mita, yang bui man nani ra prapit nani, sinskira nani bara smasmalkra nani sin mai blikamna. Sakuna man nani mita witin nani tila wina tila nani ba ikma, dus prihni ra sama, wala nani ra lika prias watla nani bilara prukma, bara tawan kum wina tawan wala ra nina bliki rausauhkma.

Luk 22:64

Nakra nani sin praki, makabi walan: —¡Ai wis ya mita mai prukan!

Jan 18:22

Jisas naha aisin ba ra, tempel ra aihwawakra kum bâra kan ba mita, witin mawan kat pruki, win: —¿Man baku pali prîs tara ra aisisma?

Apastil Nani Sturka 5:18

Witin nani apastil nani ba alki silak watla tara ra mangkan.

Apastil Nani Sturka 5:28

—Yang nani bui man nani ra adar maikri, baha waitnika nina mâki kli smalkaia apia, ban sakuna, kaiks dîa daukisma ba. Man nani smalkankam ni Jerusalem aiska banhkram sa, bara sin trai kaikisma baha waitna pruan ba dukiara yang nani na pâtkira ai daukaia.

Apastil Nani Sturka 5:40

Witin nani Gamaliel aisin ba pain walan. Bamna apastil nani ba winan balan, bara wipi muni, win: —Man nani kli pali Jisas nina brih smalkpara. Baha ningkara mahka pri sakan.

Param Marikanka 2:10

Pât wahwaia sma ba si bripara; kan man nani tilam wina kum kum ba dibil mita silak ra mangkbia, sut traikam kaikaia dukiara; bara yu matawalsip man nani pât wahwaia kama. Bamna pruma ba kat kasak bas, bara yang raya kaia kraunka ba maikamna.