Jirimaya 36:7 - DAWAN BÎLA AISKA

⁷ Baha wali ban kra witin nani Dawan ra ai pura sunbia, bara ai daukanka saura nani ba swibia, kan Dawan ai kupia baiki, karna lawi naha uplika nani mapara bîla karna aisin sa.”

Jirimaya 36:7 ပူးပေါင်းရင်းမြစ်များ

2 King Nani 22:13

—Man nani was Dawan ra aisaia, bara yang maita, upla nani mata bara Juda aiska dukiara sin, naha lâka wauhkataya sakan na dukiara; kan Dawan lawanka ba tara pali sa yawan wan mapara, wan damika nani ba naha wauhkataya ra ulban bîla ba walras kan, bahara dîa ulbi wankan ba kat daukras kan.

2 King Nani 22:17

Kan yang ra ai swi si, gâd bahki nani ra kîa yamni nani angki yabi kan, baku kupi uya sauhkan, ai mihta warkka nani daukan ba wal. Bamna yang latwanki ba witin nani mapara sa, bara sin sip pali dasbia apia.

2 Kronikas 34:21

—Dawan ra wih makabi wals yang dukira, upla nani Israel bara Juda kiamka wina kau swin nani ba dukiara, naha wauhkataya ra ulbanka ba tânka; kan naha dukiara Dawan yawan wal ai kupia sauhkisa kaia sa, wan almukka nani Dawan dîa win ba kulkras kan bamna, baku sin dîa sut baha wauhkataya ra ulban ba kat daukras kan bamna.

Jirimaya 1:3

Baku sin Josías luhpia waitna Joaquim Juda kingka kan ba piua ra sin Dawan bui witin ra aisin, bara baku ban aisi kan Sedequías Josías lupia waitna ba 11 mani Juda kingka aimaki kan piua ba kat; bamna wibia kaka baha manka ra kati 5 aimakan ba katka ra sika Jerusalem uplika nani ba priski tasba wala ra brih wan ba.

Jirimaya 16:10

“Naha bîla nani na man bui witin nani ra wima ba ra, upla nani ba pana man ra mamkabi walbia: ‘¿Dîa muni Dawan baha saurka tara ba yang nani maipara daukaia baku adar yaban? ¿Dîa saurka yang nani Dawanki Gâdki mapara dauki banhri ki?’

Jirimaya 19:15

“Karnika sut bri Dawanka, Israel Gâdka ba, aisisa: ‘Naha tawanka tara ra yang klala yabia aisari ba daukaia, tawan nani witin ai lamara nani ba sut blikaisna klala yabia, kan witin nani lal karna takan yang aisari ba wali daukras kan bamna.’ ”

Jirimaya 21:5

Bara yang bui man nani mampara aiklabamna, karniki ba kupi baiwan laptika tara ba param sakamna.

Jirimaya 25:5

Witin nani bui man nani ra mai win: ‘Wapankam saura nani ba swis bara daukankam saura nani ba sin swis; bara baku Dawan bui man nani ra maikan bara damikam nani ra sin yaban ba tasbaya ra iwi ban kaia.

Jirimaya 26:3

Ban kra witin nani mai walbia bara ai daukanka saura ba swibia, bara yang luki kaikamna diara saura daukan ba mana klala yabaia apia, yang pat luki kaikri ba baku.

Jirimaya 36:3

Ban kra Juda uplika nani tânka bribia baha pâtka nani sut witin ra blikaia lukisna ba, witin nani ai daukanka saura ba swibia kaka, witin nani ai watawanka saura daukan pâtka nani ba ban swih tikamna.”

Jirimaya 37:20

King, nanara yang bui man ra mamkabisna na dauki aik: Man adar yapara kli Janatan sturi âiulbra ba watla ra ai brih waia, kan yang bahara pruamna.

Jirimaya 4:4

Juda Jerusalem wal uplika nani, man nani Aisa sainka bris bara Dawankam ai kulks, wal lâ daukan lâka ba kupiam ra bris; baha apia kaka, man nani daukankam saura nani ba mita, kupi baiwanka ba pauta klauhi baku mai angkbia, aswi kabia, upla kumi sin sip daskbia apia.

Jirimaya 42:2

prapit Jirimaya lamara wan bara witin ra win: —Diara kum man ra makabi walaia yang nani balri; apia ai wipara: Yang nani kau wiria lupia baman nâra sna na tâiwan Dawan Gâdkam ra puram suns. Blasi yang nani upla ailal katna, sakuna man kaikisma yang nani wiria lupia baman sna.

Inanka Nani 4:11

Dawan ai lawanka tara brin, bara ai kupia baiwan laptika aiska pali ba yakaban; bara Saion kat pauta blikan, bara ai plamaika tara nani sut sin ami luan.

Isikiel 12:3

Baha mita man dukiamra dîa briaia sma ba kat ridi dauks tasba wala ra auma baku kakna upla sut mai kaiki kaka, wamtla wina taki plis wala ra was; ban kra witin nani baha tânka bribia mapara babura uplika nani ba.

Isikiel 13:13

Baha mita, yang Dawan sna ba, aisisni: Kupi aisawanka ba pâsa karna prari baku blikamni; kupi baiwanka ba lî wal kau purkara yarka auhbia, bara lî klaswan yuyaka walpa baku yakabamna, kupi sauhkanka ba wal sauhki tikaia dukiara.

Isikiel 20:33

Yang, Dawan Gâd, rayaki wal pramis takisni karnika tara bliki ni, bara klala yabamna kupi baiwanka aiska wal; bara sin man nani puramra king aimakamna.

Isikiel 22:20

Sim, lalah, bras, ayan bara lit, asla dauki kubus ra mangki ba baku, bara ningkara pauta alkisa slilkaia dukiara. Baku yang kupi baiwanka saura ba wal, asla mai daukamna bara mai slilkamna.

Isikiel 5:13

Bara yang kupi baiwanka ba sakamna; bara lawanki witin nani mapara ba âuyapah lâka daukamni, bara daihra walamna. Bara lawanki witin nani mapara mangkamna ba ra, ai tânka bribia, yang Dawan ba mita sika wîri lawanki tara tilara.

Isikiel 8:18

Sakuna pana sin yang kupi aisawanka wal daukamni: Naikra ba saurka swih tikbia apia, kupia pihni lâka sin kaikamna apia. Bara kisbi banhbia kiaima ra bîla baikra tara ni, sakuna yang walamna apia.”

Daniel 9:13

Naha klalka yang nani purira balan na sut lika, Moses lâ wauhkataya ra ulban ba kat sa, sakuna yang nani bui mai plikras kapri, Dawan wan Gâdka sma ba, yang nani saurki nani ba sin kau lulkras, kasakkam tânka ba nina sin bliki banhras sna.

Daniel 9:18

Gâdki, kiamam ba laki yang ra ai wals, nahki rau wan sauhkan na kaiks, bara baha tawanka ra man ninam mâki wini kan ba, yang nani bui man ra mamkabras yang nani kasakki ba dukiara, sakuna man kupiam swapnika ba tâka mita.

Oseas 5:15

“Yang waitla ra kli wamna, witin nani saura daukan ba ai dara walbia bara bal ai plikbia ba kat. ¡Ai pâtka nani wahwi ba tilara, witin nani ai pliki kabia!”

Joel 2:12

“Sakuna nanara —Dawan naku param pali aisisa—, man nani kupiam brinka aiska kira, kli yang ra tawi bal. ¡Kaiki plun wahwi banhs, kisbi wini banhs, bara sin namkra laya sarikira bal!”

Joel 2:13

Man nani, Dawan Gâdkam ra kli tawi bal, bara kupiam brinka saura ba kalki sâks, prâmka kalkaia watlika ra, Dawan ba kupia lukra swapni lupia sa, umpira kaikan lâka sin brisa, ai kupia alki takaskisa, latwan kaikan lâka sin marikisa, wilin sa klala maiki ba, mahka takaskaia sin.

Jona 3:8

Sakuna upla sut ba ai kwalka siksa dimaia sa sari tukinka ba, bara upla sut ai karnika aiska Gâd ra ai pura sunaia sa. Bara upla kumi bani ai tânka saura bri bara lâ krikanka nani dauki ba, nanara mahka swibia;

Sakaraya 1:4

Damikam nani daukan baku daukpara, prapit nani kaina piua ra kan nani ba bui yang bîli witin nani ra smalkan, ai natka saura, ai daukanka saura nani ba mahka swiaia, sakuna witin nani lika yang bîli walan daukras kan, bara baku sin tawi ai kaikras kan. Yang, Dawan, kasak aisisna.

Kli Smalkanka 31:16

Bara Dawan mita Moses ra win: “Man pat pruaisma, bara naha uplika nani na tringsar nani kuntrika ra dimbia ba ra aidulka nani wal aiblakwi, yang ra lulki ai swibia, bara witin nani wal lâ daukri ba slingwi tiwbia.

Kli Smalkanka 31:17

Sakuna yang kupi baiwanka witin nani purara klauhan kabia, bara yang bui witin nani ra lulki swimni. Witin nani dukiara sin lukamna apia, bara saura sari lâka nani baman balbia ai purara, bara wibia: ‘¿Yawan naha pâtka bri na, wan Gâdka yawan nani wal apia ba mita apia ki?’